Hibru 11:36 - Udél Dwata: Gna Kesfasad ne Lomi Kesfasad

³⁶ Yó gel nmò le bélê le yó kem tau hmohon kul, gel henwog le lu, ne nfes le lu, lel le kemdina kul ne bnanggù le lu.

Hibru 11:36 Referans Kwoze

Jirimaya 20:2

yó nmoen, hekfóen Jirimaya yóm tugod Dwata, ominen hfes du ne hféten moni bè yóm bak tikeb boluy le du Bak Tikeb Bindyamin bè Gónô Dwata.

Tekang Kbuten 39:20

Tódô hekfóen Jusif, tenesen lem yóm sotu gónô blanggù gónón gel tmafak tau yóm tau hol geta bélê le. Ne bè yó gónó Jusif nô.

2 Tutul Israél 30:10

Lemwót yó kem tau hógów yóm tau hol geta yó koni, mógów le ebè ket benwu bè klamang tonok Ifraim ne Mansai efet kól etu bè kun tonok snakuf Sibulun. Okóm deng mom senkuli le lu yó kem tau, deng mom sendekà le lu.

Hibru 10:34

Ne gel ye gbót glayam bè yóm kegkukub yó kem dumu ye hemtahu. Balù yó kem tau mled kimu ye, là kóen sidek kehedem ye ebélê le, mom wen he yóm kuy kehligal, abay se deng tngón ye wen yóm tey kuy kimu alì hyu laen dù sónen ditu bè longit.

Matyu 23:34

Tódô tulónu kuy, angat wen kem tau bud hógówu elem blóng ye, yó kem tau tugod Dwata, ne yó kem tau hulung hedem, ne yó kem tau hulung tmolok. Tódô wen bélê le hnatay ye, wen se tnutuk ye bè kros, ne wen se nfes ye lem gónô ye gel stifun, ne mom ktes ye lu ebè yó kem dumu benwu gónó le e mlóy.

Jirimaya 20:7

Yó udél Jirimaya ebè Dwata, monen, “Ó Dwata, deng tey kubugem dou bè yóm kehtugodem do. Teyi kemgis sentahu ne uu gemmò béléu. Ne ni, tey sidek kesedekà le dou yóm kdéen tau bè nim syudad ni.

2 Tutul Israél 16:10

Deng mom lenbut Asa Hanani yóm tau gel wen hton Dwata du, yó gónón heblanggù du. Bè yóm kdaw yó, nbut Asa bè yó ne tendo hemgnok kul yó kem dumu tau nogoten.

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

2 Timuti 2:9

Ne yó se lewóten nim gfau ni. Lómón kfét le dou tau monok. Ya mo kegfét le dou du, okóm là kô gfét le du kun yóm Udél Dwata.

2 Timuti 1:16

Dwata he fen tmóbóng kul yó kem kun fes lówó Unisifurus. Deng hilu duléken ne yóm fen na a gel hemyu nawahu. Là kóen na a gseng du yóm kegkukubu,

Ifisus 4:1

Duhen ni, wen hlolou kuy, ou se yóm tau deng geblanggù lanu mò du yóm hmoen dou yóm gónó tekuy mogot. Bê kwit ye ktau ye, hol nmò ye sen yóm nmò seklóón ebè yó kem tau deng tnaba Dwata.

Kul Nmò 24:27

Bè yóm gewu halay Pol nô bè yó, tólóng tau ne tles gubérnor, boluyen Porsyus Fistus. Okóm ke Filik kun, kóyóen ke hol hyu nawa le ebéléen yó kem Ju, yó gónón là hewà ke Pol.

Kul Nmò 21:33

Tódô hekteng ebè Pol yóm kmandér ne kenfóen, ne hféten, botong lewu kdina fét le du. Mudél yóm kmandér, monen, “Tau du de ni? Tedu salaen?”

Kul Nmò 8:3

Yó nmò Sol, sónmoen tendo tô gemlà yó kem tau hemtahu bè Jisas. Tódô keten gónô mebel kul yó kem tau hemtahu bè Jisas, libun duhen ke logi, gotu kenfóen lu, ne suen lu lem blanggù.

Kul Nmò 5:40

Tahu se, nimón yó kem dumu tau hol geta mogot kukum yóm udél Gamaliyél yó. Omin le bud htaba kul elemen yó kem hógów Jisas na le na habid hfes lu. Tey kget kmon le du mò kul hol bê le abay bud sentbong bè kem tau yóm boluy Jisas. Omin le yó hefewà kul.

Kul Nmò 5:18

tódô hekfô le lu, ne heblanggù le lu.

Kul Nmò 4:3

Yó gónóm mon, tódô kenfô le lu le Pitér ne sù le lu lem blanggù efet kól haya, abay se deng kimel yóm kekfô le kul.

