Hibru 2:1 - Udél Dwata: Gna Kesfasad ne Lomi Kesfasad

¹ Ke lómónen yó kegetahen yóm gónó tekuy mogot, hol sù tekuy bè nawa tekuy sen yóm ktahuhen deng gungol tekuy anì là snonol tekuy du.

Hibru 2:1 Referans Kwoze

Kun Snulat Luk 8:15

Yóm tonok hyu gónón e gdek yóm dumu bnék sohulen, duhen yó se kem tau hmungol du yóm Udél Dwata, ne tendo hnô le lem hendem le ne tódô henlel le se hemtahu du efet tey kbungu le.”

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

2 Pitér 3:1

Ni se gewuhu dulék smulat ebélê ye, yu kem weu dumuhu sogot nawa. Bè nim gewu sulat ni, olohu bud hegtulón du bè nawa ye yóm deng eles tngón ye anì gulit kehedem ye du yóm deng lolò ye.

2 Pitér 1:15

Yó gónóhu hol smulat du ebélê ye ni kem ni mò hentulón nawa ye soke mfu lem blóng ye.

Kem Udél Hlalak Tehe Selumun 3:21

Ó Man, hol suem bè nawam yóm khulungem hedem ne yóm khulungem mit du hyu yóm kmoem. Hol béem tnagaw nawa anì là lana le béléem.

Kem Lingón 119:9

Tedu nmoen du yóm logi lomi lemnok anì laen dù belenen yóm gel kmoen? Yó nmoen, nimónen yó kem hlauhem, Dwata.

1 Tutul Israél 22:13

Abay se ke hol loloem yó kem hlau Dwata ne yó kem hloloen yó kem tau Israél tehe hlanen bè Musis, angat wen uléken yóm kdê nmoem. Holi hbegel, ne hol hfólem nawam. Béi abay hlikò, ne béem hegdódól nawam.

Hibru 12:5

Là deng klifót ye du kô yóm tehe udél Dwata mò gónón gemduf kuy bè kngaen kuy, yóm monen, “Ó Ngà, hol kenmónem ke wen gónóhen hemtedeng kóm yóm gónóm mogot, ne béem kenblat nawa ke wen gónóhen mólów kóm.

Mark 8:18

Igoen sem wen mata ye, ewenem là kô ye mton. Igoen sem wen klingu ye, ewenem là kô ye mungol. Hentulón ye nawa dé

Matyu 16:9

Efet ni he là deng glileb ye du dilóu yóm gel nmou. Hentulón ye nawa dé yóm kekbéngu limu botù mambang bè yóm limu libu kem logi, hilu abì de lukasen deng sentifun ye?

Dwata 4:23

Hol ye eles temgama anì là klifót ye du yóm deng kesfasad ye Dwata. Hol nimón ye yóm kun hlau kuy anì là gmò ye du kihu kay dwata lennged

Hbakuk 2:16

Okóm yu se bud angat mulék myak tles yóm tehe któtól ye. Yu se tles bud lengel ne heglénggé. Angat wen hinum Dwata kuy, duhen yóm tafaken kuy. Ne yóm tey tehe któtól ye, angat bud mulék yak ye.

Kun Snulat Luk 9:44

“Hol bê ye abay klifót nim tulónu kuy ni. Angat blay le elem tdok yó kem tau mogot kukum yóm Ngà Tau.”

Hbakuk 1:6

Wen tey kfasang blayu bè yó kem tau Babilun kem tau alì lóbô, balù udì ke wen kodu le kem dumu tau. Lu se angat gmida yóm klamangen benwu na le e nled yóm sundu kul du.

Kun Snulat Jan 8:59

Timbow gungol le yóm mon Jisas yó, omin le gotu mulut botu mò tô hatay tudà le du. Okóm tódô lana lem mata le Jisas, tnagaken yóm Gónô Dwata.