Hibru 2:3 - Udél Dwata: Gna Kesfasad ne Lomi Kesfasad

³ Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.

Hibru 2:3 Referans Kwoze

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Sulat Pol Ebè Yó Kem Tau Hemtahu Bè Rom 2:3

Yó kô hendemem, tnafak Dwata yó kem tau gel mò du yó kem sidek yó koni, ne là dog tnafaken kóm bè yóm kóm kmò du snéen?

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Kul Nmò 4:12

Duhen yó,” mon Pitér, “Tek són Jisas gembek lemwà tekuy gu lem hatay. Laen kô dù dumu tau talak tonok ke gónó Dwata hlan du yóm kegewà tekuy, tek són Jisas.”

Isikél 17:15

Okóm yóm tau hol geta bè Israél, mom natuen yóm tau hol geta bè Babilun. Yó nmoen, hógów tau ebè Idyip hefnihen tóbóng ditu, tey kem sendalù wen ne kem kudà hnihen ditu. Kmò kehedemem du, gbek Israél kô mulé du yóm deng senfasad le ne là wen tmafak du?

Hibru 4:11

Duhen yó, hol hotu tekuy són gel tekuy anì guta tekuy yóm kehegnô yó koni. Hol ten-gama kuy anì là mo tekuy mom mkél bè yó kem tau gnan ekni, là kô dog guta le du lemwót bè yóm là kehtahu le.

Hibru 1:2

Okóm tólóng ni kmoen ni. Yóm kudél Dwata ebélê tekuy, deng hlanen bè yóm Ngaen. Yóm Ngaen yó, du se yóm deng fen hedlimunen yóm kentihen, ne deng néléken mò angat mfun du snéen.

Kun Snulat Luk 1:2

Tódô nulit le yóm deng gel tulón le kum yó kem tau tehe mton du lenwóten bè kbuten, yó kem tau deng gel hetngón du yóm tehe kun tolok Jisas.

Deng Hegfan 7:10

Tey kehgel le udél le, mon le, “Deng tekuy gewà gu lem hatay lemwót bè yóm Dwata tekuy, yóm nô bè gónón myón kmamal, ne lemwót bè yóm Ngà Ubihahen.”

Taytus 2:11

Deng hegfan Dwata yóm tey nawahen ebè kdéen tau bè yóm kehewaen tekuy gu lem hatay.

1 Timuti 1:15

Là kô olo ulóben du se nim monu mò kóm ni, Timuti, hol béen tlek wen tau hmingay du. Yó hol henduf Krays Jisas edini elem benwu anì wen lanen lemwà yóm tau gemsalà. Ne bè kdéen tau gemsalà, ou yóm tau alì gedlug salà nmoen,

Matyu 23:33

Ya nim yu kem tau knawa ulal, hono ye semfu gu bè yó kem tau knawa ulal. Tedu kmò kegewà ye lemen du yóm deng kgolu ye elem lanaw ofi?

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Hibru 4:1

Ne tekuy snéen nim kmoen ni yóm gónó Dwata e fmasad du yóm benwu angat gónó tekuy hlós henek nô yó. Duhen yó, hol tekuy eles temgama, kô là guta tekuy du yóm benwu fasaden yó.

Kul Nmò 2:22

Ne bud mon Pitér, “Ó kem dou dumu tau Israél, hol hnungol ye nim monu mò kuy ni. Yóm Jisas lemwót bè Nasarit, deng hógów Dwata edini lem benwu. Yó gónó Dwata hdilô du yóm khógówen du, duhen yó kem hentaw ton deng gel hmò Dwata du lem blóng tekuy. Tódô gotu tngón ye snéen kuy ni kem ni, abay se deng tehe nmoen lem blóng ye bè ni.

Kun Snulat Jan 15:27

Dalang se kuy, angat wen tulón ye lemwót bè dou kmò, abay se deng ye nô béléu lemwót bè yóm kbut ktoloku.”

Kun Snulat Luk 24:19

Ne bud hensokol Jisas bélê le, monen, “Boluyen de?” Omin le bud malà du, mon le, “Yó sem nmò le bè Jisas, yóm tau lemwót bè Nasarit. Nim tau ni,” mon le, “du se hol tugod Dwata. Laen kô dù bang gemsenged du bè solu Dwata nim Jisas ni, sélét mom tô bè kem tau tonok ne. Tey gemseb yóm gel ktoloken, ne tey wen hentaw ton gbek nmoen snéen.

Mark 1:14

Sotu kdaw bè yó, gefet bè Jisas yóm deng kehblanggù Hirod ke Jan. Bè yóm kungolen du, tódô mulék ebè prubinsya Galili nan e hetngón bè yó yóm Tulón Hyu lemwót bè Dwata.

Isikél 17:18

Abay se yóm tau hol geta bè Israél, deng nuléhen yóm deng senfasad le igò le deng sesafà. Yó gónóm mon, là kóen na a tô gewà bè yó.

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.

Kun Snulat Luk 1:69

Wen tau alì mfasang hógówen elem blóng tekuy mò lemwà tekuy, yóm tau semfu gu bè yóm sotu tehe tóbóng lówóhen boluyen Dabid.

Matyu 4:17

Nbuten bè yó ne, tmolok Jisas. Yó gel monen, “Hegsel ye ne, knogol ye yó kem sidek gel nmò ye, yakà móyónen hto ne yóm buteng Dwata mogot tau.”

Sulat Pol Ebè Yó Kem Tau Hemtahu Bè Rom 11:14

Ke ton yó kem dou dumu Ju yóm nmò Dwata bélê ye, déke angat le mófô bélê ye, ne bè yó gónón wen bélê le gewà gu lem hatay.

1 Kurin 1:21

Bè kun khulung hedem Dwata, là kô hlanen du bè kul ketngón kem tau tonok yóm kesetngón le ebéléen. Okóm yó gónón hlan du yóm kehewaen kul gu lem hatay, tódô lemwót bè yóm kehtahu le du yóm tulón nwit me, yóm gel mon le tulón laen dù muhen.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.

1 Jan 1:1

Yó gónóhu smulat ebélê ye ni, abay se tulónu kuy yóm Jisas Krays, yóm bnoluy le Udél Hlowil Tau. Gu laanen là deng wen benwu he, deng sana kem yó ne kun. Ne deng na me hol gungol udélen, ne deng hol kum mata se mton du yóm lówóhen ne deng nogot me snéen.

Sulat Jud 1:17

Okóm kem dumuhu swè, bê ye abay klifót yóm deng tehe gungol ye lemwót bè yó kem tanay tau tehe gel hógów yóm gónó tekuy mogot Jisas Krays.