Hibru 11:26 - Udél Dwata: Gna Kesfasad ne Lomi Kesfasad

²⁶ Hendemen mom hyu he kun ke henwog le lemwót bè yóm kehdónen yóm Misaya, yóm deng nélék Dwata mò hkamalen yóm klamangen, olo ke tô gfunen yóm tey kendengen bè Idyip. Deng eles hendemen ne kun yóm ofolen elem hulin kdaw lemwót bè Dwata.

Hibru 11:26 Referans Kwoze

Hibru 11:6

Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Hibru 10:35

Duhen yó, bê ye lensón yóm là klikò ye yó. Ke là gkó ye du, angat wen tey ofol ye.

Deng Hegfan 3:18

Yó gónóm mon, wen hlauhu kuy. Bemli ye béléu dé yóm tahu blówón anì hol tahu yóm kwen kendengen ye. Ne bemli ye béléu se yóm nes bukay mò lesek ye anì là myak ye bè yóm kógów ye laen dù nes. Ne bemli ye se béléu yóm bulung mata anì bud ye mton.

1 Pitér 4:14

Ke wen semdekà kuy lemwót bè yóm klolò ye ke Krays, hol ye hligal dé. Abay se yóm nmò le yó, yó se ilô yóm knóen bélê ye yóm Tulus Dwata, yóm hol mfasang bè kdéen.

Hibru 2:2

Tey mget yóm tehe tulón Dwata yó kem tehe fù tekuy ekni, hlanen bè yó kem gel hógówen gu bè longit. Ke wen tau mulé du, sal gel megtafak du, yóm tafak mò balà yóm sidek deng nmoen.

2 Kurin 6:10

Baluen ke wen gónón gel blat nawa me, sal gel wen gónó me hligal snéen. Tey me élél se kum, okóm lemwót bè yóm ktolok me tey dê tau gemwa du yóm kendengen laen dù tul sónen. Laen dù kwa me se kum, okóm tódô gotu gfun me kdéen.

Kun Snulat Luk 14:14

Ke ni se nmoem, tey angat któbóng Dwata kóm, abay se là gbek le bud malà kóm. Dwata he fen malà du béléem ke sok hto yóm kdaw gotu klowil yó kem tau hyu kmò le.”

Matyu 5:12

Hol hnigal ye dé ke lómón yó kmò le kuy, abay se deng wen tey ofol deng eles fan Dwata kuy bè longit. Yóm keglayam ye yó, hol lómón sem yó ne yóm tehe kul keglayam yó kem tehe gna tugod Dwata ekni.”

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

2 Kurin 12:10

Deng kem knalamu ne yó kem dê gónóhu lunog, ne yó kem alì gel kehnê le do yó kem tau. Deng knalamu snéen dou yóm klowil mgel, ne yóm alì gel kehsidek le do yó kem tau là hemtahuhen. Ne dê he kem dumu sidek gel gbunuu deng kem knalamu. Baluen ke wen gónóhu gel lunog, kaem bè yó se gónóhu bud lemwót kemgis.

Kem Lingón 37:16

Mom hyu he yóm tau hyu kmoen ne tek udì kimuhen senta yóm tau mò sidek ne tey bong kimuhen.

1 Pitér 1:11

Bè yóm kehnagì le du, hnebel le ke kilón yóm angat kmò Dwata du, ne yóm mò angat kmoen du. Hol ni sem kmoen ni yóm tehe hetngónen kul yóm Tulus Krays nô bélê le. Eles hetngónen kul yóm keglayam yóm Krays, ne yóm kehegeta Dwata du bè kogolen.

Hibru 13:13

Duhen yó, tódô tekuy hlós ebéléen ditu bè lewà anì gbót tekuy bè yóm tey kyaken.

Hibru 10:33

Deng tódô henyak le yu bè gónón wen, ne hensidek le yu. Okóm kuy, mom nfi ye yó kem dumu ye hemtahu deng gónó le mò du yóm yó.

Flipay 3:7

Okóm tódô tebelu ne yó kem yó, yóm tehe alì bong muhen béléu. Deng dilóu laen dù nefeten. Deng tlesu du ne yóm tahu bong muhen, duhen Krays.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

Kul Nmò 5:41

Bè yóm kewót le bè yó yó kem hógów Jisas, tey kehligal le, abay se deng nélék Dwata lu mò fen glayam lemwót bè yóm klolò le ke Jisas.

Matyu 10:41

Yóm tau ke hnódóhen yóm tau hógów Dwata, abay se dilóen yóm khógów Dwata du, angat tódô senged se yóm ofol blay Dwata kul yóm lewu le. Ne yó se tau hnódóhen yóm tau hyu kmoen, abay se dilóen yóm kehyuhen, tódô senged se yóm ofol blay Dwata kul yóm lewu le.

Matyu 6:1

“Ten-gama ye,” mon Jisas, “anì là olo ye hegfan du bè gónón wen yóm gel keblay ye ebè Dwata. Ke yó olo tô mu ye du yóm gel keblay ye mò gónó ye megdóyón bè gónón wen, angat laen kô dù ofol blayen kuy yóm Mà tekuy bè longit.

Kem Udél Hlalak Tehe Selumun 23:18

Ke lómón ni kmoem du dohò ktonem kehyuhen ne yóm hyu nefet nawahem là kóen hotok.

Kem Udél Hlalak Tehe Selumun 11:18

Là kóen tahà kmuhen du yóm gutahen yóm tau gel mò sidek, okóm yóm tau gel mò yóm tedeng, gutahen yóm ofol laen tul sónen.

Kem Lingón 69:20

Deng tey sidek kebà nawahu lemwót bè yóm tey kehnê le dou. Tey deng sidek ne kegnómu du. Ofol dou ke wen tau kmodu dou mò hemyu nawahu, okóm là, balù sotu.

Kem Lingón 69:7

Mom hennê le ou lanu lemolò kóm. Tey sidek kehyak le dou.

Rut 2:12

Dwata he hol bemlay kóm ofol bè nim deng nmoem ni. Yó hem Dwata yó kem tau Israél, yóm Dwata gónóm deng hofin, hol bemlay kóm yóm ofol là deng sulék tonem du.”

Deng Hegfan 2:9

“Deng tngónu se yóm alì keglayam ye lemwót bè yóm klolò ye do. Ne tngónu se yóm tey kélél ye, okóm lemwót bè kehtahu ye, wen tey kendengen ye. Ne tngónu se yóm alì gel ksidek kbak le ebélê ye yó kem tau snalig le yóm ktau le Ju. Okóm sundu kem dou tau du yó kem tau yó, hono kem tau nfun Seitan.

Kun Snulat Luk 14:33

Lómón sem ni néen yóm klolò ye do,” mon Jisas. “Yóm tau ke là dog tebelen du yó kem gónón gfét nawahen, kéngen yóm kloloen do.”