Hibru 12:15 - Udél Dwata: Gna Kesfasad ne Lomi Kesfasad

¹⁵ Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.

Hibru 12:15 Referans Kwoze

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

Glasya 5:4

Ke wen bélê ye, ke tô hlanen bè kloloen yóm hlau Musis gónón tedeng kton Dwata du, deng mom senkóhen knóen bè Krays. Ne là gomongen bè yóm kun tóbóng Dwata.

2 Kurin 6:1

Duhen yó, lemwót bè yóm deng keseglomong me mò nmò bè Dwata se kum, yó gónó me mon du mò kuy, hol bê ye abay hningay yóm któbóng Dwata kuy.

2 Jan 1:8

Yó gónóm mon, hol ten-gama ye anì là lanahen bélê ye yó kem deng gel tolok me kuy. Kóyóu ke hol guta ye yóm ofol fan Dwata kuy.

1 Kurin 15:33

Hol bê ye abay hegtondo. Bong tahu se yóm sotu gel mon le, “Ke segbóti bè yó kem tau mò sidek, tódô lana béléem yóm kehyu kmoem.”

2 Pitér 3:14

Ke ni se yóm sensangat tekuy yu kem weu, hol tilów ye són gel ye mkó du ke wen belenen yóm gel nmò ye anì laen dù duón Dwata kuy sok kól, ne anì wen kenek nawa ye.

Hibru 4:1

Ne tekuy snéen nim kmoen ni yóm gónó Dwata e fmasad du yóm benwu angat gónó tekuy hlós henek nô yó. Duhen yó, hol tekuy eles temgama, kô là guta tekuy du yóm benwu fasaden yó.

1 Kurin 5:6

Tey là kóen na a hyu yóm kehegmón ye yó. Igò ye se temngón du yóm gel mon le, “Baluen ke tek udì yóm ken bali, ke suem bè yóm ken là balihen, gbót bali snéen yóm ken lomi.”

Jirimaya 2:21

Moen de ke lómón ni nmò ye? Igoen bè yóm tehe khuluhu kuy, lómón ke yu yóm lefà grép alì mgélék. Okóm moen se ni du ke deng ye mkél bè yóm lefà grép tmowok lem bnes laen dù bud muhen?

Kem Udél Hlalak Tehe Selumun 4:23

Hol ten-gamahem bè kdéen yóm kmò kógów kehedemem, yakà bè kóm kehedem du gónón lemwót yóm kóm kmò.

Hibru 4:11

Duhen yó, hol hotu tekuy són gel tekuy anì guta tekuy yóm kehegnô yó koni. Hol ten-gama kuy anì là mo tekuy mom mkél bè yó kem tau gnan ekni, là kô dog guta le du lemwót bè yóm là kehtahu le.

2 Kurin 13:5

Yake hol henklol ye dé yóm kuy kmò ktau ke deng ye tahu hemtahu. Deng tahu nô bélê ye kô Jisas Krays? Ke là nóen bélê ye, kéng ye yóm kehtahu ye.

1 Kurin 10:12

Duhen yó, ke yó hendem yóm sotu tau, là mahilen btang elem sindil, yake hol ten-gamahen, kô wen gónón btang.

1 Bok Kem Tau Hol Geta 14:16

Angat tódô bayà Dwata lu yó kem tau Israél lemwót bè yóm salà deng nmò Jirubuam, ne yóm deng kwiten kul mò salà yóm kdéen tau Israél.”

Hibru 6:11

Yó hol hesgalu me kuy, yóm ket kuy na sotu, ke hol henlel ye mò du yóm hyu efet kukol towok ye, anì angat ton ye yóm hendón nefet nawa ye.

Dwata 32:32

Yó kem hohon tekuy yó, tey sidek nmò le, mkél le bè yó kem tau tehe nô bè Sodom ne Gumura. Ke hningónu lu, hol le mkél bè yóm grép alì héét gónó milu.

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

2 Pitér 2:18

Tey le hulung mudél, okóm laen dù lemen. Gel hegbóy le yó kem tau hanà lomi kmogol du yó kem knóyô lówó. Yóm kehegbóy le kul, hlan le bè yó kem sidek knóyô lówó le.

Kulasi 3:5

Yó gónóm mon, gotu kó ye ne yóm kdéen sidek knóyô lówó ye. Béen abay wen bélê ye mò samuk, ne yó kem dumu nmò gónó hemyak knô. Hol kenbê ye yóm knawa mò du yó kem yó. Kó ye snéen yóm nawa seglom, abay se yóm gel sen-glom ye yó, deng duhen yó se dwata ye.

