Biblia Todo Logo
Bib sou entènèt

- Piblisite -




Hibru 12:2 - Udél Dwata: Gna Kesfasad ne Lomi Kesfasad

2 Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Gade chapit la Kopi




Hibru 12:2
78 Referans Kwoze  

Okóm béléu do, són bè Dwata gónów htóbóng. Là kóen megewu nawahu du yóm angat kehewaen dou. Gel hnungolen ou yóm dou Dwata.


Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.


Yóm kun kegeta Dwata, deng hol tódô tahu gfan bè yóm Ngaen yó. Yóm kun kmò Dwata, yó se kun kmò yóm Ngaen. Du fen mkem du yóm kdê nmoen hlanen bè yóm udélen alì mfasang. Timbow kogol yóm tehe kkóhen salà kdéen tau, tódô mulék ebè longit, ne myón fi bè kwanan yóm Dwata alì mfasang bè kdéen.


Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.


Ne tódô eles tngónu yóm hyu deng nbut Dwata bélê ye, là kô tebelen du efet bè yóm kehdengen du bè yóm kdaw bud kkól Krays Jisas edini.


Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.


Yó hol kóyô Mà ke benlayen klowil laen dù sónen yó kem tau dmilô yóm kun Ngà ne hemtahu béléen. Ne yó angat nmou bélê le, gotu hlowilu lu sok kól yóm hol són kdaw.”


Ne ni kmoen ni deng nô bè longit ne Jisas, myón fi bè kwanan Dwata mò ilô yóm kehkamal Dwata du du yóm kdéen hógów Dwata gu bè longit, ne kdê yó kem dumu mtulus wen kwalis le ne wen kfasang le bè yó bè longit.


Okóm ke Dwata kun, tey kehegetahen du, hyónen fi bè kwananen. Ne du deng nmò Dwata mò gónó tekuy galak, ne mò gónó tekuy gewà gu lem hatay. Ne hlan Dwata béléen snéen yóm kehlifóten salà tekuy kem tau Israél ke hegsel te.


Deng tehe eles tulón le yóm nan na keglayam yóm Misaya, omin Dwata yó he hegeta du.


Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.


Beklil ye ebéléu dé anì lenwau yu, yu kem tau bè klamangen benwu. Tek són ou yóm Dwata, laen dù dumuhen.


Tódô henlel ye mimón ke Dwata anì hol ye menek bè yóm kbong nawahen kuy igò ye mangat du yóm klowil laen dù sónen guta tekuy mlan bè yóm tey kkoduhen tekuy yóm gónó tekuy mogot Jisas Krays.


Yó hol bótóngen yóm deng tulón me kuy ni koni, deng wen yóm tau hol tahu gulit mò blóng tekuy ebè Dwata. Ne ni deng myón fi bè kwanan Dwata, yóm hol geta bè longit.


Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.


Okóm tólóng yóm bélê tekuy. Longit se benwu tekuy. Ne wen tey tendo hendón nangat tekuy ni kmoen ni, duhen yóm fen lemwà tekuy gu lem hatay, yóm gónó tekuy mogot Jisas Krays lemwót gu bè longit.


“Ó Mà, laen dù là gbekem du. Hol kóhem tahu dé yóm angat tey hlayamu. Okóm balù wen se ni hem dou kóyô, yó dém kóm kóyô tódô hendengem.”


Deng henbnos Dwata yó kem tauhen, okóm dou sana ksaligu du ne són du ken-gel nawahu.


“Budi smulat do ebè yóm fen gel malak yó kem tau hemtahu bè Smirna, monem mò du, ni se udél yóm hol buten ne hol sónen, yóm deng tehe matay, okóm deng bud mowil.” Yó monen,


Duhen yó, tódô tekuy hlós ebéléen ditu bè lewà anì gbót tekuy bè yóm tey kyaken.


Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.


