Hibru 11:3 - Udél Dwata: Gna Kesfasad ne Lomi Kesfasad

³ Lemwót bè kehtahu tekuy gónó tekuy temngón du yóm deng kedlimun Dwata du yóm kentihen mlan bè udélen. Yó gónóm mon, kdê yó kem ton mata talak tonok, hono lemwót bè yóm là ton mata tau du.

Hibru 11:3 Referans Kwoze

Kem Lingón 33:6

Yóm tehe kedlimun Dwata yó kem longit seglafin, tódô lemwót bè udélen. Bud lemwót bè udélen snéen yóm tehe kedlimunen yóm kdaw ne bulón ne yó kem blotik.

2 Pitér 3:5

Okóm yó kem tau mon du yóm yó koni, deng tódô klifót le yóm tehe kedlimun Dwata yóm longit ne tonok mlan bè udélen. Yóm tonok tehe nmoen, tódô lemwót gu lem él, ne bè él snéen gónón lemwót mowil yóm kdéen mowil te tonok.

Kun Snulat Jan 1:3

Ne hlan Dwata béléen yóm kedlimunen yóm kdéen. Tódô kentihen deng dlimun Dwata, gotu hlanen tahen.

Sulat Pol Ebè Yó Kem Tau Hemtahu Bè Rom 4:17

Deng hsulat Dwata yóm tehe udélen ebè Abraham ekni, yóm monen, “Deng nmou uu mà yó kem tey dê kay but tau bè klamangen benwu.” Ne tahu se yó. Bè kton Dwata yóm kdéen tau hemtahu béléen, deng le gotu menmà bè Abraham ne. Nim Dwata gónó Abraham hemtahu ni, balù yóm tau deng matay, gbeken bud hlowil du. Balù kihu dlimunen, gbeken.

Kul Nmò 17:24

Yóm Dwata ni, du se deng dmimun yóm klamangen benwu ne kdéen ton lemen. Du se yóm hol gónó mogot bè longit dalang se talak tonok. Là kóen na a nô bè yó kem gónô nmò tau kun.

Deng Hegfan 4:11

“Tek són u yóm kum gónó mogot, yóm kum Dwata. Uu se yóm knóón bang sendóyón lemwót bè kegetahem ne lemwót bè kfasangem. Yakà uu du yóm deng dmimun yóm kentihen, ne tódô lemwót bè kóm kóyô yóm kedlimunem kul, ne yóm kehlowilem kul.”

Hibru 1:2

Okóm tólóng ni kmoen ni. Yóm kudél Dwata ebélê tekuy, deng hlanen bè yóm Ngaen. Yóm Ngaen yó, du se yóm deng fen hedlimunen yóm kentihen, ne deng néléken mò angat mfun du snéen.

Jirimaya 10:11

Hol tulón ye bè yó kem tau gel tmaba ebè dwata lennged le, mon ye mò kul, “Yó kem kuy dwata kéng yó, là dlimun le du se kul yóm longit ne tonok. Angat le gotu lana yó kem dwata kéng yó, là kô bud tonem kul te tonok ne.”

Tekang Kbuten 1:1

Bè yóm hol tekang kbuten, dlimun Dwata longit ne tonok.

Isaya 40:26

Lengalai ebè longit dé. Tau du se mò kul yó kem blotik tonem? Yó mò kul, duhen yó sem gel mit kul hewà ke kifu yó kem tey blotik genged yó. Gotu tngónen ke hilu kwen le. Yóm ket kul na sotu, sket wen boluyen kul. Lemwót bè yóm alì kfasangen, balù sotu bélê le ke lana.

Kul Nmò 14:15

tódô hendlà hgel le udél le, mon le, “Ó kem tau, moen de ke ni tô nmò ye? Olo me tau lómón kuy. Nim nógów me edini ni, na me e tulón kuy yóm Tulón Hyu anì gkogol ye ni kem dwata kéng laen dù genbek le, ne beklil ye ebè yóm Dwata mowil, yóm tehe dmimun longit ne tonok ne mohin ne kdéen ton.

Jirimaya 10:16

Yóm kun Dwata tehe Jakub, là kóen mkél bélê le. Du se mò du yóm kentihen. Deng néléken yó kem tau Israél mò hol kun tau nfun. Yó hol kun boluy, Dwata laen dù là gbeken du.

Kem Lingón 33:9

Abay se tek bè olo udélen, tódô gónón baling yóm benwu. Bud bè udélen snéen, tódô gónón baling yóm kdéen ton tahen.

1 Kurin 2:7

Yóm ketngón gel toloku ni, yó se yóm ketngón Dwata tehe gbuni bè kem tau gnan. Okóm gu laan Dwata là deng dmimun du yóm benwu, deng sana eles tngónen yóm kmò kehlanen du bélê tekuy yóm ketngónen yó anì wen klowil tekuy laen dù sónen.

1 Timuti 4:5

Yó gónón hyu mken du, abay se lemwót bè udél Dwata, ne lemwót bè yóm gel keslamat tekuy béléen.

Hibru 6:5

Ne deng tehe gnómen snéen yóm tey kehyuhen yóm kun Udél Dwata, ne yóm tey kfasang Dwata, yóm kfasang angat hol hegfanen elem hulin kdaw.