Ifisus 5:3

Lemwót bè yóm deng kbaling ye kun tau Dwata, là kóen hyu ke mò ye samuk, duhen ke nmò ye yó kem dumu nmò gónó hemyak knô, duhen ke seglom ye. Balù olo bè kestulón du yó kem yó, bê tekuy abay gbót du.

Glasya 2:13

Botong le gbót likò bè Pitér yó kem dumu Ju deng hemtahu gbót mken. Balù Barnabas, botong gbót se kun bè yóm kul klikò yó.

1 Kurin 13:8

Yóm kesbong nawa, laen kô dù mtukul sónen. Okóm angat wen sónen yóm khulung tmugod ke Dwata. Senged snéen yóm khulung mudél ebè Dwata bè tólóng udél, angat wen sónen se yó. Ne yóm alì ketngón tau, bud wen sónen snéen yó.

Kehewà 32:21

Monen mò ke Aron, “Tedu deng nmò le béléem ni kem tau ni? Moen ke hmoem kul nim tey salà bong ni?”

2 Pitér 3:11

Ke lómón ni se yóm angat keglà Dwata du yóm kdéen, eles ye hol temgama sen ni kmoen ni anì là gomong ye lemen. Ke wen belenen yóm gel kmò ye, eles kó ye. Eles ye hol hgulit lemolò ke Dwata

2 Pitér 1:10

Duhen yó, kem dumuhu setwoli, hol hotu ye són gel ye mò du nim monu ni koni mò gónó ye hton du yóm deng tehe ktaba Dwata kuy, ne yóm deng kéléken kuy. Ke henlel ye mò du nim ni, là kô na ye e gbek kmogol du yóm kehtahu ye bè Dwata.

Isaya 5:7

Yó kem tau Israél lómón ke tonok gónó Dwata mò hulu, yóm Dwata laen dù là gbeken du. Ne yó kem tau semfu gu bè tehe Juda lómón ke lu yóm grép huluhen. Yó hendónen bélê le ke hyu nmò le okóm là. Mom yó nmò le deng le mom monok. Hendónen bélê le ke tedeng yóm kwit le kukum okóm là. Deng mom yó gungolen taba yó kem tau là tedeng kwit le kul. Là gomongen bè nili yóm bérs 8 kól bè 30. Lem ni kem bérs ni yó tulón Isaya yóm khilu dulék Dwata mon du, “Là megewu nawan gemlà kul.” Deng gotu listahen salà yó kem tau. Bérs 8-10 Yóm udélen ebè yó kem tau tendo hlamang tonok anì laen dù gónó le nô kem dumu. Bérs 11-17 Udélen ebè yó kem tau alì móyô mken ne minum okóm balù udì ke hendem le yó kem nmò Dwata. Bérs 18-19 Udélen ebè yó kem gel mò kéng ne hemlò ke Dwata yóm gel mon du, “Géhél htonem kum kun ke wen gbekem. Móyô me mton du ke wen atulem.” Bérs 20 Udélen ebè yó kem tau mon du, “sidek yóm hyu ne hyu yóm sidek.” Bérs 21 Udélen ebè yó kem tau hemdem du, tey le temngón. Bérs 22-23 Udélen ebè yó kem tau gel ma mò wa nawa, fen hewà le yó kem tau wen salaen ne fen tnafak le yó kem tau laen dù salà le. Lemwót bè yóm kdê salà le ni, gotu htaba Dwata yó kem dumu benwu mò na a gembà yóm benwuhen ne yó kem tauhen.

Isaya 5:4

Wen kô là nmou du bè yó kem huluhu? Laen duen. Ke deng gotu nmou kdéen, moen de ke alì msom bunguhen? Yó hol hendónu bélê le dé ke hol mnóm. Là yóm ni.

Juswa 6:18

Okóm hol béen abay wen nwa ye bè yó kem kimu heglà Dwata kuy. Ke ma ye, meglà ye se kuy ne yu fen mit hlayam ebè yó kem tau Israél.

Kun Snulat Luk 22:32

Okóm deng eles utómu u, Simun, bè yóm knihu bè Dwata anì là lanahen yóm kehtahuhem. Sok deng bud mulék nawahem ebéléu, hol ten-gelem lu yó kem dumuhem deng hemtahu.”

Taytus 1:15

Yó kem tau deng mólós kehedem le, sal gel mólós se kehedem le du yóm kdéen ton le. Bede kul yó kem tau là mólós kehedem le, tau là mimón ke Dwata, là kóen mólós bélê le kul yóm kdéen ton le, abay se là buden tedeng ne kehedem le, ne laen dù bud bemekel nawa le.