Hibru 2:10 - Udél Dwata: Gna Kesfasad ne Lomi Kesfasad

¹⁰ Dwata se yóm tehe dmimun du yóm kentihen, ne tolo nkemen he ni kmoen ni. Tey hyu yóm tehe nmoen bè Jisas, nan na hlan bè yóm gónón hol glayam anì gfan yóm tey kguliten. Ni se lan Dwata mit tekuy kem ngaen etu bè longit. Yakà Jisas du yóm tukô gna tekuy ebè yóm klowil laen dù sónen.

Hibru 2:10 Referans Kwoze

Sulat Pol Ebè Yó Kem Tau Hemtahu Bè Rom 11:36

Abay se kdéen ton, gotu dlimun Dwata. Ke là wen du, laen kô dù mowil. Ne yóm kentihen deng dlimunen yó mò hol gónón megdóyón. Bê tekuy lensón yóm kdóyón tekuy du.

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Hibru 6:20

Deng du se hol tukô gna tekuy, ne du se yóm hol blóng tekuy ebè Dwata, ne laen kô tul sónen yóm keseblóngen tekuy yó, hol lómón yóm tehe keseblóng Mélkésédék yó kem tau gnan ebè Dwata ekni.

Kul Nmò 5:31

Okóm ke Dwata kun, tey kehegetahen du, hyónen fi bè kwananen. Ne du deng nmò Dwata mò gónó tekuy galak, ne mò gónó tekuy gewà gu lem hatay. Ne hlan Dwata béléen snéen yóm kehlifóten salà tekuy kem tau Israél ke hegsel te.

Kun Snulat Luk 24:46

yó monen mò kul, “Yó tehe snulat le, mon le, ‘Nan na glayam yóm Misaya, bede angat bud mowil bè getluhen kdaw.

Kun Snulat Luk 24:26

Deng tehe eles tulón le yóm nan na keglayam yóm Misaya, omin Dwata yó he hegeta du.

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

1 Kurin 8:6

okóm bélê tekuy, tek sotu yóm Dwata duhen yóm Mà tekuy deng dmimun yóm kentihen, ne du se hol lolò tekuy. Ne tek sotu se yóm gónó tekuy mogot, duhen Jisas Krays. Deng hlan Dwata tahen yóm kedlimunen yóm kentihen, ne bud béléen se gónón lemwót yóm klowil tekuy.

Hibru 7:28

Yóm tau tehe gel nélék le mò blóng le ebè Dwata, gel lolò le yóm hlau Musis. Bede sal wen gónó le là gulit yó kem tau nélék le yó. Okóm wen fasad Dwata tekuy tukô huli yóm hlau Musis, bud hlanen bè yóm boluyen mò hemget du. Lemwót bè yóm fasaden tekuy yó, yó gónón mélék yóm hol Ngaen mò fen blóng tekuy ebéléen. Yóm Ngaen yó, laen kô dù gónón là gulit bè yóm keseblóngen tekuy ebè Dwata, ne laen dù tul sónen snéen yóm kguliten yó.

Ifisus 3:10

Okóm ni kmoen ni, hegfanen yóm tehe bunihen, hlanen bè yó kem tau hemtahu bè Krays, anì hol gfan bè kdéen mfasang wen glalen ditu bè longit yóm tey khulungen hedem Dwata bè kdê nmoen.

Deng Hegfan 4:11

“Tek són u yóm kum gónó mogot, yóm kum Dwata. Uu se yóm knóón bang sendóyón lemwót bè kegetahem ne lemwót bè kfasangem. Yakà uu du yóm deng dmimun yóm kentihen, ne tódô lemwót bè kóm kóyô yóm kedlimunem kul, ne yóm kehlowilem kul.”

2 Timuti 2:10

Kem kunen ne, kihu kem kmò le dou, syan ke gtóbóngu yó kem tau deng nélék Dwata anì gewà le gu lem hatay se kul lan le hemtahu bè Krays Jisas, ne anì guta le yóm klowil laen dù sónen.

Kulasi 3:4

Yóm lomi klowil tekuy yó, lemwót bè Krays. Ke bud semfulék edini, angat tekuy gmung béléen bè yóm alì kegetahen bè yóm kdaw yó.

Glasya 3:26

Lemwót bè yóm kehtahu ye, deng ye gotu baling ngà Dwata ne, ne deng ye ssotu bè Krays Jisas.

2 Kurin 3:18

Duhen yó, kdê tekuy deng hemtahu, deng gfan lem uyó tekuy ne yóm kun keslinang yóm gónó tekuy mogot, ne laen kô dù bud sengen ne. Yóm gfan bélê tekuy yó, hol lemwót gu bè yóm gónó tekuy mogot. Bè yóm igò tekuy temngel ebéléen, igoen hembaling tekuy mò mkél béléen, ngangen mò du efet tekuy hol mkél du. Yóm gónó tekuy mogot yó, du se yóm hol Tulus Dwata.

