Hibru 11:27 - Udél Dwata: Gna Kesfasad ne Lomi Kesfasad

²⁷ Yóm tehe ktagak Musis yóm benwu Idyip, lemwót bè yóm kehtahuhen bè Dwata là kóen dog likò bè yóm tey kebut Faro du. Hol lómón ke deng eles tonen Dwata, yóm là ton mata tau du, ne yó se hol nimónen.

Hibru 11:27 Referans Kwoze

Hibru 11:13

Ni kem tau monu ni koni, là kô dog ton le du yóm fasad Dwata kul, deng le gotu matay gu laanen. Okóm bè yóm tehe tolo klowil le, hol lómón ke deng ton le, ne tey kligal le du snéen, balù yóm tolo klimahen bélê le. Yó gel mon le, “Tau me milo se kum. Olo kem kum hlun gónó nô nim benwu ni.”

2 Kurin 4:18

Là kô kenteng mata me du yóm dê ton talak tonok, olo kem hlunen yó du kem yó. Okóm yó dé hol sen-galu nawa me yóm kimu bè longit, yóm là deng sulék ton mata du, kimu laen dù tul sónen.

Hibru 11:1

Ke wen kehtahu tekuy bè Dwata, bè yó gónó tekuy temngón du tahu dohò kguta tekuy du yóm hendón nefet nawa tekuy, ne tahu dohò kton tekuy du yóm là deng ton tekuy du he.

Sulat Jim 5:11

Tódô tngón tekuy wen tey kligal le lemwót bè yóm kegbek le hbala. Deng gungol ye ne yóm tey kegbek Job hbala ekni, ne tngón ye se yóm tey któbóng Dwata du kogolen, abay se yóm gónó tekuy mogot, tey bong kkoduhen tau.

Kehewà 11:8

Yó hol són udél Musis bè Faro, monen, “Ni kem kdê genlalem angat le mógów ebéléu, mtud le bukol bè soluhu ne nubug le o anì gotu nitu lu hlayuk yó kem dou tau. Ne tahu se, lemwóte bè yóm kdaw yó.” Omin Musis tódô tmagak ke Faro bè yó, tey sidek kebuten.

Kehewà 4:19

Gu laan Musis là deng lemwót bè yó bè Midyan, yó mon Dwata mò du, “Béi abay hlikò mulék ebè Idyip. Yó kem tau tehe tô móló hmatay kóm, deng le matay.”

1 Pitér 1:8

Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

Hibru 10:32

Okóm tekuy, hol hentulón ye nawa yóm tehe kdaw ye ekni, yóm kdaw tehe kehlayag Dwata lem hendem ye. Tey sidek tehe keglayam ye lemwót bè yóm deng kehtahu ye, okóm là gwiten kuy.

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

1 Kurin 13:7

Lemwót bè yóm kesbong tekuy nawa yó, gbek tekuy hembala du balù kihu sut bélê tekuy. Ne là kóen skó yóm kehtahu tekuy bè yóm gónó tekuy mogot, ne yóm tendo hendón tekuy béléen, ne yóm kanay nawa tekuy bè kem dumu tekuy.

Matyu 10:22

Angat tey dê tau kmutó nawa kuy lemwót bè yóm klolò ye do. Okóm yóm tau ke gbeken hembala du yó kem gónóhen glayam efet kól bè hol sónen, du se gmuta du yóm klowil laen dù tul sónen.

Kehewà 12:11

Bè yóm kifu kken ye du, eles lesek ye yóm mò nes ye lemwót mung du tlumfà ye ne eles nogot ye tuged ye. Henslò ye mken, yakà ni du yóm mò ken bè Kdaw Khius hlolou kuy mò gónó ye madat do.

Hibru 6:15

Ne tahu se, là kóen tmakas Abraham mangat du efet gutahen yóm deng fasad Dwata du yó.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

Kul Nmò 2:25

Yakà wen yóm tehe udél Dabid gbak ebè Jisas, yó monen, ‘Tódô tonu yóm gónóhu mogot eles tendo gel tukô gna dou. Eles tendo hloni béléu, yó gónón mbegel kegnómu du.

Mark 13:13

Angat tey dê tau kmutó nawa kuy lemwót bè yóm klolò ye do,” mon Jisas. “Okóm yóm tau gbeken hembala du yó kem gónón glayam efet kól bè hol sónen, du se gmuta du yóm klowil laen dù sónen.”

Mark 4:17

Sok wen gfà duhen ke hlayam sut bélê le lemwót bè yóm tô kehtahu le, tódô kendel gkogol le.

Matyu 24:13

Okóm hol ye hbala efet kól bè sónen anì angat guta ye yóm klowil laen dù sónen.

Kem Lingón 16:8

Eles gel hegnahu Dwata, ne tendo gel nô klohoku. Yó gónón là monol nawahu balù kihu sut béléu.

Kulasi 1:15

Yóm Dwata, laen kô tau mton du. Okóm bè Krays hol gónó tekuy mton du yóm kun kmò. Gu laanen là deng wen dlimun Dwata he, deng sana kem yó ne ke Krays kun. Laen kô dù bè kdê deng dlimunen ke geta sentahen.