Hibru 11:9 - Udél Dwata: Gna Kesfasad ne Lomi Kesfasad

⁹ Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.

Hibru 11:9 Referans Kwoze

Tekang Kbuten 12:8

Kogolen bè yó, ominen mili fi leged bè yóm benwu wen kem bululen fi dmata kdaw yóm syudad Bétél. Bè yó gónón kmamfù, bè gónón sóól Bétél ne Ay, tofi dmata kdaw yóm Bétél ne tofi desdef yóm benwu Ay. Bè yó bud gónón semsodò botu mò gónón demsù ebè Dwata ne bud tmaba ebè Dwata bè yó.

Tekang Kbuten 13:18

Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Hibru 6:17

Senged se yóm tehe kun nmò Dwata ekni. Bè yóm tehe kwen fasaden yó kem tau gnan, hol kóyóen ke tngón le yóm là ketlesen du yóm deng fasaden kul. Yó gónón hemlan du bè kun boluy mò hol hemget du.

Tekang Kbuten 18:9

Ne wen snólók le bè Abraham, mon le, “Nô se tuha libunem du?” Mon Abraham se, “Nô lem gónô.”

Tekang Kbuten 13:3

Bè yóm kewóten bè yó, tódô henlelen mógów na le na gel kmamfù gu bè lan, hlós le ebè benwu Bétél. Ngangen mógów efet le bud gefet bè yóm tehe gna gónón kmamfù bè gónón sóól Bétél ne Ay,

Tekang Kbuten 35:27

Kewót Jakub bè yó mulék ebè maen Isak bè Mamri, yóm benwu moni bè Hibron. Yó se yóm benwu hol kul gónó menwu le Abraham ne Isak.

Tekang Kbuten 28:4

Dwata he hol tmóbóng kóm kkólen bè yó kem angat lugodem, lómón yóm tehe któbóngen ke téméem Abraham. Yóm benwu Kanan gónóm lemnok ni, uu he angat gemwa du, yakà tehe blay Dwata du ke téméem Abraham ekni.”

Tekang Kbuten 25:27

Ngangen ne deng le lembang yó kem ngà lewu yó koni. Yó kun kenhulung nmò Iso, tey hulung dmulok, són lem bnes gónóhen nô. Okóm ke Jakub kun, tey menek nawan tódô henek bè gónô le.

Tekang Kbuten 23:4

“Nim knóu lem blóng ye, olohe tau milo ebélê ye. Ke hyu bélê ye, hebli ye ou tonok mò gónóhu lembeng ke tuha libunu.”

Tekang Kbuten 18:6

Omin Abraham hetlasik mógów elem gónóen ne monen mò ke tuha libunen, “Ó Sara, hetlasiki kut, mahi sotu lata yóm arina alì hyu, nmoem mambang.”

Tekang Kbuten 17:8

Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Tekang Kbuten 36:7

Là hyu kesetnù le, yakà teyen wen yó kem ógóf nfun le ne là kóyówen bélê le yóm tonok bè yó.

Tekang Kbuten 47:9

Mon Jakub se, “Yó deng kegenu tau deng lematu bud tlu folò halayu, bede tauhe menwu mógów se dou. Là kóen tahà yóm dou klowil ne tey dê gónón mgel. Là mkélen bè yó kem fuu ekni, tey tahà yóm kul klowil.”

Kem Lingón 105:12

Bè yóm tehe kmò Dwata bélê le fasad yó kem kun tau yó, là deng le hol wen he, tolo le tau milo bè Kanan.

Jirimaya 35:7

Ne bê ye se abay hdà gónô. Bê ye abay mò hulu ne mulu grép. Són bè kamfù gónó ye nô se kuy. Ke lolò ye nim hlolou kuy ni, angat tahà ktau ye ta nim tonok ni lelen hyu klowil ye.’

Tekang Kbuten 21:34

Ne tey kegen Abraham menwu bè yóm benwu kem Flistin.

Tekang Kbuten 31:25

Bong ke Jakub kun, deng kmamfù bè yóm sotu bulul bè yó bè Gilyad ne fen kmamfù bè yó kem dumu bulul lemnek bè yó le Laban, mung du yó kem dumuhen.