Hibru 12:18 - Udél Dwata: Gna Kesfasad ne Lomi Kesfasad

¹⁸ Bè yóm kehloni tekuy ebè Dwata, là kô gnóm tekuy du kut yóm tehe gnóm yó kem tau Israél ekni. Tey sidek klikò le bè yóm kton le du yóm tey dilóf ofi ta bulul Sinay, ne yóm tey sidek kkifuhen, lel nim tey lenos bong.

Hibru 12:18 Referans Kwoze

Dwata 4:11

“Hol tulón ye yó kem ngà ye,” mon Musis, “yóm tehe kdà ye bè but Bulul Sinay, yóm bulul lenambung yóm tey lobun mget hitem lel yóm tey dilóf ofi lemayul etta bè longit.

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

2 Timuti 1:7

Là kô yó du gónó Dwata bemlay du bélê te yóm Tulusen ke nit te likò. Okóm mò fen gel temgel kut, ne anì nô bélê te yóm kesbong nawa, ne anì wen kegbek te mafas nawa.

2 Kurin 3:9

Ke wen tey keslinang yóm kfasang Dwata gfan bè yóm hlau mit hatay, milud he keslinang yóm kfasangen yóm lomi lan nmoen mò gónó le mowil.

Sulat Pol Ebè Yó Kem Tau Hemtahu Bè Rom 6:14

Yake bê ye bud galak du ne yóm óyô mò sidek, abay se là bud tekuy galak bè yóm hlau gnan, okóm deng tekuy gnô lem yóm kun tóbóng Dwata.

Sulat Pol Ebè Yó Kem Tau Hemtahu Bè Rom 8:15

Abay se yóm Tulus Dwata deng nô bélê ye là kô nmoen kuy tau ghesek bè klikò. Ne mlan bè yóm Tulus Dwata yó, deng ye baling kun ngà, ne gbek ye ne tmaba ke Dwata, “Ó Mà.”

Dwata 5:5

Bè yóm kdaw yó, ou se fen semblóng kuy ebè Dwata mò tmulón du kuy yóm monen, abay se likò ye bè yóm ofi gónón gu mudél ne là kô ye gógów eta yóm bulul. Yó tehe udél Dwata ebélê ye bè yóm kdaw yó, monen,

2 Kurin 3:7

Bè yóm tehe kehsulat Dwata du ke Musis bè botu kufil yóm hlau gnan, tey keslinang lem uyó Musis, lemwót bè yóm kloni Dwata béléen. Balù yóm konol yóm keslinang lem uyó Musis, ewenem sana là kegbek le temngel ebéléen yó kem tau Israél, bà mon yóm tey keslinang lem uyóhen. Ke yó se kmoen bè yóm tehe keblay Dwata yóm hlau mit hatay,