Hibru 11:19 - Udél Dwata: Gna Kesfasad ne Lomi Kesfasad

¹⁹ Bè yóm tô kedsù Abraham yóm ngaen, yó hendemen gbek Dwata bud hlowil du balù ke deng matay. Bè ktahuhen, hol lómón ke deng tahu matay yóm ngaen, bede deng bud hlowil Dwata.

Hibru 11:19 Referans Kwoze

Matyu 9:28

Timbow kól lem yóm gónô gónón e solu Jisas, kól le se béléen yó kem lewu tau butô yó koni, ne wen snólók Jisas bélê le, monen, “Hentahu ye kô yóm kegbeku hton kuy?” Bnalà le se, mon le, “Hentahu me se, Sér.”

Ifisus 3:20

Duhen yó, hol gel dóyón tekuy dé Dwata, lemwót bè yóm alì kegbeken bélê tekuy, tey bong he yóm kun kegbek tmóbóng tekuy senta yóm gel hni tekuy béléen, ne senta yóm gel hendem tekuy snéen.

Tekang Kbuten 22:13

Ominen tódô wen ubiha logi ton Abraham geskét lem yóm ngà koyu lefungu hangahen. Ne tódô nwahen, ominen hmatay du ne hkekeben ebè Dwata mò dsuen mò tles yóm ngaen tô dsuen.

Hibru 9:24

Yóm gónô Dwata gónó Krays husek yó, sundu gónô nmò tdok tau du, olo hningónen yóm tahu duhen bè longit. Okóm deng kól ditu ne bè longit Krays. Deng mdà bè solu Dwata, abay se du fen semblóng tekuy ebéléen.

Sulat Pol Ebè Yó Kem Tau Hemtahu Bè Rom 5:14

Okóm nbuten bè kun kdaw Adam ekni efet kól bè kun kdaw Musis, gotu le matay yóm kdéen tau lemwót bè yóm kegsalà le. Yóm tehe kun salà nmò Adam, nuléhen yóm hlolò Dwata du. Baluen he ke là sengeden yóm kul salà nmò yó kem dumu tau, senged gotu katay le snéen. Bong ke Adam kun, lómón ke olung yóm tau hendón nangat le, duhen Krays, abay se sket wen guta tau bélê le.

Matyu 12:36

Tódô tulónu kuy,” mon Jisas, “bè yóm kdaw kkukum Dwata tau, angat gotu snólóken bélê le yóm kdéen deng tehe gel benkó le laen dù muhen.

Hibru 9:9

Nim gel nmò le ni, wen hnigaden bélê tekuy ni kmoen ni. Yó hnigaden, yóm gel blay le ebè Dwata, ne yóm ógóf gel dsù le ebéléen, là kô gbeken hgulit du yóm tau mò du.