Hibru 11:23 - Udél Dwata: Gna Kesfasad ne Lomi Kesfasad

²³ Senged se yó kem tehe tuha Musis ekni, lemwót bè kehtahu le gónó le là likò mulé du yóm udin lemwót bè yóm tau hol geta bélê le. Bè yóm ksut Musis, botong tlu bulón le bemnos du, abay se dilô le tey knóón ngà logi.

Hibru 11:23 Referans Kwoze

Kehewà 1:22

Ngangen bud wen udin nmò Faro bè yó kem tau Idyip, yó udin nmoen, monen, “Kdéen ngà logi Hibru lomi sut, gotu bot ye lu elem él Nayl. Okóm yó kem ngà libun, fen hlowil ye lu.”

Kehewà 1:16

“Ke bud ye tmóbóng mwa ngà bè yó kem libun Hibru, hnatay ye ke logi yóm ngà le. Okóm ke libun, hlowil ye.”

Hibru 13:6

Duhen yó, là kóen layab ke mon tekuy, “Dwata se yóm gel tmóbóng do, laen kô bang gónóhu likò. Laen kô dù gmò le béléu yó kem dumu tau.”

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Kul Nmò 7:20

Yóm khéét kukumen yó,” mon Stéfén, “kulel se kun ksut yóm tehe Musis. Blaem tey ngà knóón yóm ngà yó. Tlu bulón yéen semgyok du bè gónô le.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Kem Lingón 118:6

Tendo nô béléu Dwata, laen kô dù bang knikou. Laen kô dù gmò le béléu yó kem tau.

Danyél 6:10

Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Kem Lingón 56:4

Tey kdóyónu du yóm udélem, Dwata. Són Dwata snaligu, yó gónów là likò. Laen dù gmò le béléu yó kem tau tonok.