Hibru 11:17 - Udél Dwata: Gna Kesfasad ne Lomi Kesfasad

¹⁷ Lemwót bè kehtahu Abraham gónón tódô demsù ke Isak, yóm ngaen, bè yóm tehe ktilów Dwata du. Balù yóm deng kwen fasad Dwata du mlan bè yóm ngaen yó, tódô nimónen se yóm dók Dwata du, tódô kem tô hnatayen yóm hol són ngaen mò dsuen ebè Dwata.

Hibru 11:17 Referans Kwoze

Tekang Kbuten 22:16

“Ni wen hol fasad mget fasadu kóm hlanu bè boluyu. Ou se Dwata mon du nim ni. Lemwót bè yóm deng nmoem ni, yóm là kngalihem du dou yóm tek sotu ngaem, tendo tnóbóngu uu.

Deng Hegfan 3:10

Lemwót bè yóm deng kimón ye du yóm tehe hlauhu kuy bè kehbala, yó gónóhu angat hol kemlung kuy kesok sut yóm kdaw angat keglayam kdéen tau bè klamangen benwu, yóm kdaw ktilów Dwata kul.

Sulat Jim 5:11

Tódô tngón tekuy wen tey kligal le lemwót bè yóm kegbek le hbala. Deng gungol ye ne yóm tey kegbek Job hbala ekni, ne tngón ye se yóm tey któbóng Dwata du kogolen, abay se yóm gónó tekuy mogot, tey bong kkoduhen tau.

1 Pitér 4:12

Ó kem weu, dou dumu sogot nawa, bê ye tennga yóm tey keglayam ye nim kmoen ni lemwót bè yóm kehtahu ye. Sana ni ne kmoen bè yó kem tau hemtahu, sal wen gónó le glayam.

Kem Udél Hlalak Tehe Selumun 17:3

Bè ofi gónó tau tmilów du yóm tembaga futì ne yóm tahu blówón ne Dwata se fen tmilów du yóm nô lem but blutut tau.

Hibru 7:6

Okóm ke Mélkésédék kun, là semfuhen gu bè Libay se kun. Okóm tódô nwahen yóm gesfoloen blay Abraham du, ne wen oluhen ke Abraham bè yóm igoen mni béléen bè Dwata. Igoen Abraham he yóm tau gónó Dwata hol hlan du yóm fasaden.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

2 Tutul Israél 32:31

Okóm bè yóm kdaw kwen kem genlal lemwót bè Babilun na a hemtukul smólók yó kem hentaw ton deng ton le bè Juda, yó nmò Dwata, tódô bayaen Hisikaya anì bè yó gónón temngón du yóm hol nô bè nawa Hisikaya.

2 Kurin 8:12

Abay se ke lemwót bè but blutut ye yóm keblay ye, hligal du Dwata. Là kô nan e ktes du bélê ye yóm là gbek ye du, okóm yó dé kóyóen ke hol blay ye yóm són kuy gbek.

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

Hibru 11:13

Ni kem tau monu ni koni, là kô dog ton le du yóm fasad Dwata kul, deng le gotu matay gu laanen. Okóm bè yóm tehe tolo klowil le, hol lómón ke deng ton le, ne tey kligal le du snéen, balù yóm tolo klimahen bélê le. Yó gel mon le, “Tau me milo se kum. Olo kem kum hlun gónó nô nim benwu ni.”