Hibru 12:5 - Udél Dwata: Gna Kesfasad ne Lomi Kesfasad

⁵ Là deng klifót ye du kô yóm tehe udél Dwata mò gónón gemduf kuy bè kngaen kuy, yóm monen, “Ó Ngà, hol kenmónem ke wen gónóhen hemtedeng kóm yóm gónóm mogot, ne béem kenblat nawa ke wen gónóhen mólów kóm.

Hibru 12:5 Referans Kwoze

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

1 Kurin 11:32

Okóm ke wen gónó yóm gónó tekuy mogot tmafak tekuy, yó se mò gónón hemtedeng tekuy anì là gomong tekuy megtuled bè yó kem tau là hemtahuhen.

Kem Lingón 94:12

Ó Dwata, hligal le kul yó kem tau deng wen gónóm semtódô kul, dalang se yó kem tau wen gel tolokem kul lemwót bè kóm hlau.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Kem Lingón 119:109

Balù yóm deng klonihen béléu hatay, okóm là kô naw e klifót kul yó kem hlauhem.

Jirimaya 31:18

Deng gungolu yóm udél le hegsel yó kem tau Israél yóm kmon le du, ‘Ó Dwata, ke hningón me yóm kmoem kum, hol me mkél bè yóm safì là deng wen tmolok du dmadu. Okóm ni deng tolokem mi mimón. Hol bud hnomihem mi ne nwitem mi semfulék, yakà tek són du uu yóm sana kum Dwata hol gónó mogot.

Kem Lingón 119:75

Tngónu, Dwata, tedeng yóm kkukumem. Yó gónóm semtódô do abay se wen muhen béléu.

Kem Lingón 118:18

Tey deng ktafaken dou Dwata, okóm là kô lensónen du klowilu.

Hibru 12:7

Ke wen gónó ye glayam, hol henbala ye. Ni se gónó Dwata hemtedeng kuy ni kmoen ni. Yóm keglayam ye yó mò gónón gdilô yóm deng kngaen kuy. Laen kô ngà ke là gnómen du kehtedeng maen du.

Kem Udél Hlalak Tehe Selumun 3:1

Ó Man, béem abay klifót yó kem toloku kóm, okóm hol hnóem bè nawahem yó kem hlolou kóm.

Kem Udél Hlalak Tehe Selumun 4:5

Hol béem abay klifót ne béem abay knogol yó kem monu. Nwahem bè nawahem yóm khulung hedem ne khulung temnef.

Kem Lingón 119:83

Laen dù bud muhu ne, hol lómón ke mkéle bè yóm sning kulit deng sidek. Balù lómón ni kmou, là kô klifótu du yó kem hlauhem.

Kem Lingón 119:16

Tey kehyu nawahu du yó kem hlauhem, ne là kô klifótu du yóm udélem.

Kun Snulat Luk 24:6

Là buden nô bè ni ne. Deng hlowil Dwata. Hentulón ye nawa dé yóm tehe deng monen mò kuy yóm hanà tolo knóen bè Galili,

Kun Snulat Luk 24:8

Ne tahu se, gbel bè nawa yó kem libun yóm tehe deng mon Jisas yó.

Kem Lingón 119:67

Gu laanem là deng semtódô do, denge tlas, okóm ni, hol nimónu yóm kóm udél.

Glasya 6:9

Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

1 Timuti 1:20

Ni se deng nmò le Hayminus lewu le Aliksandér. Yó but gónóhu tmafak kul, tódô bayau lu ebè yóm kun kfasang Seitan anì wen mò kendlà le, anì là bud nmò le du yóm ksidek kebkó le ebè Dwata.

Hibru 13:22

Ó kem do dumu setwoli, hol hanay ye nawa ye hmungol du nim udélu mò gemduf kuy ni, yakem tahà se nim sulatu ni.