Kun Snulat Luk 23:36

Balù yó kem sendalù, sana kul kegbót hmowon ke Jisas. Hloni le ebéléen, ne tô hinum le du yóm kul ninum là mebtesen,

Kun Snulat Luk 23:11

Yó nmò Hirod ne yó kem sendaluhen, mom senflowon le Jisas, lel le hemnê du. Hesek le du yóm nes gel lesek yóm tau hol geta, ne bud heted Hirod Jisas ebè Paylét.

Kun Snulat Luk 18:32

Yó kmò le du, angat lus le elem tdok yó kem tau là Ju le. Angat tey keseflowon le du, ne sendekà le, ne lel le semdulak du.

Mark 10:34

Tey angat kehlowon le du, ne lel le semdulak du, ne angat nfes le, ngangen efet hnatay le. Bede bè getluhen kdaw, angat bud mowil.”

Matyu 27:26

Omin Paylét hewà ke Barabas ebélê le, ne nan na habid hfes Jisas, ne ominen bemlay du ebè yó kem sendalù mò na e tmutuk du bè kros.

Matyu 21:35

Timbow le kól ditu yó kem tau dóken, deng mom yó nmò le bélê le, tódô sensogot le lu. Tey sidek kboug le yóm sotun, ne hnatay le yóm sotuhen, ne sentudà le botu yóm sotuhen.

Matyu 20:19

Ne angat blay le elem tdok yó kem tau là Ju le. Tey kehlowon le du, ne lel le mfes du, ngangen efet tnutuk le bè kros. Bede bè getluhen kdaw, tódô bud hlowil Dwata.”

Jirimaya 38:28

Lemwót Jirimaya tódô hlós nô bè lósól yóm gónô bong, bè yóm gónón nô yóm tau gel mentey bè yó efet kól bè yóm kdaw kundug le yóm benwu Jirusalim.

Jirimaya 36:6

Yó gónóm mon, uu fen mógów kut etu bè yóm kdaw bud kfasting yó kem tau ne hol senfalahem bélê le yóm udél Dwata deng snulatem lem nim klatas lenulun ni. Bè yóm kdaw yó gotu le mógów ebè yó yóm kdéen tau bè klamang Juda.

Jirimaya 29:26

‘Deng nélék Dwata uu mò tles ke Jihuyada yóm tau gel blóng ebè Dwata, mò mogot yóm Gónô Dwata. Kóm snolu ke wen tau lembù tmugod ke Dwata ke nfétem kdina ne hensuem bala tók bè liholen.

2 Tutul Israél 36:16

Okóm deng mom hennê le yó kem tugod Dwata yó kem tau, là kô hnungol le kul, mom knuli le lu, efet là bud gbek Dwata hembala nawan, ne laen kô dù bud lan le gewà bè yóm kebuten kul.

2 Bok Kem Tau Hol Geta 2:23

Bud kewót Ilaysa bè yó bè Jiriku mógów ebè Bétél. Bè yóm igoen mógów, wen kem ngà logi lemwót bè Jiriku semdekà du ne hmowon du, mon le, “Mdóhi bè ni kóm, tau lalang, mdóhi bè ni.”

1 Bok Kem Tau Hol Geta 22:27

Mon ye mò kul, ni udél yóm tau hol geta bélê ye, ‘Bnanggù ye tau ni, béen wen dumu hken ye du olon mambang ne él efet kkólu gu bè sgida ke laen dù hemenu.’ ”

1 Bok Kem Tau Hol Geta 22:24

Omin Sidikaya, ngà Kinaana, tódô mógów ebè Mikaya nan e tódô dnofì lem uyóhen, yó monen, “Kilón de ktagaken do yóm Tulus Dwata anì nan e stulón kóm?”

Ifisus 3:1

Yó gónóm mon, tey gel knihu bélê ye bè Dwata. Ou se Pol, yóm tau geblanggù lanu gel lemolò ke Krays Jisas, ne lanu gel tmolok lem blóng ye yu kem tau là Ju le.

Jirimaya 32:8

Tahu se, hol lómón yóm deng mon Dwata mò dou, mógów ebéléu Hanamél bè yóm knóu lem blanggù, monen mò dou, “Yake benlihem yóm tonoku bè Anatot glem lem tonok Bindyamin. Bè kut hlau wen kwalisem bemli du se kóm senta yó kem dumu tau. Yó gónóm mon, benlihem mò hlós kóm.” Bè yóm kungolu du yóm udélen yó tódô tngónu lemwót bè Dwata yóm udél lomi gungolu yó.

Jirimaya 39:15

Bè yóm igò Jirimaya tolo nô lem blanggù, wen udél Dwata ebéléen, monen,

2 Tutul Israél 18:26

Mon ye mò kul, Ni udél yóm tau hol geta ebélê ye, ‘Bnanggù ye nim tau ni, béen wen dumu hken ye du olon mambang ne él efet kkólu gu bè gida laen dù hemenu.’ ”