Okóm ke Jisas kun, deng eles tngónen yóm kfasang deng blay Maen du mò mogot du yóm kdéen. Tngónen snéen yóm kewóten gu bè Dwata ne yóm bud kuléken etu béléen.


Ne mudél le ebè Jisas yó kem gel hógówen, mon le mò du, “Hol tennuem kum dé, Sér, yóm kehtahu me.”


Ne bud mudél se mà yóm ngà yó koni, hgelen udélen, monen, “Deng wen se kehtahuhu, Sér, okóm là kóyówen. Hol tennuem dou dé.”


Hol hendem tekuy dé yóm tey kehbalahen lemwót bè yóm alì kutó nawa le du yó kem tau gemsalà. Duhen yó, hol bê tekuy abay heblat nawa, ne hol bê tekuy abay htakas.


Bè yóm tehe le katay Krays bè kros, yó se gónón gesón yóm tehe kesfohon tekuy. Ne lemwót bè yóm katayen yó, deng gotu sensotuhen tekuy, balù yóm kestólóng kbut ktau tekuy, ne gotu niten tekuy mulék ebè Dwata.


Bè yóm kewót le bè yó yó kem hógów Jisas, tey kehligal le, abay se deng nélék Dwata lu mò fen glayam lemwót bè yóm klolò le ke Jisas.


Ke deng hdà le ou eta bè yóm kros,” mon Jisas, “yó se mò lanu mit kdéen tau mò lemolò do.”


Angat hendohò Dwata yóm atulen bè klowilu. Yóm kbong nawahem là monolen, Dwata, laen kô dù tul sónen. Béem tódô baya o, abay se uu yóm mò dou.


Bè yóm kehnagì le du, hnebel le ke kilón yóm angat kmò Dwata du, ne yóm mò angat kmoen du. Hol ni sem kmoen ni yóm tehe hetngónen kul yóm Tulus Krays nô bélê le. Eles hetngónen kul yóm keglayam yóm Krays, ne yóm kehegeta Dwata du bè kogolen.


Duhen yó, olo tek suléken demsù, sana gotu hguliten yó kem tau deng hólósen bè yó kem salà le. Bè yóm kehguliten kul yó, laen dù tul sónen.


Tódô tulónu kuy ktahuhen,” mon Jisas, “lómón yóm sbotù bnék halay, ke là nan gebeng elem tonok ne lembóg, là kóen na a tmowok, ne là se wen bunguhen, tódô sana keblotuen. Okóm ke deng lembóg, yó he kwen towoken, ne angat tey kbunguhen.


Yóm tehe fù ye Abraham,” mon Jisas, “tey kligalen, abay se deng eles tngónen yóm ksutu bè ni lem benwu. Tey kligalen yóm deng ktonen dou dini.”


Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.


Yó nmò Hirod ne yó kem sendaluhen, mom senflowon le Jisas, lel le hemnê du. Hesek le du yóm nes gel lesek yóm tau hol geta, ne bud heted Hirod Jisas ebè Paylét.


Yakà lómón ni du se yóm kun nmò yóm Ngà Tau. Là kô yó du nógówen edini ke fen na a hdatù lem blóng kem tau. Okóm yó nógówen mò na e tmóbóng kul. Angat hamaen yóm kun klowil mò msok yó kem tey dê tau gu lem hatay.”


Nbuten bè yó ne, tódô gel hnakang Jisas tmulón du bè yó kem gel lemolò du yóm angat keglayamen, monen, “Là gbeku du ke là mógówe ebè Jirusalim. Bè yóm kkólu bè yó, angat hnayam le o yó kem tuha gónó tekuy gel galak, ne yó kem tau geta gel demsù ebè Dwata, ne yó kem tau gel tmolok hlau. Ngang le mò du efet hfatay le ou. Okóm bè getluhen kdaw, angat bud hlowil Dwata o.”


Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.


Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.


Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.


