Hibru 12:23 - Udél Dwata: Gna Kesfasad ne Lomi Kesfasad

²³ Hol lómón ke deng tekuy gomong ne bè yó kem gna ngà Dwata deng gsulat bè longit yóm kul boluy, ne deng tekuy gbót ne bè yóm tey kligal le bè yó. Hol lómón ke deng tekuy hloni ebè Dwata, yóm fen kmukum kdéen tau. Lómón ke deng tekuy hloni ebè yó kem kdéen tau hemtahu deng tehe matay, yó kem tau hyu kmò le, kem tau deng baling gulit ni kmoen ni.

Hibru 12:23 Referans Kwoze

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

Hibru 11:40

Yó duón gónó le là gmuta du, abay se wen yóm tey hyu atul Dwata mò gónó tekuy gotu gomong. Là kô na le e kendel guta du yóm fasad Dwata yó ke là deng tekuy gotu gomong gulit bélê le.

Kun Snulat Luk 10:20

Okóm,” monen, “bê ye mom kat alì hnigal se yóm deng kimón le kuy yó kem busaw. Yó dé hol hnigal ye, yóm boluy ye deng snulat Dwata bè longit.”

Deng Hegfan 14:4

Ni kem tau semngal ni, hono le kem tau laen dù belenen yóm gel nmò le, ne là kô le deng gemnóm lówó libun. Hono kem tau gel lemolò yóm Ngà Ubiha balù nô gónón e mógów. Deng nsoken lu lem blóng kem dumu tau, hol lómón ke lu tanay yóm bungu hulu gefet mò blay ke Dwata lewu le yóm Ngà Ubiha.

Kehewà 4:22

Duhen yó, hol tulónem du yóm udélu ni, yóm monu, ‘Yó kem tau Israél, hol tau dou nélék, hol lómón ke lu se yóm ngau logi twogu.

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Deng Hegfan 20:15

Yóm tau ke là nóen bè yóm bok lowil yóm kun boluy, tódô tudà le elem lanaw ofi.

Kem Lingón 94:2

Uu se fen kmukum yóm kdéen tau, géhél nem e knukum yó kem tau hegmón. Kukumem kul yóm tafak geblà bè yóm deng nmò le.

Hibru 9:27

Laen kô dù tau se ke là suléken du matay, omin Dwata kmukum du.

Kem Lingón 96:13

sok kól Dwata mò kmamal yóm klamangen. Angat tey tedeng yóm kkamalen kdéen tau, laen kô dù mtukul nfihen.

Deng Hegfan 13:8

Tódô kdéen tau te tonok gotu hemtahu béléen yóm ógóf lóbô yó. Són olo là hemtahu béléen, són yó kem tau deng gsulat boluy le bè yóm bok lowil, yóm kun bok yóm Ngà Ubiha tehe hnatay le. Deng eles gotu snulaten ne boluy yó kem tau wen klowil laen dù sónen gu laanen là deng dmimun du yóm kentihen.

1 Pitér 2:23

Bè yóm tehe kehnê le du, là kô nan e bnalà kul. Bè yóm tehe keglayamen, là kô nan e nifis kul. Tódô snaligen Dwata, abay se tngónen yóm kkukum Dwata, tey tedeng.

Hibru 11:4

Bè yóm tehe Abél ekni, lemwót bè yóm kehtahuhen bè Dwata gónón mò du yóm dsù kun kóyô Dwata, fen là yó dum twoguhen Kain. Lemwót bè yóm kehtahu Abél, yó gónón tedeng kton Dwata du, ne bud bè yó gónó Dwata hemmóyô du yóm dsuen. Balù yóm deng katayen, tolo wen dnalang tekuy béléen lemwót bè yóm kehtahuhen bè Dwata.

1 Timuti 3:5

Yóm tau ke là hulungen mit yó kem fes lówóhen, kmò tô khulungen mit kul se yó kem tau hemtahu bè Dwata?

Flipay 4:3

Ne uu snéen, Wè, yóm tau là monol nawahen tmóbóng dou, yake uu hol tmóbóng kul anì géhél le sefyu. Tey tehe khotu le nawa le tmóbóng do ekni bè yóm kehbólu yóm Tulón Hyu. Tehe le gel mung ke Klémén ne yó kem dumu gel tmóbóng dou. Yóm kul boluy deng gotu nô bè yóm bok Dwata, duhen yóm bok lowil.

