Hibru 11:39 - Udél Dwata: Gna Kesfasad ne Lomi Kesfasad

³⁹ Yó kem tehe tau gnahen yó ekni, bong le megdóyón se lemwót bè yóm kehtahu le bè Dwata. Ewenem yó, bè yóm klawi le mowil, là kô guta le du yóm fasad Dwata kul.

Hibru 11:39 Referans Kwoze

Hibru 11:13

Ni kem tau monu ni koni, là kô dog ton le du yóm fasad Dwata kul, deng le gotu matay gu laanen. Okóm bè yóm tehe tolo klowil le, hol lómón ke deng ton le, ne tey kligal le du snéen, balù yóm tolo klimahen bélê le. Yó gel mon le, “Tau me milo se kum. Olo kem kum hlun gónó nô nim benwu ni.”

Hibru 11:2

Bè yó kem tau gnan ekni, lemwót bè yóm kehtahu le gónón hyu nawa Dwata ebélê le.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Hibru 9:15

Yó gónóhem mon, Krays se yóm lomi lan deng nmò Dwata mò lan tekuy hloni ebéléen. Yó gónón mò du anì kdê yó kem tau deng tnaba Dwata, gotu ton le yó kem hyu tehe fasad Dwata kul, yóm hyu laen kô tul sónen. Hol tahu dohò nim ni, abay se deng wen fen matay. Yóm katayen yó, gotu lenwaen yó kem tau bè yó kem sidek tehe gel nmò le bè yóm tehe klolò le yó kem gna hlolò le kul.

Hibru 10:36

Hol hanay ye nawa ye dé anì gmò ye yóm kun kóyô Dwata, ne anì guta ye yóm tehe fasaden kuy.