Hibru 11:40 - Udél Dwata: Gna Kesfasad ne Lomi Kesfasad

⁴⁰ Yó duón gónó le là gmuta du, abay se wen yóm tey hyu atul Dwata mò gónó tekuy gotu gomong. Là kô na le e kendel guta du yóm fasad Dwata yó ke là deng tekuy gotu gomong gulit bélê le.

Hibru 11:40 Referans Kwoze

Deng Hegfan 6:11

Ominen wen semket bemlay kul nes bukay. Ne monen mò kul, “Na ye na bud hlun hegnô he. Na ye hangat yóm katay yó kem dumu tóbóng lówóhu, hol lómón se yóm kuy.”

Hibru 8:6

Okóm ni, deng nmò Dwata Jisas mò blóng ebéléen, ne tey hyu yóm nmoen senta yóm kul nmò yó kem tau gel demsù te tonok. Ne tey mdengen snéen yóm kun nmò Jisas mò lan tekuy ebè Dwata senta yóm gnan. Yó gónón alì hyu yóm kun, abay se alì hyu yóm fasad Dwata bélê tekuy mung du.

Hibru 7:19

Yó gónó Dwata temles du, abay se yóm hlau Musis yó, là gbeken hgulit tekuy. Bede tey hyu yóm tles Dwata du. Deng wen ne lan nmoen gónó tekuy gehloni ebéléen, duhen yó se hol nefet nawa tekuy ni kmoen ni.

Hibru 9:23

Yó kem kimu wen mu le du bè yóm kehloni le ebè Dwata, hningónen yóm tahu duhen bè longit. Ne là mólós kton Dwata kul yó kem kimu te tonok yó ke là wen litô nô ta le. Okóm bè tu dum tahu kimu Dwata bè longit, là knóónen ke olon litô ógóf hetsik le eta le. Yakà wen yóm hyu sentahen.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Hibru 7:22

Duhen yó, lemwót bè yóm deng fasad Dwata ke Jisas yó, yó se gónóhen alì hyu yóm nmò Jisas mò lan tekuy hloni ebè Dwata.

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.