Hibru 13:18 - Udél Dwata: Gna Kesfasad ne Lomi Kesfasad

¹⁸ Hol gel utóm ye mi bè Dwata. Tódô tngón Dwata se ke deng wen blóng me ebéléen. Tey gel kesgalu me du anì laen dù tlek belenen yóm gel nmò me.

Hibru 13:18 Referans Kwoze

1 Tisalunika 5:25

Ó kem dumu me setwoli, hol gel tendo utóm ye mi snéen bè Dwata.

2 Tisalunika 3:1

Ne ni mò sónu du bélê ye, kem dumu me setwoli, bê ye senkas gel mutóm kum bè yóm gel kni ye bè Dwata, anì tódô senflósen mból yóm Tulón Hyu lemwót bè yóm gónó tekuy mogot, ne anì hol nadat yó kem tau hmungol du snéen, lómón se yóm kuy kadat du.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

Kulasi 4:3

Ne hol gel utóm ye mi snéen bè yóm gel kni ye anì wen lan nmò Dwata mò gónó me hetngón du bè yó kem dumu tau yóm tehe bunihen bélê le, duhen Krays. Yakà ni du buten yóm gónó le bmanggù do.

Sulat Pol Ebè Yó Kem Tau Hemtahu Bè Rom 15:30

Wen hol gónóhu htóbóng bélê ye, kem dumuhu setwoli, hlanu bè Jisas Krays yóm gónó tekuy mogot, ne bè yóm kesbong tekuy nawa lemwót bè yóm Tulus Dwata. Yó hentóbóngu bélê ye, hol tnóbóng ye o mni bè Dwata,

1 Pitér 3:21

Yóm kegewà le yó ekni, hningónen yóm kegewà tekuy gu lem hatay bè yóm kehbabtays tekuy. Bè yóm kehbabtays ye, là kô mò lan mkó using bè lówó du, okóm yó lanen mò ilô yóm deng eles kehkodu ye bè Dwata anì kóhen yó kem salà ye, ne anì laen dù blóng ye ebéléen. Ne yó gónó ye gewà gu lem salà ye mlan bè yóm tehe klowil Dwata ke Jisas Krays gu lem hatay.

1 Pitér 3:16

Okóm hol hen-ganag ye nawa ye malà kul mung du yóm kadat ye kul. Hol gel ten-gama ye anì laen dù sidek gmò ye. Baluen ke wen tau semdekà kuy bè yóm klolò ye ke Krays, ke laen dù sidek tonen bélê ye, bud mulék myak yóm tau semdekà yó.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

1 Tisalunika 4:12

Ke ni se nmò ye, nadat le yu yó kem dumu tau là dengen hemtahu he, ne sotuhen, là salig ye du bè kem dumu ye yóm kuy klowil.

Kul Nmò 24:16

Yó gónóm mon, tódô hotuhu gelu dou mò du yóm tedeng anì laen dù blóngu ebè Dwata duhen ke ebè kem dumuhu tau.

Kul Nmò 23:1

Bè yóm kdà Pol bè solu yó kem tau mogot kukum, nan na temngel ebélê le, ominen mon du mò kul, “Kem dou dumu tau Israél, bè dou kegnóm du, laen kô du tngónu ke mò blóngu ebè Dwata efet nim kmoen ni.”

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

Sulat Pol Ebè Yó Kem Tau Hemtahu Bè Rom 13:13

Nmò tekuy dé yóm nmò segtón bè yóm kul kmò yó kem tau nô lem layag. Hol bê tekuy abay gel segduf hlengel, kô wen gónó tekuy hemyak knô tekuy. Hol bê tekuy abay mò samuk ne yóm dumu nmò gónó le semdekà tekuy. Bê tekuy sfatay. Bê tekuy nmò yóm sélés nawa.

Sulat Pol Ebè Yó Kem Tau Hemtahu Bè Rom 12:17

Bê ye bnalà sidek yó kem gel mò sidek bélê ye. Hentilob ye kmò ye anì laen dù gónó le gemsanil kuy kem dumu ye.