Hibru 12:9 - Udél Dwata: Gna Kesfasad ne Lomi Kesfasad

⁹ Bè yó kem mà tekuy te tonok, tey gel kadat tekuy kul baluen ke wen gónó le gel tmedeng tekuy. Mom milud he kadat tekuy du yóm Mà tekuy bè longit anì blayen tekuy yóm klowil laen dù sónen.

Hibru 12:9 Referans Kwoze

Lista 16:22

Okóm tódô le lemfen bè tonok le Musis ne Aron ne yó mon Musis mò ke Dwata, “Ó Dwata, uu se hlowil yóm kdéen mowil. Ke olohen tek sotu tau yóm mò sidek gotu homong lenbutem kô yóm kdéen tau?”

Lista 27:16

“Ó Dwata, yóm dou gónó mogot. Uu se gónón lemwót yóm kdéen mowil. Mnihe béléem anì méléki sotu tau mò hlós malak kul ni kem tau ni,

Isaya 42:5

Bè yóm tehe kedlimun Dwata yó kem longit seglafin, hol lómón ke mból nes lenulun bè klamangen. Ne bud dlimunen tonok ne kdê yó kem nô tahen. Deng gotu hlowilen yóm kdéen tau nô tahen. Ne ni wen udélen ebè yóm tau tóbóng lówóhen, monen,

Kun Snulat Jan 3:6

Yóm ngà sut bè tau, tau se yó. Okóm bè yóm bud kehlomihen sut yóm tau, deng baling ngà Dwata ne, lemwót bè yóm deng nmoen béléen yóm Tulus Dwata.

Sikaraya 12:1

Yóm udél Dwata ni, gbak ebè yó kem tau Israél. “Ni se udél yóm Dwata mból longit ne mò tud blóngón tonok ne hlowil tau, monen,

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

1 Pitér 5:6

Duhen yó, hol ye heglaan bè tum Dwata alì mfasang bè kdéen. Ke ni se nmò ye, tey kehegetahen kuy sok hto yóm kun buteng mò du.

Sulat Jim 4:7

Yó gónóm mon, heglaan ye bè Dwata dé. Hol natù ye Seitan, anì mlóy hlayuk bélê ye.

Isaya 57:16

Deng tehe hlowilu yó kem dou tau ne là bud henlósu du ne yóm kduónu kul ne yóm kebutu kul.

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Sulat Pol Ebè Yó Kem Tau Hemtahu Bè Rom 9:5

Tey tótól yó kem tehe fù le. Bud bè kul lugod snéen gónón sut Krays bè yóm kbalingen tau. Hol knóón ke laen dù sónen yóm kdóyón tekuy ke Dwata, yóm fen mogot yóm klamangen.

Kem Udél Hlalak Tehe Selumun 30:17

Yóm tau sendekaen maen ne là nimónen du yóm yéen tuha yake tódô hlagas lówóhen sok matay anì bè yó gónó wak ne kofi semsesék du.

Dwata 27:16

‘Hol tnafak Dwata yóm tau là nadaten ke maen ne yéen.’ Ne kdéen tau gotu hem-el du, mon le, ‘Tahu yó.’

Kehedem Tau Tmolok 12:7

Abay se yóm lówó tekuy bud baling kfung, ne fen mulék ebè Dwata yóm nawa tekuy bè yóm tehe gónón gu lemwót.

Sulat Jim 4:10

Heglaan ye dé bè yóm gónó ye mogot, du he hegeta kuy.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Sulat Pol Ebè Yó Kem Tau Hemtahu Bè Rom 9:3

bè yó kem dou dumu Ju, yó kem tau hol dou litô. Sidek kegnómu du abay se là kô le hemtahu bè Krays. Ke yó dum gmò, mom hyu dé ke ou fen tnafak Dwata mò tles lówó le, ne ke ou fen glayuk bè Krays anì lu yóm gewà gu lem tafak.

Sulat Pol Ebè Yó Kem Tau Hemtahu Bè Rom 1:3

Yó hol lemen nim Tulón Hyu ni, duhen yóm Ngaen, Jisas Krays. Tulónen yóm tehe le kehbalingen tau semfu gu bè yóm tehe Dabid.

Kul Nmò 2:30

Du se sotu tehe tugod Dwata ekni, ne tngónen yóm tehe fasad Dwata du, ne tey kehget Dwata du yóm fasaden yó, monen, ‘Angat wen semfu gu béléem mò tles mogot yó kem nogotem.’

Kun Snulat Luk 18:2

Yó monen mò kul, “Wen sotu tau gel hemdeng knukum bè yóm sotu benwu. Yóm tau yó, laen kô klikoen ke Dwata, ne là se nadaten kem dumuhen tau.

Kun Snulat Luk 18:4

Tey kegenen là géhél kemmón du yóm tau hemdeng knukum yó. Okóm tikóng deng tmakas, yó hendemen, monen, ‘Balù nim là klikou ke Dwata, ne là se nadatu yó kem dumuhu tau,

Deng Hegfan 22:6

Ne bud monen mò do yóm hógów Dwata deng mudél ebéléu yó, monen, “Ni kem deng tulónu kóm ni koni, hono tahu, ne hono gsalig. Ne yóm Dwata gónó tekuy mogot, yóm tehe gel msù du bè yó kem tugoden yóm Tulusen, du se yóm hógów do anì naw e hetngón bè yó kem tauhen yóm móyón sut ni.”

Isaya 45:10

Sotuhen, wen kô ngà gembek mon du bè kem tuhahen, “Moen de ke lómón ni kmò ye do?”