Yó utóm tum udélen, monen, “Gotu snulatem yóm angat tonem, ne gotu hwitem ebè yó kem tau hemtahu bè yó kem hitu syudad nii: bè Ifisus ne ebè Smirna, ne ebè Pirgamum ne ebè Tiyatira, ebè Sardis ne ebè Filadélfya, ne ebè Ludisya.”


Yó gónó Dwata temles du, abay se yóm hlau Musis yó, là gbeken hgulit tekuy. Bede tey hyu yóm tles Dwata du. Deng wen ne lan nmoen gónó tekuy gehloni ebéléen, duhen yó se hol nefet nawa tekuy ni kmoen ni.


Balù sotu bè yó kem gel hógów Dwata ke deng gónón e mon du, “Myóni bè ni fi bè kwananu. Angat ndau lu elaan he yó kem hmohon kóm.”


Bud mon Pitér, “Kdê ye kem tau Israél, hol hendem ye dé yóm Jisas deng tnutuk ye bè kros, deng duhen du se yóm deng nélék Dwata mò gónó tekuy mogot. Du se yóm Misaya.”


Bnalà Jisas se lu, monen, “Tahu se yó, gna sut Ilaydya mò fen na a hemtifes yóm kdéen. Okóm monen bè Sulat Dwata, nan hol glayam he yóm Ngà Tau, ne angat senkbê le.


Yó udél Dwata bè yóm gónóhu mogot, monen, “Myóni bè ni bè kwananu efet gotu heglaanu lu bè soluhem yó kem hohonem, lómón ke nmou lu mò gónóm hmótól tihem.”


Ni se udél Dwata, yóm gónó tekuy mogot, yóm laen dù là gbeken du, monen, “Ou se yóm hol buten ne bud ou se hol sónen.” Ni se udél yóm sana Dwata tenbut bè kbuten efet ni nem kmoen ni, ne du se yóm móyón bud sut.


Yó gel nmò le bélê le yó kem tau hmohon kul, gel henwog le lu, ne nfes le lu, lel le kemdina kul ne bnanggù le lu.


Deng tódô henyak le yu bè gónón wen, ne hensidek le yu. Okóm kuy, mom nfi ye yó kem dumu ye hemtahu deng gónó le mò du yóm yó.


Kogol yóm kudél Jisas ebélê le, ominen tódô ganag haway etta bè longit, ne myón fi bè kwanan Dwata.


Deng mom hfatay ye yóm gónón gu tembul yóm klowil laen dù sónen, okóm deng bud hlowil Dwata. Mi se hol gemtanud du yóm deng bud klowilen.


Bè yóm gel ktulón me yóm katay Jisas bè kros, ofo kul mon du yó kem tau tolo golu elem hatay ke tulón laen dù muhen. Okóm bélê tekuy kem tau deng gewà gu lem hatay, tódô tngón tekuy bè yó gónón gfan yóm tey kfasang Dwata.


Okóm bélê me kum, tek sotu yóm kum gel tulón, duhen yóm tehe ktutuk le ke Krays bè kros. Nim tulón ni, tey kekbê le du yó kem Ju. Ne bud yó kem tau là Ju le, bè kul kehedem du, hol tulón laen dù muhen.


Ó kem dumuhu setwoli, ke deng ye hemtahu bè yóm gónó tekuy mogot Jisas Krays, yóm gónó mogot hol geta bè kdéen, yake béen abay mtukul tau gel hnódó ye.


Tahu se, wen ulal tenwél Musis ne suen bè yóm hteg nmoen. Yóm tau deng nékét ulal ke temngel ebè yóm ulal hteg Musis yó, tódô mowil. Là gomongen bè nili yóm bérs 10 efet kól bè bérs 20. Hono boluy yó kem benwu tehe gónó le kmamfù yó kem tau Israél lemwót le bè Bulul Hor efet le kól bè Datal Muab.


Yó gónón dohò yóm tehe hsulat Dwata, yóm monen, “Gomong matay bè yó kem tau gel mò sidek.”


Swiv nou:

Piblisite


Piblisite