Hibru 11:2 - Udél Dwata: Gna Kesfasad ne Lomi Kesfasad

² Bè yó kem tau gnan ekni, lemwót bè yóm kehtahu le gónón hyu nawa Dwata ebélê le.

Hibru 11:2 Referans Kwoze

Hibru 11:39

Yó kem tehe tau gnahen yó ekni, bong le megdóyón se lemwót bè yóm kehtahu le bè Dwata. Ewenem yó, bè yóm klawi le mowil, là kô guta le du yóm fasad Dwata kul.

Hibru 11:4

Bè yóm tehe Abél ekni, lemwót bè yóm kehtahuhen bè Dwata gónón mò du yóm dsù kun kóyô Dwata, fen là yó dum twoguhen Kain. Lemwót bè yóm kehtahu Abél, yó gónón tedeng kton Dwata du, ne bud bè yó gónó Dwata hemmóyô du yóm dsuen. Balù yóm deng katayen, tolo wen dnalang tekuy béléen lemwót bè yóm kehtahuhen bè Dwata.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.