Hibru 13:6 - Udél Dwata: Gna Kesfasad ne Lomi Kesfasad

⁶ Duhen yó, là kóen layab ke mon tekuy, “Dwata se yóm gel tmóbóng do, laen kô bang gónóhu likò. Laen kô dù gmò le béléu yó kem dumu tau.”

Hibru 13:6 Referans Kwoze

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Kem Lingón 124:8

Tek són Dwata yóm tmóbóng tekuy yóm Dwata tehe mò longit ne tonok.

Hibru 4:16

Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.

Kem Lingón 56:4

Tey kdóyónu du yóm udélem, Dwata. Són Dwata snaligu, yó gónów là likò. Laen dù gmò le béléu yó kem tau tonok.

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Kem Lingón 54:4

Okóm Dwata se yóm gel tmóbóng dou. Dwata se yóm hlowil dou.

Kem Lingón 33:20

Tek són Dwata yóm hol nefet nawa tekuy. Són du gónó tekuy gel heklung ne gónó tekuy gel htóbóng.

Kem Lingón 63:7

abay se són uu yóm tendo tmóbóng dou. Tey kehligalu lemingón bè yóm kofinem dou. Lómó kegnómu du, lómón ke nóe laan hafakem.

Kem Lingón 94:17

Ke tehe là tnóbóng Dwata dou, là knahem du ne deng katayu.

Kem Lingón 40:17

Yóm béléu dou, Dwata, teye lunog, tauhe élél, okóm là kô klifótem dou. Tek són uu yóm lemwà dou, uu se dou Dwata gónó hemtahu, géhél tnóbóngem ou ne.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Ifisus 3:12

Lemwót bè yóm deng kessotu tekuy bè Krays ne bè yóm kehtahu tekuy béléen, là bud tekuy likò ne hloni ebè Dwata ni kmoen ni, deng tey mgel nawa tekuy du ne yóm któbóngen tekuy.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Kem Lingón 27:9

Hol béem abay henbnos ou. Béem lenbut ou, béem tódô hulék ou. Són sem uu yóm gónóhu gel htóbóng. Béem bayà ou tek sotu, Dwata. Són sem uu lemwà dou.

Kem Lingón 146:3

Hol béem ken-gel nawa yó kem tau mogot benwu. Laen dù bélê le ke gembek lemwà kóm.

Dwata 33:26

Ó kem tau Israél, laen dù dumu dwata mkél bè yóm kuy Dwata. Bè yóm gel któbóngen kuy, tódô kendel lemwót gu ditu bè longit mung bè lobun.

Kehewà 18:4

Ne yó tehe bud monen bè ksut yóm ngaen twoli, “Deng tnóbóngen ou yóm Dwata hentahu yóm tehe mà ne hewaen ou anì là ghatay Faro dou.” Ne yó gónón moluy du Ilisér yóm ngaen logi twoli.

Hibru 10:19

Duhen yó, kem dumuhu setwoli, lemwót bè yóm deng khamà Jisas litóen bè yóm tehe katayen, deng wen lan tekuy ne tódô husek elem tum Dfél gónóhen nô Dwata.

1 Samwél 23:17

Ne yó monen mò ke Dabid, “Béi abay hlikò, là kô ghatayen kóm mà. Uu se angat tau hol geta bè Israél ne smugunge béléem. Balù mà, deng eles tngónen se kun nim ni.”

1 Bok Kem Tau Hol Geta 17:8

Omin Dwata bud mon du mò ke Ilaydya,