Ifisus 1:22

Deng gotu hkamal Dwata ke Krays yóm kentihen. Ne du nmò Dwata mò hol gónó mogot yóm kdéen yó kem tau hemtahu béléen.

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

Kun Snulat Jan 5:27

Ne deng benlayen kwalis yóm Ngaen mò kmukum kdéen tau lemwót bè yóm deng kbalingen Ngà Tau.

Kem Lingón 98:9

bè solu Dwata. Yakà kól Dwata nan e knukum klamang benwu. Knukumen klamang benwu mlan bè ktedengen, ne laen kô dù mtukul nfihen.

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

2 Kurin 5:8

Tey tendo gel kgel nawa me. Mom hyu dé ke géhél tebel me nim lówó me ni anì géhél me nô ditu bè kun gónô yóm gónó tekuy mogot.

1 Kurin 15:54

Sok deng senfili Dwata tekuy, ne deng benlayen tekuy yóm lomi lówó là buden matay, yó se gónón e dohò yóm deng monen bè Sulat Dwata, yóm monen, “Laen kô dù bud hatay ne, abay se deng nmò Dwata sónen.

1 Kurin 13:12

Yóm ketngón tekuy ke Dwata nim kmoen ni, hol lómón ke temngel tekuy elem yóm ma olung là holen tikaw. Okóm angat wen kdawen tódô tekuy suyó du. Nim kmoen ni, là dengen hol ket he yóm ketngón tekuy du. Okóm bè yóm kdaw yó, angat tódô ket du, hol lómón yóm deng ketngón Dwata tekuy nim kmoen ni.

Jirimaya 31:9

Botong le gotu mkik lemwót bè kligal le. Ne tey tilob kesgifau kul bè yóm bud kwitu kul semfulék. Nalaku lu hilol yóm él mlel bè yóm lan hyu gónó le là tlokob. Yakà ou du se mà yó kem tau Israél ne Ifraim se yóm hol ngau twogu.

Kehedem Tau Tmolok 12:7

Abay se yóm lówó tekuy bud baling kfung, ne fen mulék ebè Dwata yóm nawa tekuy bè yóm tehe gónón gu lemwót.

Kem Lingón 111:1

Hol dóyón tekuy Dwata. Ke gele mung stifun bè yó kem kun tau mò du yóm tedeng, tey khotuhu gelu bemlay slamat ebè Dwata.

Kem Lingón 89:27

Ne yó angat nmou bè Dabid, angat blayu du yóm kun kwalis yóm ngà logi twogu. Nmou hol geta bè yóm kdéen tau hol geta talak tonok.

Kem Lingón 89:7

Balù yó kem deng genlalem bè yó, gotu wen klikò le kóm. Tey kadat le kóm yóm kdê le.

Kem Lingón 69:28

Hol kóhem yóm boluy le bè yóm bok gónóm smulat boluy yó kem tau gmuta du yóm klowil laen dù sónen. Béem homong lista lu bè boluy yó kem kóm tau.

Kehewà 32:32

Ke yóm hyu béléem hol hnifótem lu. Okóm ke là móyói hmifót kul, tódô kóhem yóm dou boluy deng snulatem bè yóm bok gónóhem smulat boluy yó kem tauhem.”

1 Kurin 15:49

Yóm kkél tekuy bè lówó yóm tau tonok, lómón yó se angat bud kkél tekuy bè kun lówó yóm tau lemwót gu bè longit.

Hibru 2:12

Tehe monen mò ke Dwata, monen, “Angat tulónu yóm deng gendengem bè yó kem dumuhu setwoli. Angat dóyónu uu bè yóm gel kestifun le.”

Deng Hegfan 6:9

Timbow bud monol yóm yó koni, omin yóm Ngà Ubiha mkó yóm glimuhen dket bè yóm sulat lenulun. Tódô tonu laan yóm gónó le gel demsù ebè Dwata lóyóf yó kem tau tehe matay bnonok lan le tehe gel mit yóm Udél Dwata, ne lan le gel tmulón du yóm ktahuhen gbak ebè Jisas Krays.

Deng Hegfan 6:11

Ominen wen semket bemlay kul nes bukay. Ne monen mò kul, “Na ye na bud hlun hegnô he. Na ye hangat yóm katay yó kem dumu tóbóng lówóhu, hol lómón se yóm kuy.”