Hibru 11:6 - Udél Dwata: Gna Kesfasad ne Lomi Kesfasad

⁶ Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Hibru 11:6 Referans Kwoze

Kem Udél Hlalak Tehe Selumun 8:17

Bong nawaw du kihu tau kembong nawa do ne kihu tau hol mebel do tonen o.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

Kun Snulat Luk 12:31

Ni dii hol nmò ye. Hogot ye ke Dwata klowil ye, ne du he angat bemlay du kuy ni kem wen mu ye du ni.”

Kem Lingón 119:10

Béléu do, tódô hotuhu nawahu mò du yóm hmoem do. Hol tnóbóngem ou anì là guléhu du yó kem hlauhem.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Sulat Pol Ebè Yó Kem Tau Hemtahu Bè Rom 10:14

Okóm tedu se kmò kehtóbóng tau béléen ke là deng hentahu le du? Ne tedu se kmò kehtahu le béléen ke là deng gungol le du yóm tulón gbak béléen? Ne tedu se kmò kungol le du boluyen ke là deng wen tau tmulón du kul?

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

Kem Lingón 73:28

Okóm béléu, alì hyu gemnóm du yóm kehlonihu ebè Dwata anì naw e heklung béléen, yóm Dwata hol gónó mogot. Tey hyu gemnóm du snéen yóm gel keheglalagu du yóm kdê gel nmoen.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

2 Pitér 1:5

Yó gónóm mon, hotu ye gel ye anì hmung ye bè yóm kehtahu ye yóm kehyu kmò. Ne bè yóm kehyu kmò ye, hol hmung ye du yóm khulung ye hedem.

Hibru 4:6

Yó kem tau tanay hmungol du yóm Tulón Hyu, là kô guta le du yóm monen yó, abay se monem, là kô le hemtahu. Yó gónóm mon, angat wen he kem dumu tau heflós Dwata edu.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

2 Pitér 3:14

Ke ni se yóm sensangat tekuy yu kem weu, hol tilów ye són gel ye mkó du ke wen belenen yóm gel nmò ye anì laen dù duón Dwata kuy sok kól, ne anì wen kenek nawa ye.

Lista 14:11

Yó udél Dwata ebè Musis, monen, “Deng tódô senflós le kembê do ni kem tau ni. Tódô senflós le là smalig do igoen deng tey dê hentaw ton nmou lem blóng le.

Kun Snulat Jan 8:24

Yó gónóhu mon du mò kuy, sana tolo kbô ye du he salà ye ke sok ye matay. Ne tahu se yó, ke là hentahu ye du yóm deng tulónu kuy bè dou ktau, sana tolo kbô ye du he yóm salà ye bè yóm katay ye.”

2 Pitér 1:10

Duhen yó, kem dumuhu setwoli, hol hotu ye són gel ye mò du nim monu ni koni mò gónó ye hton du yóm deng tehe ktaba Dwata kuy, ne yóm deng kéléken kuy. Ke henlel ye mò du nim ni, là kô na ye e gbek kmogol du yóm kehtahu ye bè Dwata.

Hibru 7:19

Yó gónó Dwata temles du, abay se yóm hlau Musis yó, là gbeken hgulit tekuy. Bede tey hyu yóm tles Dwata du. Deng wen ne lan nmoen gónó tekuy gehloni ebéléen, duhen yó se hol nefet nawa tekuy ni kmoen ni.

Kem Lingón 78:32

Okóm balù yó he, tódô senflós le mò salà yó kem tau. Balù yóm deng kton le du yó kem hentaw ton deng nmò Dwata, là kô hentahu le du.

Hibru 4:2

Yakà dengen gefet bélê tekuy ne yóm Tulón Hyu, hol lómón yóm tehe kgefeten bélê le se kul ekni. Okóm laen kô dù ofol le hmungol du, abay se là hentahu le du.

Kem Udél Hlalak Tehe Selumun 11:18

Là kóen tahà kmuhen du yóm gutahen yóm tau gel mò sidek, okóm yóm tau gel mò yóm tedeng, gutahen yóm ofol laen tul sónen.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Lista 20:12

Okóm nudél Dwata Musis lewu le Aron, monen, “Lemwót bè yóm là hol ksalig ye do ne yóm là kehdilô ye du lem blóng yó kem tau Israél yóm klaen dù belenu, là kô galak ye kul ni kem tau ni etu bè yóm benwu fasadu kul.”

