Biblia Todo Logo
Bib sou entènèt

- Piblisite -




Hibru 13:4 - Udél Dwata: Gna Kesfasad ne Lomi Kesfasad

4 Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

Gade chapit la Kopi




Hibru 13:4
33 Referans Kwoze  

Yó gónóm mon, yóm tau ke myehen gtagaken maen ne yéen ne tódô le setlomin yóm kun tuha libun, ne baling le ssotu yóm lewu le.


Tey dilô yó kem tau ke són yóm kul knóyô gónó le gel galak. Sal le gel mò samuk, ne là mólós kehedem le, ne dê nmò le yóm gónó le hemyak knô.


Yó mò kul, gel le mófô. Ne tey gel kehlengel le, segdófón honohen lu. Bong dê he dumuhen gel nmò le lómón ni kem ni. Bud nulitu bélê ye yóm deng tehe eles tulónu kuy. Yó kem tau gel mò du ni kem ni, là kô le na a gmung bè yóm tau nogot Dwata.


Deng hónô tngón ye, là kóen gmung bè yóm tau nogot Dwata yóm tau là tedeng nmoen. Béen tólóng kehedem ye du nim ni. Là kô le gmung yó kem tau gel mò samuk, ne yó kem tau hemtahu bè yóm dwata kéng, ne yó kem tau mdà yehen, ne yó kem tau deng mom senwì le yóm kmò kesyehen, syehen hono logi, ne syehen hono libun.


Ni mò hol hendem ye. Yóm tau gel mò samuk ne yóm tau gel hemyak knô, là kóen gomong bè yó kem tau nogot Krays ne Dwata. Senged se yóm tau seglom, abay se yóm gel sen-glomen, yó se henged dwatahen.


Yóm tau tô tmóbóng bè simbahan, là demweyen, ne hulung mit yó kem ngaen ne yó kem dumu fes lówóhen.


Hyu ke hulung mit yó kem fes lówóhen, ne ke himón yó kem ngaen, mung du yóm kadat le du.


Duhen yó, hyu bè yóm logi ke myehen, okóm milud he kehyuhen ke là myehenen.


Omin Dwata henga htungô yóm tau yó, ne bè yóm igoen lemnga tódô dilot Dwata béléen sotu tiol lohoken ne kendel hekdimolen yóm ungeden.


Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.


Yó nélékem yóm tau laen dù gónó le gemsanil du yó kem dumuhen, yóm tau tek sotu yehenen, yóm tau deng gotu hemtahu kem ngaen anì là wen bélê le gel hbusaw lem blóng kem dumu le, ne là bong gel le.


Yó gónóm mon, hyu nawahu bè yóm libun bolu ke hanà tukô nawahen ke tódô bud myehen anì wen ngaen, ne anì sen-gifaen yó kem fes lówóhen. Anì yó, laen dù bang gónó le dmelem kut yó kem hmohon kut.


Yó gel tolok le, là hyuhen kun ke myehen yóm tau, ne sotuhen, alì dê hlii le bè ken. Okóm yó gónó Dwata tehe dmimun kul ni kem ken ni mò lowil kem tau, mò lewót gónó le gel dmóyón ke Dwata yó kem tau deng hemtahu béléen, yó kem tau deng temngón du yóm ktahuhen.


Yakà kdê tekuy du angat mdà bè solu Krays hulin kdaw anì knukumen tekuy. Tódô ket tau angat gmuta du balà yóm tehe deng kun nmò te tonok, ke hyu duhen ke sidek.


Ne ke deng wen yehenu, wen kwalisu mit du bè yóm kógówu lómón yóm kul gel nmò yó kem dumu tau gel hógów Jisas, ne yó kem dumun setwoli yóm gónó tekuy mogot, dalang se ke Pitér.


Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.


Yóm tau malak bè simbahan, hyu ke laen dù gónó le gemsanil du kem dumuhen, là demweyen, hulung hedem, hulung mafas nawan, hulung mit ktauhen, hulung hmódó, hulung tmolok,


Kogolen bè yó mlutut yehenu. Bè yóm kdaw ksut yóm ngà me logi yó udél Dwata ebéléu, monen, “Yó boluyem du yóm ngaem yó ‘Mebetik ma, metlasik megef.’


Tahu se, lemwót le Hilkaya yóm tau gel blóng ebè Dwata, ne Ahikam ne Akbor ne Syafan ne Asaya, mógów le ebè yóm sotu tugod Dwata libun boluyen Hulda yehen Syalum ngà Tikba témê Harhas, menwu bè yóm lomi lebét Jirusalim. Yóm Syalum du fen gel mentey yóm gónó gel hemyu nes lem Gónô Dwata.


Hol ye temgama anì laen dù bélê ye mò samuk duhen ke smonol ke Dwata, lómón yóm tehe nmò Iso. Lemwót bè yóm ketwoguhen, hol mlan béléen yóm tehe fasad Dwata yó kem fuen, okóm deng mom snonolen. Tódô hbaluen bè twolihen yóm kwalisen twogu bè yóm ken geblà bè sulék kken.


Holi hlayuk du yóm mò samuk. Balù kihu dumu salà nmò tau, là gomongen lemen yóm lówóhen. Okóm yóm tau mò samuk, gomong hensideken yóm kun lówó.


Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.


Hol lómón ke wen tey dilóf ofi mit do elem lanaw ofi, gotu kenen yóm kdê nfunu.


Swiv nou:

Piblisite


Piblisite