Hibru 11:32 - Udél Dwata: Gna Kesfasad ne Lomi Kesfasad

³² Dô nan són ni he yóm tulónu kuy. Là getngónu tmulón du kuy yó kem dumu tau hemtahu bè Dwata ekni. Lómón le tehe Gidyun ne Barak ne Samsun ne Jifta ne Dabid ne Samwél kkólen bè yó kem tehe tugod Dwata ekni.

Hibru 11:32 Referans Kwoze

1 Samwél 16:1

Yó udél Dwata ebè Samwél, monen, “Geblaen yó ne yóm klangagem ke Sol. Deng kóhu yóm kegetahen bè Israél. Okóm ni, nlemem hnolo ulib yóm hanga ógóf, mógówi etu bè Bitlihim bè yóm tau boluyen Jisi menwu bè yó. Yakà deng wen sotu néléku bè yó kem ngaen mò angat tau hol geta bè benwu ye.”

1 Samwél 1:20

ne là legenen bè yó mlutut Hana ne mngà logi. Yó boluyen du Samwél, monen, “Yó gónóhu moluy du Samwél nim ngà ni abay se deng hnihu bè Dwata.”

1 Samwél 16:13

Tahu se, nwa Samwél yóm hnolo ulib nwiten ne twélen ta kulu Dabid yóm igoen mdà lem blóng yó kem dumuhen setwoli. Ne lenwóten bè yóm kdaw yó, tey kalak Tulus Dwata ke Dabid efet kól bè katayen. Kewót Samwél bè yó mulék ebè Rama yóm hol kun benwu.

Kun Snulat Jan 21:25

Duhen yó, tey dê he yó kem dumu tehe nmò Jisas. Ke gotu snulat ket sotu, déke là kóyówen bè klamangen benwu yó kem bok gónó smulat kul.

2 Pitér 1:21

Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.

Sulat Pol Ebè Yó Kem Tau Hemtahu Bè Rom 7:7

Ke lómón yó kmoen yóm hlau, sidek kô yó bè kehedem ye du? Là kô yó du. Ke là wen yóm hlau, là kô tngónu du yóm salà. Lómón yóm mófô, là kô tngónu du ke sidek bè Dwata ke là wen yóm hlau mon du, “Béi abay mófô.”Okóm lemwót bè yóm deng kegna knóen béléu yóm salà, ne tngónu monen bè yóm hlau là hyuhen yóm mófô, okóm deng mom lenwéen yóm óyóu mófô. Ke là wen yóm hlau, là kô tngónu du yóm ksideken yóm nmou yó.

Sulat Pol Ebè Yó Kem Tau Hemtahu Bè Rom 4:1

Yake hol hendem tekuy yóm tehe Abraham ekni, yóm tehe fù tekuy kem Ju. Tedu but gónón tedeng kton Dwata du?

Sulat Pol Ebè Yó Kem Tau Hemtahu Bè Rom 3:5

Okóm ke mom yó udél yó kem dumu tau, ke mon le là sideken kun ke mò salà yóm tau anì gdilô yóm kun ktedeng Dwata. Yó gónóm mon, là hyuhen kun ke tnafak Dwata yóm tau mò sidek. (Déke wen se mon du nim ni.)

Kul Nmò 13:20

Yó kegenen mò du yóm ni, botong fat latu bud limu folò halayen. Bè yóm deng kbenwu le bè kul benwu bè Kanan, benlay Dwata lu tau mò kmukum bélê le efet kól bè yóm kun kdaw Samwél, yóm sotu tau gna tugod Dwata ekni.

Kul Nmò 10:43

Yóm Jisas ni,” mon Pitér, “du se gónón e gbak yóm tehe gel tulón yó kem tehe tugod Dwata ekni. Yó gel mon le, nô kihu tau hemtahu béléen, gbek Dwata hmifót salà le hlanen bè yóm tey kfasang yóm boluy Jisas.”

Kul Nmò 3:24

Henlós Pitér mudél, monen, “Bud senged se yó kem dumu tugod Dwata ekni. Lemwót bè Samwél kól bè yó kem tmodol huli du, sal gel wen tulón le yóm kdê le gbak ebè yóm deng nmò Dwata nim kmoen ni.

1 Samwél 12:11

Ne yó nmò Dwata anì gewà ye bè yó kem hohon ye ne baling menek kbenwu ye, hógówen Gidyun, tmodol Barak, ominen Jifta ne tmodol huli duhen ou.

2 Pitér 3:2

Hol bê ye abay klifót yóm tehe gel tulón yó kem gna tugod Dwata ekni, dalang se yó kem kun hlau yóm gónó tekuy mogot, yóm deng lemwà tekuy gu lem salà. Yóm kun hlau yó, gel hlanen bè yó kem tau gel hógówen elem blóng ye.

Sulat Jim 5:10

Yake hol hendem ye, kem dumuhu setwoli, yóm tey kul kanay nawa yó kem tehe tugod Dwata ekni. Hkél tekuy bélê le bè yóm kul kegbek hbala bè yó kem gónó le glayam.

