Hibru 2:2 - Udél Dwata: Gna Kesfasad ne Lomi Kesfasad

² Tey mget yóm tehe tulón Dwata yó kem tehe fù tekuy ekni, hlanen bè yó kem gel hógówen gu bè longit. Ke wen tau mulé du, sal gel megtafak du, yóm tafak mò balà yóm sidek deng nmoen.

Hibru 2:2 Referans Kwoze

Kul Nmò 7:53

Igoen yu se gónó Dwata e bemlay du yóm kun hlau, yóm hlau tehe hlanen bè yó kem hógówen gu bè longit. Okóm,” mon Stéfén, “là kô dog nimón ye du.”

Glasya 3:19

Duhen yó, ke lómón yó se kmoen tedu se muhen yóm kehsulaten du ke Musis yóm hlau? Yó muhen mò hdilô du bè yó kem tau yóm salà le. Wen mu Dwata du efet yóm kdaw kkól yóm tau monen semfu gu bè Abraham, yóm tau gónó Dwata e mon du yóm tehe fasaden yó. Bè yóm tehe keblay Dwata du ke Musis yóm hlau, wen hógówen gu bè longit mò blóngen ebè Musis. Bong ke Musis kun, mò fen blóngen ebè kem tau.

Hibru 10:28

Bè yóm tehe kun kdaw Musis ekni, ke wen tau mulé du yóm kun hlau, ne ke wen lewu duhen ke tlu tau kestigus du yóm deng kguléhen du, tek sotu kukumen, tódô hnatay le yóm tau yó. Balù udì ke wen kodu le du.

Sulat Jud 1:5

Deng gotu tngón ye nim tulónu kuy ni, olohu bud hegtulón du bè nawa ye dé. Tehe yu ekni, deng lenwà yóm gónó tekuy mogot yó kem tau Israél lem tdok yó kem tau Idyip. Timbow legen bè yó, gotu genlà Dwata yó kem tau laen dù kehtahu le béléen.

Dwata 27:26

‘Hol tnafak Dwata yóm tau là mimón du yóm kdê hlauhen ne yóm kdê toloken.’ Ne kdéen tau gotu malà du, mon le, ‘Tahu yó.’ ”

Hibru 11:26

Hendemen mom hyu he kun ke henwog le lemwót bè yóm kehdónen yóm Misaya, yóm deng nélék Dwata mò hkamalen yóm klamangen, olo ke tô gfunen yóm tey kendengen bè Idyip. Deng eles hendemen ne kun yóm ofolen elem hulin kdaw lemwót bè Dwata.

Hibru 10:35

Duhen yó, bê ye lensón yóm là klikò ye yó. Ke là gkó ye du, angat wen tey ofol ye.

Hibru 11:6

Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

Kem Lingón 68:17

Kewót Dwata bè Bulul Sinay, mung du yó kem klitun tók là bud gsóhem du hilu libuhen, tódô hlós ebè yóm kun Gónô bè Bulul Sayun.

Lista 25:9

bede deng sana lewu folò fat libu tau deng gafit yóm des yó.

Lista 21:6

Gungol Dwata yóm udél le yó, yó gónón hemwit elem blóng le yó kem tey ulal malas ne tey dê tau nékét le ne gotu le matay.

Lista 16:49

Yó kwen yó kem tau matay bè yóm kdaw yó, botong sfolò fat libu bud hitu latu là gomong yó kem tau mung matay bè salà Kura.

Lista 11:33

Bè yóm tolo lel le mutón du, tódô sut bélê le yóm kebut Dwata kul ne wen des mekto hwiten ebélê le.

Dwata 32:2

Kehlingónu du nim toloku ni, hol lómón ke kulón gdek ete tonok, ne hol lómón ke amù te tonok. Yóm udélu ebélê ye ni, hol lómón ke blanas eta yó kem hulu ne hol lómón ke blanas eta yó kem bnes.

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

2 Pitér 1:19

Yó gónóm mon, deng hol temnù ne yóm kehtahu me du yóm deng tehe eles tulón yó kem gna tugod Dwata ekni. Hol hentahu ye se kuy yóm deng eles tulón le yó. Hefeng tekuy du yóm tehe gel tulón le, lómón ke solok mnóng bè gónóhen kmifu efet mwas, efet mnóng ebélê tekuy yóm blotik semla gel mnóng bè kwasen, duhen Jisas Krays.