Hibru 12:7 - Udél Dwata: Gna Kesfasad ne Lomi Kesfasad

⁷ Ke wen gónó ye glayam, hol henbala ye. Ni se gónó Dwata hemtedeng kuy ni kmoen ni. Yóm keglayam ye yó mò gónón gdilô yóm deng kngaen kuy. Laen kô ngà ke là gnómen du kehtedeng maen du.

Hibru 12:7 Referans Kwoze

Kem Udél Hlalak Tehe Selumun 19:18

Eles tnedengem yóm ngaem gu laanen là deng gtufì hol béem tódô lugun du là sentódô, déke matay bè yóm sidek nmoen.

Dwata 8:5

Ni mò hendem ye, yó gel nmò yóm sana kuy Dwata hol gónó mogot wen gónón gel hemtedeng kuy ne wen gónón gel tmafak kuy lómón se yóm mà gel tnafaken yóm ngaen.

Kem Udél Hlalak Tehe Selumun 29:15

Lemwót bè kfes du ne kbólów du mit du hulung hedem yóm ngà, okóm ke tódô lugun du kun kóyô henyaken yéen.

Kem Udél Hlalak Tehe Selumun 13:24

Là kóen bong nawahem du yóm ngaem ke olom beyen móló mfes sok sidek nmoen, okóm ke kenbong nawahem yóm ngaem tendo tnedengem anì gulit.

Kem Udél Hlalak Tehe Selumun 29:17

Sentódóem yóm ngaem logi anì temnù nawahem béléen ne tey wen he gónón hefligal kóm.

2 Samwél 7:14

Ou se angat maen, ne du se angat ngau. Ke wen salà nmoen, tnafaku lómón ktafak mà yóm ngaen logi bede hlanu bè yó kem dumu benwu hmilol.

Kem Udél Hlalak Tehe Selumun 22:15

Sana kmoen se yóm ngà sal gel wen là kguliten, okóm bè kfes du mkó du béléen.

1 Bok Kem Tau Hol Geta 1:6

Nim logi ni, là kô deng gel bnólów Dabid du yóm maen, balù sulék. Ne là se kô snólóken du, ke monen, “Tedu nmoem ni?” Tey knóón logi yóm Adunadya, du se tmodol bè Absalum.Yó nmò Adunadya, stulón ke Juab ngà Siruwaya, ne bè Abyatar yóm tau gel blóng ebè Dwata. Tulónen kul yóm tô atulen, ne yóm lewu tau yó móyô le tmóbóng du.

1 Samwél 3:13

Deng gel tulónu ke Ili ne yóm móyón ktafaku yó kem fes lówóhen, yóm tafak laen dù sónen lemwót bè yóm kudél le sidek e tahu yó kem ngaen logi. Deng tngón Ili se yóm nmò yó kem ngaen, okóm là kô dog gel bnólówen kul.

1 Samwél 2:34

Ne ni se ilóem du ktahu yóm monu, sotu kdaw angat le segeng matay yóm lewu kem ngaem logi Hufni ne Finihas.

1 Samwél 2:29

Na, moen se ni du ke deng mom sen-glom ye yó kem dsù le ebéléu yó kem tau, dalang se yó kem tódô gel blay le ebéléu, yóm deng hmou kul? Moen du, Ili, ke bong nadatem yó kem ngaem mkay sentahu? Lel ye deng mabù bè yó kem utón mgélék deng nwa le bè ket dsù le ebéléu yó kem dou tau.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

1 Kurin 11:32

Okóm ke wen gónó yóm gónó tekuy mogot tmafak tekuy, yó se mò gónón hemtedeng tekuy anì là gomong tekuy megtuled bè yó kem tau là hemtahuhen.