Hibru 11:34 - Udél Dwata: Gna Kesfasad ne Lomi Kesfasad

³⁴ Ne laen dù hemen le bè yóm tehe kbot le kul elem yóm tey ofi. Ne bè yóm tehe tô ktibó le kul, là gehlósen. Tau laen dù kgis le, okóm botong le baling kemgis. Wen se bélê le alì hulung sfatay bè gida, botong laen dù gmò yó kem hohon le lemwót bè dumu benwu.

Hibru 11:34 Referans Kwoze

Kmukum 15:8

Tahu se, na a nmò Samsun hemsidek mundug kul, tey dê hnatayen bélê le. Ominen yó lemwót etu bè yóm sotu kilib bè yóm léhék boluyen Itam ne bè yó gónón nô.

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Kem Lingón 144:10

Abay se gbekem hegmò yó kem tau hol geta. Uu se yóm deng lemwà ke Dabid yóm tau tóbóng lówóhem.

2 Bok Kem Tau Hol Geta 6:32

Lemwót yóm tau hol geta wen tau hógówen ebè Ilaysa. Tolo nô bè gónóen Ilaysa, mung seyón stulón bè yó kem tau malak bè Israél. Okóm gu laanen là deng sut yóm tau dók yóm tau hol geta yó, yó udél Ilaysa ebè yó kem tau malak, monen, “Yóm sotu tau monok, deng wen tau hógówen mò kemleng liholu. Ke sut yóm tau yó, hol tnikeb ye bak dól, bê ye abay hfusek, abay se huli du yóm tau hol geta.”

1 Bok Kem Tau Hol Geta 19:3

Botong likò Ilaydya, yó gónón mlóy etu ebè Birsiba yóm benwu glem lem Juda, ne bè yó gónón tmebel du yóm tau tóbóng lówóhen.

1 Pitér 4:12

Ó kem weu, dou dumu sogot nawa, bê ye tennga yóm tey keglayam ye nim kmoen ni lemwót bè yóm kehtahu ye. Sana ni ne kmoen bè yó kem tau hemtahu, sal wen gónó le glayam.

Jirimaya 26:24

Bè yóm kekfô le ke Jirimaya yó, wen sotu tau boluyen Ahikam ngà Syapan logi nô bè yó ne tey kfihen ke Jirimaya ne yó gónó le là hfatay ke Jirimaya yó kem mogot kukum. Là gomongen bè nili yóm tsaptér 27. Yó tulónen bè ni yóm udél Dwata ebè Sidikaya. Là olon du bè Sidikaya gónó Dwata e mudél, okóm gomong yóm limu kem benwu hmilol bè Juda. Wen yok hmò Dwata ke Jirimaya mò suen bè liholen, hningónen hyu ke gotu le heglaan bè Nibukadnisar anì angat le mowil. Hyu ke tódô henlós le mung bè Nibukadnisar efet kól bè yóm bud kun kogot yóm ngaen ne bud kun kogot yóm téméen. Okóm ke là heglaan le bè Nibukadnisar, angat le gotu matay. Matay le bè gida ne matay le lemnus ne matay le bè des. Eles hetgama Jirimaya kul hol bê le abay hmungol bè yó kem dumu tugod Dwata ne bè yó kem tau demwata yóm gel mon du mò kul hol bê le abay heglaan. Yóm tulón le yó mon Jirimaya, là kô htugod Dwata du kul. Là gomongen bè nili yóm tsaptér 28. Yó tulónen yóm kun tulón yóm tugod dwata kéng boluyen Hananiya. Monen, tek lewu halay duen angat kmò Dwata sónen yóm kfasang Nibukadnisar. Bè yóm kdaw yó kun, bud semfulék ebè Juda Jihuyakin yóm tehe negef le, mung du yóm kdéen tau deng tehe negef le ebè Babilun. Ne bè yóm bud kulék le yó kun, gotu bud nwit le snéen yóm kdéen kimu mebtes deng nwa yó kem sendalù Babilun lem yóm Gónô Dwata. Bè yóm igoen mudél Hananiya, tódô tenfoken yóm yok nô bè lihol Jirimaya hningónen yóm kegesón kogot Nibukadnisar yóm benwu Babilun. Okóm sotu kdaw stulón ke Hananiya Jirimaya. Tulón Jirimaya du yóm là kewóten bè Dwata yóm tulónen, ne yóm katay Hananiya lemwót bè yóm ktulónen kéng yó.

Kem Lingón 66:12

Deng hlusem yó kem hohon me anì hol ndà le mi elaan. Hol lómón ke deng me mlan lem ofi ne lem dunuk. Okóm deng mom nwitem mi ebè yóm benwu là élélen.

Kem Lingón 6:8

Ó kem tau gel mò sidek, hlayuk ye béléu, yakà deng gungol Dwata du yóm kkiku.

Job 42:10

Timbow deng kogol yóm kni Job bè yóm tlu kem ween, ya tey bud kehdengen Dwata du. Botong lewu duléken bud hulék du ebè Job yó kem deng lana béléen.

Job 5:20

Kesok mbel bitil sal gel lenowilen uu. Ne ke mungi bè gida sal gel kenlungen u bè hatay.

1 Samwél 20:1

Kewót Dabid bè yó mlóy gu bè Nayut yóm benwu snakuf Rama, nan e hnebel Junatan ne monen mò du, “Tedu deng nmou du? Tedu se salau du? Tedu se deng nmou sidek bè maem ke tô hnatayen ou?”

Kehewà 18:4

Ne yó tehe bud monen bè ksut yóm ngaen twoli, “Deng tnóbóngen ou yóm Dwata hentahu yóm tehe mà ne hewaen ou anì là ghatay Faro dou.” Ne yó gónón moluy du Ilisér yóm ngaen logi twoli.

1 Samwél 18:11

Okóm bè yóm kdaw yó, wen buyus nogot Sol. Yó nmò Sol deken ke Dabid yóm buyusen, yó hendemen, “Anì mtool ebè beng Dabid.” Okóm semya Dabid ne mlóy. Sotu kdaw bud tô dek Sol ke Dabid yóm buyusen, okóm bud semya.

1 Samwél 19:10

Bud ndek Sol buyus Dabid, okóm semya Dabid ne mteg bè beng yóm buyus yó. Ne tódô mlóy Dabid bè yóm kifu yó.

1 Bok Kem Tau Hol Geta 19:1

Gotu tulón Ahab ke Jisébél yóm yehenen, yóm kdê deng nmò Ilaydya ne yóm khatayen yóm kdê tugod Baal mlan bè sudeng.

2 Bok Kem Tau Hol Geta 6:1

Sotu kdaw, yó mon le mò ke Ilaysa yó kem tugod Dwata gel galak béléen, “Tonem kô nim gónó tekuy stifun ni, tey udì bélê tekuy.

Kem Lingón 124:7

Deng tekuy gewà lem tdok le, lómón yóm onuk lem bnes gewà lem yóm holot le du. Deng hto yóm tô holot le tekuy, là bud tekuy gfét lemen.

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”