Sulat Pol Ebè Yó Kem Tau Hemtahu Bè Rom 9:23

Yó gónón mò du nim ni mò gónón hegfan yóm tey alì kehyu kmoen ebélê tekuy kem tau deng knoduhen, kem tau deng eles néléken mò angat megdóyón béléen.

Kul Nmò 3:15

Deng mom hfatay ye yóm gónón gu tembul yóm klowil laen dù sónen, okóm deng bud hlowil Dwata. Mi se hol gemtanud du yóm deng bud klowilen.

Kem Udél Hlalak Tehe Selumun 16:4

Bè kdê deng nmò Dwata sal gel wen oluhen kul balù yó kem tau gel mò sidek deng oluhen kul yóm kdaw ktafak.

Deng Hegfan 7:9

Kogolen bè yó, bud nkayu ketngelu, ne tódô tonu se yóm tey genged tau. Ya tey kwen le, laen kô gembek msó kul. Lemwót le gu bè klamangen benwu, bè ket but tau, ne bè ket ból tau, ne bè ket udél tau. Gotu le mdà bè solu yóm gónón myón yóm fen kmamal lewu le yóm Ngà Ubiha. Gotu le mnes bukay, ne sket kul mogot doun koyu.

1 Pitér 5:1

Ne ni wen udélu ebélê ye, yu kem tuha gónó le gel galak yó kem tau hemtahu. Ou se sotu dumu ye tuha gel malak snéen. Lelen yó he deng tonu se dou yóm tehe keglayam Krays bélê tekuy, ne gomonge snéen dou bè yóm kdaw angat kegfan yóm kegetahen. Ni se yóm hlauhu kuy.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Hibru 7:26

Duhen yó, Jisas se yóm mò blóng tekuy ebè Dwata, yóm hol hulung tmóbóng tekuy. Tey kólósen. Laen kô dù sidek duhen ke salà ton tekuy béléen, Deng sentólóng Dwata bè yó kem tau gemsalà, ne tey kehegetahen du ditu bè longit.

Ifisus 2:7

Yó gónón mò du nim ni mò gónón hegfan du bè kdéen tau yóm tey któbóngen tekuy, ne yóm tey nawahen ebélê tekuy hlanen bè Krays Jisas.

2 Kurin 6:18

Ou se baling Mà ye, ne yu baling kem dou ngà. Ni se udél yóm gónó tekuy mogot yóm laen dù là gbeken du.”

2 Kurin 5:18

Tódô Dwata se mò du yóm monu yó koni. Hlanen bè Krays yóm lan nmoen mò lan tekuy mit sefyu ebéléen. Ne deng sigangen ta tekuy se yóm mò fen tmulón du bè dumu tau yóm lan nmoen yó.

2 Kurin 4:17

Ke hendem me yóm tey kehyuhen yóm guta me hulin kdaw, élél tnalaw ni dum keglayam te tonok ni, tek olo kem likóten. Ke tódô henbala me nim ni, là kô gbek me hmingón du yóm alì kehyuhen yóm klowil laen dù sónen.

1 Kurin 2:7

Yóm ketngón gel toloku ni, yó se yóm ketngón Dwata tehe gbuni bè kem tau gnan. Okóm gu laan Dwata là deng dmimun du yóm benwu, deng sana eles tngónen yóm kmò kehlanen du bélê tekuy yóm ketngónen yó anì wen klowil tekuy laen dù sónen.

Kun Snulat Jan 19:30

Timbow deng ksefen du, ominen mon du, “Deng gotu deng ne kdéen.” Ominen hetngù, ne milot se nawahen.

Kun Snulat Jan 11:52

Okóm là són du bè kem Ju yóm gónó Jisas matay. Bud angat gotu sensotuhen lu snéen yóm kdéen tau Dwata deng sekla.

Kun Snulat Luk 13:32

Mon Jisas se mò kul, “Mulék ye etu ne, ne hol tulón ye yóm tau alì hulung smukat yó, mon ye mò du, ‘Kemdaw ni ne haya, tolo lelu he hdó busaw ne hkó des. Lewu ni kehedengu du yóm nmou.’

Kun Snulat Luk 2:14

“Hol dóyón tekuy yóm Dwata nô bè yóm hol són longit geta. Ne hol wen kenek nawa kem tau te tonok, yó kem tau gel hefligal ke Dwata.”

Mika 2:13

Angat hennas Dwata yóm lanen mit kul hewà gu bè yó kem benwu gónó le tehe e megef kul. Angat nwiten lu hewà gu bè yóm bak tikeb yóm syudad yó anì mulék le ebè yóm hol kul benwu. Yóm geta bélê le, duhen yóm sana Dwata hol gónó mogot, du se yóm tukô gna kul.

Isaya 55:4

Deng tehe nmou Dabid mò tau malak kem dumuhen ne baling sotu tau hol geta mò malak yó kem tau bè dumu benwu. Mlan béléen gónóhu hegfan du bélê le yóm kfasangu.

Isaya 43:21

Lu se yó kem tau deng nmou mò hol dou tau. Angat tey kdóyón le dou mlan bè kesngal le.”

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”