Hibru 13:23 - Udél Dwata: Gna Kesfasad ne Lomi Kesfasad

²³ Sotu bud nóyô hetngónu kuy. Yóm Timuti, dumu tekuy setwoli, lomi hewà gu lem blanggù se kun. Ke géhél kól dini, hlós bud nitu bè yóm kógówu edyó bélê ye.

Hibru 13:23 Referans Kwoze

Filimun 1:1

Ou se Pol gónóhen lemwót nim sulat ni, lewu me Timuti, yóm sotu dumu tekuy setwoli. Tauhe geblanggù se do lemwót bè yóm deng klolou ke Krays Jisas. Smulat me ebéléem, Wè Filimun, yóm sotu dumu me mò nmò bè Dwata.

1 Tisalunika 3:2

ne Timuti fen hógów me edyó. Nim Timuti ni, sotu dumu tekuy setwoli, gel tmóbóng kum mit du yóm Tulón Hyu gbak ebè Krays. Yó gónó me hógów du edyó mò temgel kuy ne tmóbóng kuy bè kehtahu ye

2 Timuti 1:8

Duhen yó, béem kenyak tmulón du yóm deng tngónem gbak ebè yóm gónó tekuy mogot. Béem kenyak se nim fen kegkukubu lanu mimón ke Krays. Ne béem hentaw ke wen gbunuem bè kwitem du yóm Tulón Hyu. Dwata he temgel kóm.

Deng Hegfan 7:14

Monu se, “Là, Sér, là kô tngónu du. Tulónem dou dé.” Ne monen se mò dou, “Lu se yó kem tau deng mlan lemen yóm tey hlayam bong te tonok, okóm là kô gtebel le du yóm klolò le ke Jisas. Deng nolob le ne yóm nes le bè kun litô yóm Ngà Ubiha, ne deng baling bukay ne.

Filimun 1:22

Ne sotuhen, elesi hemtifes do yóm dfél mò angat gónóhu nô béléem dyó, abay se sónmou hemdón du ne yóm kbalà Dwata du yóm gel kni ye béléu anì gewae edyó bélê ye.

1 Timuti 6:12

Hotuhem gelem bè yóm kloloem ke Krays Jisas anì gutahem yóm klowil laen dù sónen. Yakà yó du gónó Dwata tehe tmaba kóm bè yóm tehe deng ktulónem du lem blóng yó kem tey tau wen yóm deng kehtahuhem.

Sulat Pol Ebè Yó Kem Tau Hemtahu Bè Rom 15:28

Sok deng ketedu bélê le ni kem tóbóng deng sentifun le ni, naw slob bélê ye he ominu yó hlós ebè Spén.

Sulat Pol Ebè Yó Kem Tau Hemtahu Bè Rom 15:25

Okóm ni, naw na mógów ebè syudad Jirusalim, abay se wen tóbóng etedu bè yó kem tau hemtahu bè yó.

Kulasi 1:1

Ou se Pol gónóhen lemwót nim sulat ni, lewu me Timuti, yóm sotu dumu tekuy setwoli. Hol lemwót bè kun kóyô Dwata yóm kbalingu tau gel hógów Krays Jisas.