Hibru 13:12 - Udél Dwata: Gna Kesfasad ne Lomi Kesfasad

¹² Yó gónóm mon, bè yóm katay Jisas, matay ditu bè lewà yóm benwu le. Hamaen litóen mò hkó salà yó kem tau.

Hibru 13:12 Referans Kwoze

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

Kul Nmò 7:58

Omin le semsogot du, ne senkteng le mayuk gu bè yóm benwu le yó, tódô hnatay sentudà le botu. Yó kem tau semtudà du botu yó koni, gotu nlus le kgal le, ne tebel le bè yóm sotu tau lomi lemnok boluyen Sol anì mò mentey du.

Ifisus 5:26

Yó gónón matay anì wen lanen hembaling tekuy tau Dwata. Hólósen tekuy hlanen bè udélen ne bè yóm kehbabtays tekuy,

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

Kun Snulat Jan 17:19

Hogotu kóm yóm do klowil mò lanu tmóbóng kul, anì hogot le kóm se yóm kul klowil.

Juswa 7:24

Lemwót Juswa ne kdê yó kem tau Israél, tódô nwit le Akan. Gotu nwit le yó kem kimu deng bnosen yó koni, yóm blówón bukay ne yóm nes ne yóm sekleng tahu blówón. Bud nwit le snéen yó kem ngaen logi ne ngaen libun. Yó kem safien ne yó kem kudà asnuhen ne kem ubihahen ne yóm toldahen ne yóm kdê dumu nfunen, gotu nwit le ebè yóm datal boluy le du, Datal Gfà.

Hibru 2:11

Du se gembek hólós tekuy bè yó kem sidek gel nmò tekuy. Ne tekuy se yó kem tau hólósen gbót menmà béléen bè Dwata. Yó se gónó Jisas là kemyak moluy tekuy kem dumuhen setwoli.

Kun Snulat Jan 19:34

Okóm wen sotu sendalù mdek buyus bè klabihen, tódô sen-gengen se msut litóen ne él.

Kun Snulat Luk 4:29

Tódô le gotu segeng mdà, ne sensogot le, ne senkteng le etu bè tubaw yóm kbu bè kilil yóm benwu le yó, tô na le e tulé bè tubaw yóm kbu.

Hibru 10:10

Lemwót bè yóm deng kimón Jisas Krays du yóm kun kóyô Dwata, yó gónó tekuy mólós bè kton Dwata tekuy mlan bè yóm khamà Jisas klowilen bélê tekuy. Tek suléken mò du, ne laen dù bud seefen ne yóm nmoen yó.

Deng Hegfan 14:20

Ne tahu se. Bè lewà yóm syudad gónóhen kemmes kul. Ne tódô gotu mlel yóm tey litô, mukas tlu latu kilumitruhen gónón e molo. Ne yó kngelem yóm litô molo yó, botong sotu mitru bud sóól.