Hibru 12:6 - Udél Dwata: Gna Kesfasad ne Lomi Kesfasad

⁶ Abay se sal gel hentedengen yóm tau kenbong nawahen, ne sal gel tnafaken yóm tau deng henmóyóen mò ngaen.”

Hibru 12:6 Referans Kwoze

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Kem Udél Hlalak Tehe Selumun 3:12

Yakà gel tnedeng Dwata du yóm kun kenbong nawa lómón yóm mà ke kenbong nawahen yóm ngaen logi sal gel tnedengen.

Kem Lingón 119:75

Tngónu, Dwata, tedeng yóm kkukumem. Yó gónóm semtódô do abay se wen muhen béléu.

Kem Udél Hlalak Tehe Selumun 13:24

Là kóen bong nawahem du yóm ngaem ke olom beyen móló mfes sok sidek nmoen, okóm ke kenbong nawahem yóm ngaem tendo tnedengem anì gulit.

Kem Lingón 94:12

Ó Dwata, hligal le kul yó kem tau deng wen gónóm semtódô kul, dalang se yó kem tau wen gel tolokem kul lemwót bè kóm hlau.

2 Samwél 7:14

Ou se angat maen, ne du se angat ngau. Ke wen salà nmoen, tnafaku lómón ktafak mà yóm ngaen logi bede hlanu bè yó kem dumu benwu hmilol.

Jirimaya 10:24

Hol sentódóem ou, Dwata, bede hen-ganagem. Béem alì tnafak ou ke lemwót bè yóm kebutem do. Ke yó nmoem béléu, mataye.

Dwata 8:5

Ni mò hendem ye, yó gel nmò yóm sana kuy Dwata hol gónó mogot wen gónón gel hemtedeng kuy ne wen gónón gel tmafak kuy lómón se yóm mà gel tnafaken yóm ngaen.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Kem Lingón 119:71

Tey hyu béléu yóm kehlayamem do anì dnalangu yó kem hlauhem.

Sulat Jim 5:11

Tódô tngón tekuy wen tey kligal le lemwót bè yóm kegbek le hbala. Deng gungol ye ne yóm tey kegbek Job hbala ekni, ne tngón ye se yóm tey któbóng Dwata du kogolen, abay se yóm gónó tekuy mogot, tey bong kkoduhen tau.

Kem Udél Hlalak Tehe Selumun 3:11

Ó Man, béem hentólóng ke wen gónón semtódô kóm Dwata ne béem kensidek nawa se yóm ktedengen kóm.

Rut 1:3

matay Ilimélék, tek són Numi tebel ne yó kem lewu ngaen logi.