Hibru 11:7 - Udél Dwata: Gna Kesfasad ne Lomi Kesfasad

⁷ Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

Hibru 11:7 Referans Kwoze

Tekang Kbuten 6:13

Ne yó gónó Dwata mudél ebè Nuwa, monen, “Ó Nuwa, deng hendemu ne kmou són le yó kem tau. Angat gotu genlau lu abay se hono sidek yóm gel nmò le bè klamangen benwu.

1 Pitér 3:20

Yó kem lóyóf heblanggù Dwata yó, lóyóf tu kem tau là mimón ke Dwata bè yóm tehe kun kdaw Nuwa. Tey tehe khanay Dwata nawahen bélê le tu kem tau tu, tô hatanen kimón le efet kdeng yóm kafal bong nmò Nuwa. Ewenem, tek wolu tau husek elemen ne gewà gu lem yóm tey él.

Sulat Pol Ebè Yó Kem Tau Hemtahu Bè Rom 4:13

Tehe yu ekni, wen fasad Dwata ke Abraham ne bè yó kem semfu gu béléen. Yó fasaden kul, lu angat mogot yóm klamangen benwu. Là kóen mlan bè klolò Abraham du yóm hlau Musis gónó Dwata hlan du béléen yóm fasad yó. Okóm mlan bè yóm kehtahuhen ke Dwata. Són yó se gónón tedeng kton Dwata du, són bè yóm kehtahuhen.

Kun Snulat Luk 17:26

Gu laanen là deng semfulék yóm Ngà Tau,” mon Jisas, “hol lómón yóm tehe kun kdaw Nuwa.

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Glasya 5:5

Okóm bélê tekuy du, són ken-gel nawa tekuy yóm nmò Dwata bélê tekuy mò gónón tedeng ktonen tekuy. Kun kfasang yóm Tulus Dwata mò du nim ni, hlanen bè yóm kehtahu tekuy. Ne yó se yóm tendo nangat tekuy.

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

Sulat Pol Ebè Yó Kem Tau Hemtahu Bè Rom 3:22

Yó gónón baling tedeng kton Dwata tekuy, duhen yóm kehtahu tekuy ke Jisas Krays. Tu se nmò Dwata bè kdéen tau hemtahu bè Krays, laen kô dù mtukul néléken.

Sulat Pol Ebè Yó Kem Tau Hemtahu Bè Rom 1:17

Ne bud bè yó sem Tulón Hyu yó gónó Dwata hegfan du bélê tekuy yóm gónón baling tedeng ktonen tekuy mlan bè kehtahu tekuy. Lómón yóm deng monen bè Sulat Dwata, yóm monen, “Ke deng tedeng kton Dwata du yóm tau lemwót bè kehtahuhen, du se yóm tau gmuta du yóm klowil laen dù sónen.”

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Kem Udél Hlalak Tehe Selumun 27:12

Yóm tau hulung milô eles dilóen yóm sidek ne senyahen, okóm yóm tau là ngelem kehedemen mom mógów e du ne yó gónón glayam.

Tekang Kbuten 7:23

Gotu genlà Dwata kdéen mowil talak tonok, kdéen tau ne kdéen ógóf ne kdéen onuk koyu. Tek són Nuwa dù tebel ne yó kem mung du elem yóm kafalen.

2 Pitér 3:6

Ne bud bè él snéen gónón gemlà yó kem tehe tau gnan ekni, tódô gotu hdunuken elem yóm benwu le.

2 Pitér 2:5

Dalang se yó kem tau gnan bè yóm tehe kun kdaw Nuwa ekni, tey kegsalà le. Bede là kô tódô bayà Dwata du kul yóm kegsalà le yó. Yó tafaken kul tódô gotu hlumfaken elem benwu le yóm tey dunuk él, ne gotu le meglà. Són Nuwa là matayen, ne yó kem hitu fes lówóhen. Gu laanen là deng sut yóm dunuk, tódô henlel Nuwa tmolok yó kem tau anì hentedeng le kmò le.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

Hibru 11:1

Ke wen kehtahu tekuy bè Dwata, bè yó gónó tekuy temngón du tahu dohò kguta tekuy du yóm hendón nefet nawa tekuy, ne tahu dohò kton tekuy du yóm là deng ton tekuy du he.

Sulat Pol Ebè Yó Kem Tau Hemtahu Bè Rom 10:6

Okóm bud wen monen bè Sulat Dwata gbak ebè yóm kehtahu tekuy mò gónón tedeng ktonen tekuy, yó monen, “Là bud hendem tekuy du ne ke wen tau mógów ebè longit nan e nangay Krays ete tonok.