Sulat Pol Ebè Yó Kem Tau Hemtahu Bè Rom 6:1

Ke lómón yó se kmò któbóng Dwata tekuy, tódô henlel tekuy ne kô mò salà anì hol temnù kbongen yóm tóbóngen tekuy?

Kun Snulat Luk 16:31

Yó bud balà Abraham du, monen, ‘Ke là hnungol le du yóm tehe snulat Musis ne yó kem dumu tugod Dwata, sélét mom hnungol le ne baluen ke wen tau bud mowil mógów ebélê le.’ ”

Kun Snulat Luk 13:28

Ngem he,” mon Jisas, “angat tey keheslaf ye dmumu mkik ne sembéhé kakim kesok ton ye lem kun benwu nogot Dwata yó kem tehe fù tekuy, le Abraham ne Isak ne Jakub, ne dalang se yó kem kdê tehe gna tugod Dwata. Okóm yó dum kuy, angat tódô tudà le yu.

Matyu 5:12

Hol hnigal ye dé ke lómón yó kmò le kuy, abay se deng wen tey ofol deng eles fan Dwata kuy bè longit. Yóm keglayam ye yó, hol lómón sem yó ne yóm tehe kul keglayam yó kem tehe gna tugod Dwata ekni.”

Jirimaya 15:1

Omin Dwata bud mudél ebè Jirimaya, monen, “Baluen he ke mdà bè ni Musis lewu le Samwél tô na a hkodu béléu bè ni kem tau bè Juda ni, là kô naw e knodu kul. Lohem lu mayuk. Hdóhem lu bè soluhu.

Kem Lingón 99:6

Lewu le Musis Aron yó kem tau gel blóng ebéléen. Samwél snéen sotu gel tmaba ebéléen. Tey kni le tóbóng bè Dwata, ne bnalà Dwata se yóm hni le.

1 Samwél 2:18

Okóm ke Samwél kun, tolo ngà he bede du se tóbóng lówó Dwata. Leseken yóm nes ifod gel lesek yóm tau blóng ebè Dwata.Yóm nes tahà gel leseken, tódô ket halay yéen mò du béléen ne nwiten ebéléen bè yóm gel kmungen ke yehenen demsù ebè Dwata.

1 Samwél 2:11

Omin le mulék ebè benwu le bè Rama le Ilkana ne Hana. Okóm fen tebel bè yó kun ke Samwél mò tóbóng lówó Dwata mlan bè yóm gel któbóngen ke Ili yóm tau gel blóng ebè Dwata.

Kmukum 13:24

Bè yóm ksut blutut yehen Manu, logi yóm ngaen, yó boluy le du Samsun. Tey kuyag Dwata du yóm ngà yó ne tey tilob kenoken.

Kmukum 6:11

Sotu kdaw bè yó, wen hógów Dwata gu bè longit sut bè yóm benwu boluyen Ufra, myón laan yóm koyu boluyen ok nfun Juas yóm tau lemwót bè tbong yóm tehe Abisér. Nim Juas ni, wen ngaen logi boluyen Gidyun tolo hebnos kmusu bè yóm gónó le gel kemmes él grép anì là ton le du yó kem tau Midyan yóm kkusuhen.

Kmukum 4:1

Kogol katay yóm sotu tau boluyen Ihud, deng bud nmò yó kem tau Israél yóm kenbê Dwata yóm sana kul Dwata hol gónó mogot. Yó gónó Dwata hemlus kul elem hólól Jabin bè syudad Hasor yóm tau hol geta bè yó kem tau Kanan. Yó boluy yóm kmandér bè yó kem sendaluen duhen Sisira tau menwu bè Harusét, yóm sotu syudad yó kem tau Kanan.

Kmukum 6:1

Timbow bud nmò yó kem tau Israél yóm kenbê Dwata yóm sana kul Dwata hol gónó mogot, yó gónó Dwata hemlus kul elem hólól yó kem tau Midyan. Botong hitu halay le kegen le nô lem hólól le

Kmukum 6:14

Omin Dwata mdók ke Gidyun, monen mò du, “Lemwóti ne, hotuhem gelem anì hewaem lu lem hólól yó kem tau Midyan yó kem tau Israél. Ou se nim hol mdók kóm ni.”

Kmukum 15:20

Botong lewu folò halay Samsun malak kul yó kem tau Israél bè yóm igò le tolo nô lem hólól yó kem Flistin.

1 Samwél 2:4

Deng gotu tenfoken boho yó kem alì kemgis, okóm fen hekgisen yó kem lunog.

1 Samwél 17:45

Yó balà Dabid du se kun, bede bud htê, monen, “Bè yóm kwitem do sfatay, wen sudengem ne wen kem buyusem. Okóm dou, nwitu u sfatay mlan bè boluy yóm Dwata laen dù là gbeken du, yóm Dwata yó kem sendalù yó kem tau Israél, yóm deng hnangkag nbótem sfatay.