Hibru 11:18 - Udél Dwata: Gna Kesfasad ne Lomi Kesfasad

¹⁸ Igò Dwata deng tehe mon du mò du, “Mlan bè Isak yó kem tau semfu gu béléem, yóm deng fasadu kóm.”Bè yóm tô kedsù Abraham yóm ngaen, yó hendemen gbek Dwata bud hlowil du balù ke deng matay. Bè ktahuhen, hol lómón ke deng tahu matay yóm ngaen, bede deng bud hlowil Dwata.

Hibru 11:18 Referans Kwoze

Tekang Kbuten 21:12

Okóm yó mon Dwata mò ke Abraham, “Béem hesbeweg kehedemem du yóm ngaem logi yó ne yóm hesekem Hagar. Tódô loloem yóm mon Sara mò kóm abay se angat mlan bè Isak yó kem ból deng fasadu kóm.

Sulat Pol Ebè Yó Kem Tau Hemtahu Bè Rom 9:7

Senged se ke tehe Abraham ekni, là kdéen du tau semfu gu béléen ke hol kun tau Dwata. Lómón yóm tehe mon Dwata mò ke Abraham, monen, “Hlanu bè yóm ngaem Isak yóm fasadu kóm bè kwen yó kem angat lugodem.”Yó lanen yóm mon Dwata yó, là mlanen bè yóm kun óyô mngà Abraham yóm ngà nélék Dwata, okóm hol mlan bè yóm ngà tehe fasad Dwata du.

Tekang Kbuten 17:19

Okóm yó balà Dwata du monen, “Là. Angat wen hol ngà ye logi Sara ne yó boluyem du Isak. Béléen gónóhu hlan du yóm deng senfasad te laen dù tul sónen ni, kkólen bè yó kem angat semfu gu béléen. Ni se yóm hol fasad laen kô dù tul sónen.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.