Sulat Pol Ebè Yó Kem Tau Hemtahu Bè Rom 4:11

Deng gegna ne yóm kehtahu Abraham ke Dwata ominen yó he htulì. Hmò Dwata du yóm yó mò ilô yóm deng ktedeng ktonen du lemwót bè yóm deng kehtahu Abraham béléen. Ne duhen yó, lemwót bè yóm kehtahu Abraham ke Dwata, yó gónóhen baling mà kdéen tau hemtahu bè Dwata, baluen he ke là Ju le, ne baluen he ke là tnulì le. Tódô lemwót bè kehtahu le gónón tedeng kton Dwata kul.

Matyu 24:38

Yóm gu laanen là deng tehe sut dunuk ekni, yó nmò kem tau mken le, ne minum le, ne syehen le efet yóm khotun Nuwa elem yóm kafal nmoen.

Matyu 24:25

Eles tulónu kuy nim ni,” mon Jisas, “anì hol ye getgama.

Tekang Kbuten 19:14

Omin Lat mógów ebè yó kem logi deng leminti yóm lewu kem ngaen libun, monen mò kul, “Géhél tekuy lemwót ne, hewà tekuy bè ni abay se móyón genlà Dwata nim benwu ni.” Okóm ofo kul ke hlowon Lat yóm monen yó.

Tekang Kbuten 7:5

Tahu se, gotu nmò Nuwa yóm kdê hmò Dwata du yó.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

Sulat Pol Ebè Yó Kem Tau Hemtahu Bè Rom 9:30

Duhen yó, yó kem tau là Ju le, là kô ktes le du yóm ktedeng kton Dwata kul, okóm guta le lan le hemtahu bè Jisas.

Kem Udél Hlalak Tehe Selumun 22:3

Yóm tau hulung milô eles dilóen ne senyahen yóm sidek, okóm yóm tau là ngelem kehedemen mom mógów e du ne yó gónón glayam.

Matyu 24:15

Bud mon Jisas, “Bè tehe kegenen du Danyél ekni, yóm sotu tau tehe gna tugod Dwata, eles tulónen yóm angat mdà bè Gónô Dwata yóm alì sidek knikò, yóm natuen Dwata. Yóm tau semfala du yóm ni, hol hennagien kmò klanen.

Tekang Kbuten 8:16

“Hewà ye ne, nitem yehenem ne kem ngaem logi ne yó kem towuhem.

Tekang Kbuten 6:22

Tahu se, gotu nmò Nuwa yóm kdê deng hmò Dwata du.”

Isikél 33:5

Deng gungolen yóm uni mò hetgama ne là dog kenmónen du. Yó gónóm mon, kun salà ke matay. Ke tehe nimónen yóm eles hetgama du, là kóen na a matay.

Matyu 2:12

Bè yóm kulék le, tólóng ne lan lolò le, abay se bud wen hekna Dwata kul anì là bud le mlan bè Hirod sok le mulék.

Hibru 8:5

Yóm kul gel nmò yó kem tau gel demsù ni, tódô gel nulit le yóm tahu duhen gel nmò le bè longit. Yóm gel nmò le yó, olo olungen. Hol lómón yóm ke Musis ekni. Bè yóm kdaw kehdaen yóm Gónô Dwata gel nit le mógów, wen tulón Dwata du, yó monen, “Tódô nulitem kdê yóm deng hegfanu béléem ditu ta bulul Sinay.”Okóm ni, deng nmò Dwata Jisas mò blóng ebéléen, ne tey hyu yóm nmoen senta yóm kul nmò yó kem tau gel demsù te tonok. Ne tey mdengen snéen yóm kun nmò Jisas mò lan tekuy ebè Dwata senta yóm gnan. Yó gónón alì hyu yóm kun, abay se alì hyu yóm fasad Dwata bélê tekuy mung du.

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

2 Bok Kem Tau Hol Geta 4:5

Tahu se, nmò yóm libun bolu yó yóm hmò Ilaysa du, ominen husek elem gónóen mung du yó kem ngaen logi ne tnikeben bengen. Lemwót yó kem ngaen logi, nwit le ebéléen yó kem sobuy ndóm le laen dù lemen. Yó nmò yóm libun, nwahen yóm sobuy hnolohen, ne nlemen yó kem sobuy nwit le ebéléen yó.