Hibru 2:4 - Udél Dwata: Gna Kesfasad ne Lomi Kesfasad

⁴ Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.

Hibru 2:4 Referans Kwoze

Kul Nmò 14:3

Bong na le legen le Pol bè yó. Là kô wen klikò le tmulón du yóm tulón hyu gbak ebè Jisas yóm gónó le mogot. Tey kehdilô Jisas du bè yó kem tau hmungol kul yóm hol ktahuhen yóm hyu gel tulón le, hlanen bè yó kem hentaw ton gel hmoen kul le Pol.

Ifisus 1:5

Lemwót bè yóm kbong nawahen tekuy Dwata, deng kem tehe eles gegna ne kehedemen du yóm kngaen tekuy hlanen bè Jisas Krays. Tey kligalen bè yóm kngaen tekuy yó, hol lemwót bè kun kóyô yóm kmoen du.

Mark 16:20

Kewót le se kul yó kem tau gel lemolò du, hetngón le bè klamangen yóm Tulón Hyu gbak ebè Jisas. Tey tendo gel któbóng Jisas kul yóm gónó le mogot, hlanen bè yó kem hentaw ton gel nmò le mò gónón hegfan yóm hol ktahu yóm tulón gel nwit le.]

Kun Snulat Jan 4:48

Ne yó mom mon Jisas mò du, monen, “Ke là wen hentaw ton gel nmou, là kô hentahu ye dou.”

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

Kun Snulat Jan 15:26

Bud mon Jisas, “Wen angat hógówu ebélê ye lemwót bè Mà mò tmóbóng kuy, duhen yóm Tulus Dwata. Du se angat tmolok du kuy yóm ktahuhen lemwót bè Dwata. Ne angat wen tulónen bè yóm dou kmò.

Ifisus 1:9

Lemwót bè kun kóyô deng heglileben tekuy ne yóm tehe atul bunihen. Yóm atulen yó, deng eles hendemen yóm kehlanen du bè Krays.

Kul Nmò 4:10

hyu se ke tngón ye, ne hyu snéen ke tngón yó kem kdéen tau Israél. Yó gónón baling hyu nim tau tehe kihod mdà bè solu ye ni, tódô lemwót bè kfasang yóm kun boluy Jisas Krays lemwót bè Nasarit. Du se yóm deng tehe htutuk ye bè kros ne matay, okóm deng bud hlowil Dwata.

Mark 6:14

Ngangen mból yóm gel nmò le Jisas efet gefet bè Hirod, yóm tau hol geta bè Galili. Deng tey baling tótól yóm boluy Jisas lemwót bè yóm gel nmoen. Wen se mon du, “Deng bud mowil yóm Jan tehe mabtays, yó gónón wen ktueden mò du yó kem hentaw ton gel nmoen.”

Kul Nmò 5:32

Ni kem tulón me kuy ni,” mon Pitér, “mi se gemtanud du yóm ktahuhen. Dalang se yóm Tulus Dwata deng blay Dwata yó kem tau mimón du, bud du se gemtanud du.”

Ifisus 4:7

Yóm kdê tekuy, sal wen kenhulung blay Krays tekuy yóm ket tekuy na sotu. Yóm blayen tekuy yó, tódô lemwót bè yóm kun kóyô bélê tekuy.

Hibru 6:4

Ke deng hemtahu bè Dwata yóm tau, ne ke tnagaken, là kô bud gbeken du ne mawik nawahen ebè Dwata anì hegsel. Yóm tau monu yó, deng tehe hlayag Dwata kehedemen, ne deng gnómen yóm deng blay Dwata du lemwót gu bè longit, ne yóm deng knóen béléen yóm kun Tulus Dwata.