Hibru 13:17 - Udél Dwata: Gna Kesfasad ne Lomi Kesfasad

¹⁷ Hol gel nimón ye yó kem tau gónó ye galak bè kehtahu ye, ne hol lolò ye yóm hlolò le kuy. Yakà lu du yóm tendo semflós tmanud kuy, abay se yóm ktanud le kuy yó angat snólók Dwata bélê le. Ke nimón ye lu, yó se gónón lingas nawa le mò nmò lem blóng ye. Okóm ke là, mom dalil gónón blat nawa le, ne laen se kô dù uléken yóm nmò le lem blóng ye.

Hibru 13:17 Referans Kwoze

1 Timuti 5:17

Yóm tau tilob kesgalaken kem dumun tau bè simbahan, hol knóón béléen ke hol henyu ye keblay ye du ofolen. Hol nê yóm tau ke alì gotu nawahen tmolok du yóm Udél Dwata, ne ke hol henkimeden yóm gel ktoloken.

Hibru 13:7

Gel hentulón ye nawa yó kem tau tehe gónó ye galak, yó kem fen tehe gel tmolok kuy yóm Udél Dwata. Hol hendem ye yóm kmò kwit le ktau le efet katay le, ne hol dnalang ye yóm kehtahu le bè Dwata.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

1 Kurin 16:16

Hol kóyóu bélê ye, kem dumuhu setwoli, ke tendo ye galak bè yó kem tau lómón le Stifanas mò kmò le, dalang se yó kem dumu tau gel tmóbóng kul.

Flipay 2:12

Duhen yó, kem dumuhu sogot nawa, deng hónô tonu yóm kimón ye do yóm tehe knóu lem blóng ye. Yake milud he kimón ye do ni kmoen ni yóm là bud knóu bélê ye. Lemwót bè yóm klikò ye ke Dwata, tódô hol henlel ye mò du yóm nmò tehe nbut Dwata bélê ye bè yóm kehewaen kuy,

Kehewà 32:31

Tahu se, bud semfulék eta bulul Musis bè Dwata, ne monen mò du, “Tey, Dwata, deng gedlug ksideken yóm salà nmò le ni kem tau ni. Deng wen dwata lennged nmò le lemwót bè blówón ne tmaba le ebéléen.

Flipay 2:29

Yó ne, sok kól dyó, hol ye hligal bè yóm khódó ye du, abay se du yóm sotu dumu tekuy setwoli bè yóm gónó tekuy mogot. Ne ke wen dumu tau mkél du kmoen, hyu ke hol nadat ye.

Sulat Pol Ebè Yó Kem Tau Hemtahu Bè Rom 14:12

Duhen yó, bè yóm kdaw yó, là gbek tekuy du ke là gotu tulón tekuy du ke Dwata kdê yó kem deng tehe nmò tekuy kegen tekuy nô te tonok.

2 Tisalunika 3:14

Ke wen tau bè yó là mimón du yóm deng mon me lem nim sulat ni, hol tenngel ye ke tau du, ne bê ye bud slomong béléen anì dilóen là hyuhen yóm kun nmò.

Hibru 13:24

Hol hgefet ye do bè yóm kdéen malak kuy bè yó, ne bè kdê yó kem kun tau Dwata bè yó yóm gel kólóm me kul. Dalang se ni kem tau hemtahu bè ni bè benwu Itali, tey gel kólóm le kuy.

Flipay 4:1

Duhen yó, kem dumuhu setwoli, tey kogot nawahu ebélê ye, ne tey khahuu kuy. Lelen tey wen gónó ye hefligal do, ne tey kehyu nawahu du yóm gel kmò ye. Ke lolò ye ni kem tulónu kuy ni koni, kem dumuhu sogot nawa, ni se gónón mbegel yóm klolò ye du yóm gónó tekuy mogot.

Flipay 3:18

Abay se tey dê tau tódô dilóem bè kekdol le yóm khohon le yóm katay Krays bè kros. Deng dê duléku ne tmulón du kuy nim ni, botong mosok lewoku nim bud ktulónu du kuy ni.

Sulat Jim 4:7

Yó gónóm mon, heglaan ye bè Dwata dé. Hol natù ye Seitan, anì mlóy hlayuk bélê ye.

Flipay 1:4

Ne tey gel klaan nawahu bè yóm gel knihu bélê ye bè Dwata

Kun Snulat Luk 16:2

Kewóten se kun yóm tau wen kendengenen, tinoken yóm tau tnifù le yó, monen mò du, ‘Deng wen gungolu gbak ebéléem. Gotu snulatem dou kun yóm kmò khógówem du yó kem kimuhu, abay se sónen ni ne khogotu du kóm.’

Kem Udél Hlalak Tehe Selumun 5:13

Là kô dog nimónu du yó kem tau gel tmolok do ne là se dog kenmónu kul.

1 Samwél 8:19

Okóm là kô hnungol le ke Samwél yó kem tau deng mom yó mon le, “Là. Yó hol kóyô me ke wen yóm tau hol geta mogot kum

Tekang Kbuten 16:9

Monen mò du yóm hógów Dwata, “Budi mulék ebè yóm libun amohem Saray ne holi heglaan béléen.”

Flipay 2:16

abay se yu fen gel hetngón du kul yóm udél hlowil kul. Ke ni se nmò ye, tey bong kehyu nawahu bè yóm kdaw angat kkól Krays, abay se gfan bè yóm kdaw yó yóm là kkafahen yóm tehe tey lenitegu lem blóng ye.

Ifisus 5:21

Hol tekuy hfulung heglaan bè kem dumu tekuy lemwót bè kadat tekuy ke Krays.

Isikél 33:2

“Ó Tau Tonok, tulónem yó kem dumuhem Israél yóm udélu ebélê le ni. Ke wen kem sendalù hwitu elem yóm sotu benwu, yó angat nmò yó kem tau bè yóm benwu yó, wen tau nélék le mò fen mentey.