Hibru 2:16 - Udél Dwata: Gna Kesfasad ne Lomi Kesfasad

¹⁶ Bè yóm tehe katay Jisas, sundu yó du tnóbóngen ke mone yó kem gel hógów Dwata gu bè longit. Kaem tau yóm tnóbóngen, hol lómón yóm monen bè Sulat Dwata, yóm monen, “Tnóbóngen yó kem tau semfu gu bè yóm tehe Abraham.”

Hibru 2:16 Referans Kwoze

Glasya 3:29

Ke deng nfunen yu Krays, henged ye deng semfu gu bè Abraham ne, ne wen se kuy du yóm tehe fasad Dwata du ekni.

Glasya 3:16

Bè yóm tehe fasad Dwata ke Abraham ne bè yóm sotu semfu gu béléen, là kô monen du ke fasaden bè yó kem dumu semfu gu bè Abraham. Okóm monen bè yóm sotu semfu gu bè Abraham, duhen Krays.

Tekang Kbuten 22:18

Lemwót bè yóm tey kimónem dou, angat wen bè yó kem bólem gónóhu hlan du yóm tóbóngu yóm kdéen but tau talak tonok.”

Hibru 12:10

Yóm mà tekuy te tonok, són bè yóm hanà tolo kegen tekuy udì yóm gel ktedeng le tekuy. Ne tódô nmò le bélê tekuy yóm kul ketngón du yóm hyu. Okóm tólóng yó dum ktedengen tekuy yóm Mà tekuy bè longit. Gel nmoen bélê tekuy yóm hyu bélê tekuy anì gbót tekuy bè yóm kun klaen dù belen.

Hibru 6:16

Bè tau kun, ke gel mò fasad, sal gel smafà bè boluy yóm geta sentahen, duhen Dwata. Ne ke yó nmoen ke wen senkukum le, laen kô dù sfuhen yóm keskukum le yó, abay se deng hlanen bè boluy Dwata.

Sulat Pol Ebè Yó Kem Tau Hemtahu Bè Rom 2:25

Bélê tekuy kem Ju, wen yóm hlau bè kehtulì. Són gónón wen muhen ke nimón tekuy yóm hlau Dwata. Bede ke là nimón tekuy du yóm hlau Dwata laen kô gónó tekuy mkay senta yó kem tau là Ju le duhen yó kem tau là tnulì.

1 Pitér 1:20

Deng eles nélék Dwata ne gu laanen là deng dmimun du yóm benwu, okóm ni ne yóm khógówen du ete tonok mò tmóbóng tekuy.

Hibru 2:15

Bè yóm katayen yó, yó gónón lemwà tekuy kem tau alì likò matay, abay se monem tolo kuy gfét du bè yóm igò tekuy mowil.

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.