Hibru 13:15 - Udél Dwata: Gna Kesfasad ne Lomi Kesfasad

¹⁵ Duhen yó, bê tekuy nmò sónen yóm kdóyón tekuy ke Dwata hlan tekuy bè Jisas, ne hol tulón tekuy bè kem dumu tau Jisas se yóm gónó tekuy mogot. Ni se mò henged dsù tekuy ebè Dwata.

Hibru 13:15 Referans Kwoze

Kem Lingón 50:14

Yó hol hnebelu bélê ye ke tahu duhen yóm keslamat ye béléu, ne ke hol dnohò ye yóm deng fasad ye dou yóm Dwata hol dandónen geta.

Sulat Pol Ebè Yó Kem Tau Hemtahu Bè Rom 12:1

Duhen yó, kem dumuhu setwoli, ni alì nalu nawahu bélê ye lemwót bè yóm tey kkodu Dwata tekuy. Hol blay ye ke Dwata dé lówó ye mò henged dsù ye ebéléen, yóm dsù tolo mowil ne tendo gel nmò ye yóm hyu. Ne tey kehyu nawa Dwata du yóm keblay ye du yó. Ke hendem ye yóm kdê deng nmoen bélê ye, tey knóón ke ni se yóm kut nmò.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

Husiya 14:2

Semfulék ye ebè Dwata dé, ne mon ye mò du, “Hol hnifótem kum kdê yó kem sidek deng gel nmò me ne bud henmóyóem mi anì bud dóyón me u. Yóm kdóyón me kóm yó, hol lómón ke wen deng dsù me ebéléem.

Isaya 57:19

Wen kenek nawa blayu kul yóm kdê le, tau moni duhen tau mayuk. Tódô kóhu bè yó kem dou tau yó kem salà le.

2 Tutul Israél 33:16

Ominen bud hetlob yóm gónó demsù ebè Dwata, ne demsù bè yó tahen yóm dsù mit sefyu ebè Dwata ne yóm dsù gónó slamat bè Dwata. Gendufen snéen yó kem tau bè Juda tmaba ebè Dwata yóm Dwata yó kem tau Israél.

Kem Lingón 50:23

Okóm ke hol tahu yóm keslamat ye béléu, henged hol tahu dsù gónó ye madat dou. Ke lolò ye yóm dou lan, hegfanu bélê ye yóm kegewà lemwót béléu.”

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

2 Tutul Israél 7:6

Lemwót yó kem tau gel blóng ebè Dwata, mdà le bè yóm gónó le hdà kul lem Gónô Dwata, senged se yó kem sfu Libay, semngal le, mon le, “Yóm là konol yóm kbong nawan, laen kô dù tul sónen.” Yóm kesngal le yó, hmung le bè yó kem nuni tehe hmò Dabid yóm tau hol geta, bè yóm gel kdóyónen ke Dwata. Mdà sbalà yó kem sfu Libay yó kem tau gel blóng ebè Dwata fen mféw yóm igò le mdà bè yó se yóm kdéen tau Israél.

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.

Ifisus 2:18

Lemwót bè yóm deng nmò Krays gónón wen lan tekuy hloni ebè Dwata yóm kdê tekuy, kem tau Ju ne kem tau là Ju le. Yóm kehloni tekuy ebéléen yó, hlanen bè yóm Tulus Dwata deng suen bélê tekuy.

Kem Lingón 118:19

Hennas ye dou dé yó kem bak tikeb yóm Gónô Dwata, yóm bak tikeb gónó le gel mlan yó kem tau tedeng kmò le. Angate husek elemen naw e slamat bè Dwata.

Kem Lingón 18:49

Lemwót bè nim nmoem ni, Dwata, yó gónów dmóyón kóm lem blóng yó kem tau bè tólóng benwu, ne lingónu yóm lingón dmóyón kóm.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Sulat Pol Ebè Yó Kem Tau Hemtahu Bè Rom 6:19

Yó gónóhu hmingón du bè keghesek nim toloku kuy ni anì mahil ketngón ye du lanen. Tehe yu ekni, ghesek ye bè yóm óyô ye mò sidek, abay se tódô bayà ye lówó ye mò du, ne sónmoen minut temnù yóm ksidek nmò ye. Okóm ni yake hol hogot ye ke Dwata yóm lówó ye anì ghesek ye bè yóm tedeng, ne anì laen dù belenen yóm kmò ye.

Kun Snulat Jan 10:9

Ou se yóm henged bak tikeb,” mon Jisas. “Yó se mlan bè yóm bak tikeb yó, angat gewà gu lem hatay. Hol lómón ke du yóm ubiha gel hewà na a mótób ne bud gel husek elem kukuben.

Isra 3:11

Sngal le yóm sngal dmóyón ke Dwata, bud gel sensulit le yóm korosen, mon le, “Tey hyu yóm Dwata. Yóm kbong nawan yó kem tau Israél, laen kô dù nan e són.” Tódô kdê le gotu hemsag dmóyón ke Dwata, abay se deng gotu deng kmò le du begel yóm Gónô Dwata hdà le.

2 Tutul Israél 29:31

Ne yó udél Hisikaya ebè yó kem tau, monen, “Deng hólós ye knô ye ebè Dwata. Ne ni, nwit ye edini bè Gónô Dwata yó kem dsù ye, gomong nwit ye yó kem dsù bè yóm keslamat ye ebè Dwata.” Tahu se, gotu nwit yó kem tau ebè yó, yó kem dsù le, gomong yóm dsù le bè yóm keslamat le ebè Dwata, ne wen se bélê le hol lemwót lem nawa le yóm kwit le yó kem dsù hkekeb le ebè Dwata.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Kun Snulat Luk 10:21

Bè yóm keseyón le yó, tey kehefligalen ke Jisas yóm Tulus Dwata, yó monen, “Ó Mà, uu se yóm mogot longit ne tonok. Bong kdóyónu kóm, abay se deng wen hegfanem bè yó kem tau laen dù hennagien, okóm bè yó kem tau wen hennagien, là kô heglilebem du bélê le. Duhen yó se, Mà, yóm deng kóm kóyô kehlan du.”

Kem Lingón 119:108

Hnungolem yóm keslamatu béléem, Dwata, ne hol tolokem do yó kem hlauhem.

Jirimaya 33:11

gungol ye tau hligal ne kmuli. Bud gungol ye se yóm udél le hligal yó kem tau syehen. Bud gungol ye se yóm kehligal le semngal yó kem tau bè yóm kógów le ebè yóm dou Gónô lan le mit du yóm gel dsù le ebéléu mò gónó le dmóyón do. Yó angat sngal le, mon le, ‘Hol dóyón tekuy yóm Dwata laen dù là gbeken du, abay se tey hyu kmoen. Laen kô dù nan e són yóm kbong nawahen tau.’ Yakà angat bud hen-guléku du nim benwu ni lómón yóm gnan,” mon Dwata.

Jirimaya 33:18

Ne tendo wen se sfu Libay mò blóng ebéléu fen demsù yóm dsù hkekeb le ebéléu ne yóm halay gel blay le dou ne yó kem dumu gel dsù le.”

Hibru 12:28

Duhen yó, hol dóyón tekuy dé Dwata, abay se angat tekuy gomong bè yóm kun benwu nogot, yóm benwu là megsinsigen. Hol tekuy hloni ebéléen dé ni kmoen ni, hlan tekuy bè yóm kun kóyô bélê tekuy, hmung tekuy du snéen yóm hol kadat tekuy du ne yóm klikò tekuy mulé du,