Hibru 13:7 - Udél Dwata: Gna Kesfasad ne Lomi Kesfasad

⁷ Gel hentulón ye nawa yó kem tau tehe gónó ye galak, yó kem fen tehe gel tmolok kuy yóm Udél Dwata. Hol hendem ye yóm kmò kwit le ktau le efet katay le, ne hol dnalang ye yóm kehtahu le bè Dwata.

Hibru 13:7 Referans Kwoze

Hibru 13:17

Hol gel nimón ye yó kem tau gónó ye galak bè kehtahu ye, ne hol lolò ye yóm hlolò le kuy. Yakà lu du yóm tendo semflós tmanud kuy, abay se yóm ktanud le kuy yó angat snólók Dwata bélê le. Ke nimón ye lu, yó se gónón lingas nawa le mò nmò lem blóng ye. Okóm ke là, mom dalil gónón blat nawa le, ne laen se kô dù uléken yóm nmò le lem blóng ye.

Flipay 3:17

Yake henlel ye dmalang du yóm dou kmò, kem dumuhu setwoli, ne hol gel hnénég ye dé yó kem dumu tau deng gel lemolò du yóm kum kmò.

Hibru 6:12

Là kô me móyô du ke baling ye mduk, okóm yó kóyô me bélê ye ke hol dnalang ye yóm kul kmò yó kem tau hemtahu bè Dwata, ne yóm khanay le nawa le efet guta le yóm deng tehe fasad Dwata kul.

1 Tisalunika 1:6

Deng tehe glolò ye ne yóm kum kmò, ne yóm kun kmò yóm gónó tekuy mogot. Balù yóm tey gel keglayam ye lemwót bè yóm kehtahu ye, ewenem yó, sana tolo tey kehligal ye hemmóyô du yóm tulón nwit me. Yóm kligal ye yó, tódô lemwót bè yóm Tulus Dwata.

Kul Nmò 14:23

Tódô ket yó kem benwu gónó le tehe tmolok, sal gel wen kem tau tuha nélék le mò fen malak yó kem tau hemtahu bè yó. Sok deng gel kélék le kul, glok le fasting, ne mni le bélê le bè Dwata, ne hogot le lu bè Jisas, yóm gónó le mogot deng snalig le.

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

1 Timuti 3:5

Yóm tau ke là hulungen mit yó kem fes lówóhen, kmò tô khulungen mit kul se yó kem tau hemtahu bè Dwata?

Hibru 13:24

Hol hgefet ye do bè yóm kdéen malak kuy bè yó, ne bè kdê yó kem kun tau Dwata bè yó yóm gel kólóm me kul. Dalang se ni kem tau hemtahu bè ni bè benwu Itali, tey gel kólóm le kuy.

1 Tisalunika 2:13

Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.

1 Kurin 4:16

Yó gónóm mon, hol dnalang ye yóm dou nmò.

Sulat Pol Ebè Yó Kem Tau Hemtahu Bè Rom 10:17

Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.

Kul Nmò 4:31

Kogol yóm kni le, tódô hsinsig Dwata yóm gónô gónó le nô, ne ominen bud hemsù du bè kdê le yóm Tulusen. Ne tódô nbut le bè yó tmulón du yóm deng tulón Dwata kul, ne laen dù bud klikò le mò du.

Deng Hegfan 6:9

Timbow bud monol yóm yó koni, omin yóm Ngà Ubiha mkó yóm glimuhen dket bè yóm sulat lenulun. Tódô tonu laan yóm gónó le gel demsù ebè Dwata lóyóf yó kem tau tehe matay bnonok lan le tehe gel mit yóm Udél Dwata, ne lan le gel tmulón du yóm ktahuhen gbak ebè Jisas Krays.

Deng Hegfan 20:4

Ominu yó bud mton yó kem bangkù gónó le myón yó kem tau benlay le glal kmukum. Bud tonu se lóyóf yó kem tau deng tehe hnatay le lan le tmulón yóm ktahuhen tehe tolok Jisas, ne lan le tmolok Udél Dwata. Ni kem tau ni, là kô hentahu le du yóm lóbô tanay sut. Dalang se yóm lennged hmoen, là kô hentahu le du. Ne là se henmóyô le du yóm kun ilô yóm lóbô, yóm gel nmò le lem uyó le duhen ke te henmù le. Ni kem tau tehe hnatay le ni, gotu le bud mowil, ne gotu le mung kmamal bè Krays bè yóm lemibu halay.

Deng Hegfan 1:9

Ou se Jan, yóm sotu dumu ye setwoli. Lemwót bè yóm klolou ke Jisas, denge mkél bélê ye ne bè yóm kehbala ye du yóm keglayam sut bè yó kem tau nogot Jisas. Ni deng mom htólóng le o bè ni bè Patmus, yóm sotu hungul nô talak mohin. Yó duón le do lanu tmolok yóm Udél Dwata, ne yóm ktahuhen lemwót bè Jisas.

2 Tisalunika 3:9

Yó gónó me mò du nim ni, sundu mon ke laen dù kwalis me mni bélê ye bè yóm ktolok me kuy, bede yó gónó me mò du mò gónó ye mton du anì dnalang ye.

1 Kurin 11:1

Yó ne, hol dnalang ye sen yóm dou kmò, lómón yóm gel kdalangu yóm kun kmò Krays.

Kun Snulat Luk 12:42

Ne bnalà Jisas se, monen, “Yóm tau gulit kmoen nmò bè yóm gónóhen mogot, ne hulung hedem, yó se yóm tau tódô gotu hogoten du yóm gónóhen mogot yóm gónóen ne yó kem dumu tau mò nmò béléen mò fen semgifà kul.

Kun Snulat Luk 8:11

“Ni sii,” mon Jisas, “tennefen yóm hlingón yó koni. Yó kem bnék sohul yóm tau yó, duhen yóm Udél Dwata.

2 Tisalunika 3:7

Deng hónô tngón ye se yóm tehe gel kmò me, yó se mò lolò ye. Là kô me hduk yóm tehe knô me lem blóng ye.

1 Kurin 10:13

Laen kô dù tilów sut ke là deng gnóm kem dumu tau du. Okóm tey gsalig yóm Dwata, là kô bayaen du tekuy yóm là gbek tekuy du. Bè yóm ksuten bélê tekuy yóm tilów yó, angat hgel Dwata nawa tekuy anì gbek tekuy hembala du, ne sal gel wen lan nmoen mò lan tekuy gewà gu lemen.

Kul Nmò 13:46

Okóm kul le Pol ne Barnabas, là kô wen klikò le malà kul, mon le, “Igoen hyu ke yu gna tnulón me yóm tulón nwit me, okóm mom kenbê ye. Ilóem ofo kuy mon du ke laen dù mu ye du yóm udél gónó ye gmuta klowil laen dù sónen. Tódô tnagak me yu, mógów me ebè yó ne kem tau là Ju le.

Kun Snulat Luk 5:1

Sotu kdaw bè yó, mdà Jisas bè kilil yóm lanaw Ginésarit na a tmolok Udél Dwata. Tey genged tau segdendel ebéléen na a hmungol du.

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.