Hibru 13:13 - Udél Dwata: Gna Kesfasad ne Lomi Kesfasad

¹³ Duhen yó, tódô tekuy hlós ebéléen ditu bè lewà anì gbót tekuy bè yóm tey kyaken.

Hibru 13:13 Referans Kwoze

Hibru 11:26

Hendemen mom hyu he kun ke henwog le lemwót bè yóm kehdónen yóm Misaya, yóm deng nélék Dwata mò hkamalen yóm klamangen, olo ke tô gfunen yóm tey kendengen bè Idyip. Deng eles hendemen ne kun yóm ofolen elem hulin kdaw lemwót bè Dwata.

Kul Nmò 5:41

Bè yóm kewót le bè yó yó kem hógów Jisas, tey kehligal le, abay se deng nélék Dwata lu mò fen glayam lemwót bè yóm klolò le ke Jisas.

Kun Snulat Luk 6:22

Tey kehyuhen bélê ye ke gel knutó nawa le yu yó kem tau lan ye lemolò yóm Ngà Tau. Mom hyu nawa ye he ke kenbê le yu, ne ke gel hennê le yu, ne ke gel sidek kestulón le kuy.

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

2 Kurin 12:10

Deng kem knalamu ne yó kem dê gónóhu lunog, ne yó kem alì gel kehnê le do yó kem tau. Deng knalamu snéen dou yóm klowil mgel, ne yóm alì gel kehsidek le do yó kem tau là hemtahuhen. Ne dê he kem dumu sidek gel gbunuu deng kem knalamu. Baluen ke wen gónóhu gel lunog, kaem bè yó se gónóhu bud lemwót kemgis.

Matyu 5:11

Tey kehyuhen bélê ye,” mon Jisas, “ke hennê le yu, ne ke hensidek le yu, ne ke dê sidek udél le eta ye lemwót bè yóm klolò ye do.

Hibru 12:3

Hol hendem tekuy dé yóm tey kehbalahen lemwót bè yóm alì kutó nawa le du yó kem tau gemsalà. Duhen yó, hol bê tekuy abay heblat nawa, ne hol bê tekuy abay htakas.

1 Pitér 4:4

Ne ni kmoen ni, tey ketnga yó kem tehe dumu ye gel mò sidek ekni, abay se là bud ye gel mung hbusaw bélê le. Yó se gónó le gel semdekà kuy.

Matyu 27:32

Yóm tolo knô le bè lan, geslong le yóm sotu tau boluyen Simun, lemwót bè Sayrin. Tódô gnaga htihang le du yóm kros Jisas.

Kun Snulat Luk 9:23

Ne yó bud mon Jisas ebè yóm kdê le, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros ket haya, ominen yó lemolò do.Yóm tau, ke knamaen klowilen, angat lana béléen yóm klowilen yó. Okóm yóm tau ke là knamaen du yóm klowilen lanen lemolò do, angat gutahen yóm klowil laen dù sónen.

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Hibru 12:4

Bè yóm kekbê ye du yóm sidek, là kô deng wen bélê ye he ke fen matay.