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Hibru 11:26

Hendemen mom hyu he kun ke henwog le lemwót bè yóm kehdónen yóm Misaya, yóm deng nélék Dwata mò hkamalen yóm klamangen, olo ke tô gfunen yóm tey kendengen bè Idyip. Deng eles hendemen ne kun yóm ofolen elem hulin kdaw lemwót bè Dwata.

Mark 16:17

Yó kem tau hemtahu béléu,” mon Jisas, “angat wen ktued blay Dwata kul anì wen hentaw ton nmò le. Angat gbek le hdó busaw bè yó kem tau lengel mata hlan le bè dou boluy. Ne angat gbek le tódô mudél yóm udél là deng kul dnalang du.

Isaya 55:3

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Isaya 7:9

Yóm benwu Israél yó, dalang se yóm syudad bong nô lemen boluyen Samarya, laen dù bud kgis le se kul. Senged se yóm Pika mogot du, laen dù bud kgisen se kun. Ne uu Ahas, ke là hlósen yóm kehtahuhem béléu, là se kóen hlós yóm kogotem benwu.”

Kem Lingón 58:11

Yó angat mon yó kem tau, “Tahu se, wen ofol blay Dwata kul yó kem tau tedeng kmò le. Bè ktahuhen, Dwata se fen mit du yóm kukum tedeng bè yó kem tau talak tonok.”

Kun Snulat Luk 6:35

Okóm kuy du,” mon Jisas. “hol kenbong ye nawa yó kem hohon ye, hol henyu ye kmò ye ebélê le. Ke hutóng ye, bê ye bud snolò. Ke lómón se ni gel nmò ye, tey angat ofol ye, ne angat ngaen yu yóm Dwata alì geta bè kdéen. Abay se yóm Dwata, balù yó he kem tau laen dù nawa skodu bélê le ne yó kem tau sidek nmò le, ewenem sana tey kkoduhen kul.

Kem Lingón 106:24

Yó bud nmò le, là móyô le husek elem yóm tey tonok hyu, abay se là hentahu le du yóm deng fasad Dwata kul.

Kem Lingón 78:22

abay se là kô hentahu le ke Dwata, ne là kô snalig le du yóm kesegyoken kul.

Rut 2:12

Dwata he hol bemlay kóm ofol bè nim deng nmoem ni. Yó hem Dwata yó kem tau Israél, yóm Dwata gónóm deng hofin, hol bemlay kóm yóm ofol là deng sulék tonem du.”

Matyu 6:16

“Bè yóm gel kfasting ye,” mon Jisas, “bê ye dnalang yóm kul kmò yó kem tau hemtedeng knô. Là kô le hgifat anì dilô tau bélê le yóm kfasting le. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 6:5

Ke mni ye bè Dwata,” mon Jisas, “bê ye dnalang kul kmò yó kem tau hemtedeng knô. Tey le móyô mdà mni bè Dwata lem gónó le gel stifun ne gu bè kilil lan bè gónón wen anì ton tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Jirimaya 2:31

Ó kem tau Israél, hol hnungol ye nim udélu ebélê ye ni, udél yóm sana kuy Dwata hol gónó mogot. Deng lómó kmou ebélê ye kô lómón ke ou yóm benwu là hyu menwu du hlós wen gónó ye élél du? Lómón ke ou kô yóm benwu alì mget kkifuhen, là ton ye du lan ye? Ke là tahuhen se yó, moen de ke mom mon ye là bud ye gfét béléu ne, ne là bud ye móyô semfulék ebéléu?

Matyu 5:12

Hol hnigal ye dé ke lómón yó kmò le kuy, abay se deng wen tey ofol deng eles fan Dwata kuy bè longit. Yóm keglayam ye yó, hol lómón sem yó ne yóm tehe kul keglayam yó kem tehe gna tugod Dwata ekni.”

Matyu 11:26

Duhen yó se, Mà, yóm kóm kóyô kehlan du.”