Hibru 13:22 - Udél Dwata: Gna Kesfasad ne Lomi Kesfasad

²² Ó kem do dumu setwoli, hol hanay ye nawa ye hmungol du nim udélu mò gemduf kuy ni, yakem tahà se nim sulatu ni.

Hibru 13:22 Referans Kwoze

1 Pitér 5:12

Yó fen hsulatu du nim sulat ukol nii Silas. Du se sotu dumu kuy hemtahu gel genléd nawahu. Yó gónóhu smulat ebélê ye mò gónóhu gemduf kuy bè kehtahu ye, ne mò gónóhu hetngón du kuy yóm hol tahu nawa Dwata ebélê ye. Bê ye abay klifót yóm nawahen yó.

Hibru 3:1

Ó kem dumuhu setwoli, yóm deng tnaba Dwata mò kem tauhen. Hol hendem tekuy dé Jisas. Du se yóm deng hógów Dwata elem blóng tekuy mò fen blóng tekuy ebè Dwata bè yóm kehtahu tekuy.

Glasya 6:11

Dou lan tdok smulat du nim sfuhen ni. Hnénég ye dé yóm tey kebang lanu smulat.

2 Kurin 6:1

Duhen yó, lemwót bè yóm deng keseglomong me mò nmò bè Dwata se kum, yó gónó me mon du mò kuy, hol bê ye abay hningay yóm któbóng Dwata kuy.

2 Kurin 5:20

Ne duhen yó, mi se gel hógów Krays mò mit yóm kun tulón. Hol lómón ke Dwata fen mudél ebélê ye, okóm hlanen bélê me. Yó udél hwit Krays kum, monen, “Géhél ye mit sefyu ebè Dwata ne.”

Hibru 4:11

Duhen yó, hol hotu tekuy són gel tekuy anì guta tekuy yóm kehegnô yó koni. Hol ten-gama kuy anì là mo tekuy mom mkél bè yó kem tau gnan ekni, là kô dog guta le du lemwót bè yóm là kehtahu le.

Hibru 4:1

Ne tekuy snéen nim kmoen ni yóm gónó Dwata e fmasad du yóm benwu angat gónó tekuy hlós henek nô yó. Duhen yó, hol tekuy eles temgama, kô là guta tekuy du yóm benwu fasaden yó.

Hibru 2:1

Ke lómónen yó kegetahen yóm gónó tekuy mogot, hol sù tekuy bè nawa tekuy sen yóm ktahuhen deng gungol tekuy anì là snonol tekuy du.

2 Kurin 10:1

Ou se Pol yóm mudél ebélê ye ni. Deng gungolu wen se bélê ye mon du kun, “Tey yóm Pol, gel mudél hdana ke nô bè ni. Kulel kehwiten udél des ke nô bè benwu mayuk.” Okóm bè nim gna udél hwitu ebélê ye ni, là desen, mom hlanu bè yóm tey kganag nawa Krays.

Kul Nmò 13:15

Wen senfala yó kem tau malak bè yó lemwót bè yóm hlau Musis ne bè yóm snulat yó kem gna tugod Dwata ekni. Tikóng deng kesfala le, wen udél hgefet le bè le Pol, mon le, “Ó kem dumu me setwoli, móyô me ke wen tulón ye mò gónó ye gemduf kum.”

Ifisus 3:3

Deng hegfan Dwata béléu ne nim atul tehe bunihen bè kem tau gnan ekni, ne deng hol heglileben béléu se. Ni se koni yóm deng snulatu, bede là tahaen.

Hibru 12:5

Là deng klifót ye du kô yóm tehe udél Dwata mò gónón gemduf kuy bè kngaen kuy, yóm monen, “Ó Ngà, hol kenmónem ke wen gónóhen hemtedeng kóm yóm gónóm mogot, ne béem kenblat nawa ke wen gónóhen mólów kóm.

Hibru 13:19

Bê ye senkas gel mni béléu anì géhél wen lanu bud mulék ebélê ye.