Hibru 12:25 - Udél Dwata: Gna Kesfasad ne Lomi Kesfasad

²⁵ Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Hibru 12:25 Referans Kwoze

Hibru 8:5

Yóm kul gel nmò yó kem tau gel demsù ni, tódô gel nulit le yóm tahu duhen gel nmò le bè longit. Yóm gel nmò le yó, olo olungen. Hol lómón yóm ke Musis ekni. Bè yóm kdaw kehdaen yóm Gónô Dwata gel nit le mógów, wen tulón Dwata du, yó monen, “Tódô nulitem kdê yóm deng hegfanu béléem ditu ta bulul Sinay.”Okóm ni, deng nmò Dwata Jisas mò blóng ebéléen, ne tey hyu yóm nmoen senta yóm kul nmò yó kem tau gel demsù te tonok. Ne tey mdengen snéen yóm kun nmò Jisas mò lan tekuy ebè Dwata senta yóm gnan. Yó gónón alì hyu yóm kun, abay se alì hyu yóm fasad Dwata bélê tekuy mung du.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

Sikaraya 7:11

Yó kem tehe fù ye ekni, là kô hnungol le du yóm udélu ni. Tey kehgel le kulu le, mom nseng le klingu le anì là gungol le du.

Kem Udél Hlalak Tehe Selumun 13:18

Baling élél ne henyaken knóen yóm tau là kenmónen yóm kehlau le du, okóm yóm tau kenmónen yóm kbólów le du, megdóyón.

Dwata 30:17

Okóm ke là mimón ye ne ke là móyô ye hmungol du ne mom ye tmaba ebè yó kem dumu dwata,

Matyu 8:4

Mon Jisas mò du, “Hol béem abay tulón yóm deng nmou béléem ni. Tódói hekteng mógów ebè tum tau gel demsù ebè Dwata, nam e hetngel du lówóhem. Elesi se mit mò dsuem anì nmoem yóm sotu hlau Musis ekni mò gónó le milô du kem dumu tau yóm deng kkó yóm desem.”

Kem Udél Hlalak Tehe Selumun 8:33

Hol hnungol ye yóm gel toloku kuy ne hfulung ye hedem ne hol bê ye kenbê.

Kem Udél Hlalak Tehe Selumun 1:32

Yó kem tau là ngelem kehedem le matay le, lan le kembê yóm khulung hedem. Yó kem tau book meglà le se kul lemwót bè yóm là dog kehedem le du.

Kem Udél Hlalak Tehe Selumun 1:24

Ket kiwólu deng tmaba kuy sbol tinoku yu, okóm là kô ye móyô hmungol ne là se kô kenmón ye do.

2 Tutul Israél 7:19

Okóm ke knogolem ou, ne ke là nimón ye du yó kem dou hlau kuy ne yó kem dumu dou hlolò kuy, ne ke tmaba ye ebè yó kem dwata kéng,

1 Bok Kem Tau Hol Geta 12:16

Timbow tngón yó kem tau Israél nô fi bwak yóm kekbê tau hol geta du yóm hni le, gotu le hetê, mon le, “Laen dù kut du yóm Dabid. Laen dù ofol tekuy béléen yóm ngà Jisi yó. Ó kem tau Israél, mulék tekuy ne. Tódô uu ne, Rihubuam, mebel du yóm dê hnihem.” Tahu se, gotu le mulék yó kem tau Israél.

Lista 32:15

Yu kem sfu Rubén ne sfu Gad, ke là móyô ye mimón ke Dwata ni, ngem bud tódô bayà Dwata lu lem yóm benwu laen hol wen tauhen ni kem tey tau Israél ni ne hbóen kuy yóm keglà le.”

Kehewà 16:29

Hol bê ye abay klifót, ou se yóm sana Dwata hol gónó ye mogot, deng blayu kuy yóm ghituhen kdaw mò kdaw ye hegnô. Yó gónóhem mon bè yóm gnemen kdaw, hbongu yóm ken blayu kuy anì kóyów bè lewu kdaw. Bè yóm ghituhen kdaw yó, tódô ket tau henek bè kun gónô ne hol béen abay tebel yóm gónóen yó.”

2 Timuti 4:4

Là kô hnungol le du yóm ktahuhen, mom knogol le. Mom tu alì henklingu le yó kem tulón lenbù nmò yó kem tau gnan.

1 Tisalunika 5:15

Hol ten-gama ye anì laen dù malà du sidek ke wen sidek nmò le bélê ye. Yó dé hol nmò ye, henyu ye kmò ye ebè yó kem dumu ye deng hemtahu dalang se ebè kdéen tau.

Kul Nmò 7:35

Nim Musis ni,” mon Stéfén, “ni se yóm tau tehe kenbê le, tehe mon le mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?’ Anì monem du se yóm hógów Dwata mò mogot kul yó kem tauhen, ne mò lemwà kul. Yó tmóbóng du, duhen yóm hógów Dwata gu bè longit hlingu bè dilóf ofi bè yóm ngà koyu lefungu.

Isaya 64:9

Duhen yó, hol béem alì lenbut mi. Hol béem henlós smolò du yó kem salà me. Mi se kem tauhem, hol knoduhem mi.

Kem Udél Hlalak Tehe Selumun 15:32

Ke là kenmónem du yóm kehlau le kóm olom hmayam kóm knô, okóm ke kenmónem yóm kbólów le kóm gutahem yóm khulungem temnef.

Hibru 3:17

Tau du de yóm tau lenbut Dwata bè fat folò halayen? Yó se kem tau mò sidek, yó kem tau tódô matay lem yóm benwu là hyu menwu du.

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Deng Hegfan 22:9

Okóm mom monen mò do, “Bê. Béem nmò yó. Senged kut mò fen tóbóng lówó Dwata, dalang se yó kem dumuhem setwoli gel tmugod ke Dwata, ne yó kem dumuhem gel mimón du yóm deng eles tulónen bè nim bok ni. Olon Dwata dé hol dóyónem.”

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Dwata 4:36

Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.

Dwata 18:19

Sal hlanen bè dou boluy yóm gel tulónen ne angat tnafaku yóm tau là mimón du.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

Hibru 12:19

Ne tódô gungol le yóm tey uni féw bong, ne sen-geng gungol le se yóm udél Dwata. Bè yóm kungol le du, ya tey sidek klikò le, botong le hkodu bè Musis anì béen bud mudél ebélê le Dwata.