Hibru 11:14 - Udél Dwata: Gna Kesfasad ne Lomi Kesfasad

¹⁴ Ke lómón yó kudélen yóm tau, tódô dilóem wen hol kul tahu benwu hnebel nawa mò gónó le hlós henek nô.

Hibru 11:14 Referans Kwoze

2 Kurin 4:18

Là kô kenteng mata me du yóm dê ton talak tonok, olo kem hlunen yó du kem yó. Okóm yó dé hol sen-galu nawa me yóm kimu bè longit, yóm là deng sulék ton mata du, kimu laen dù tul sónen.

Hibru 13:14

Abay se nim benwu gónó tekuy nô ni, olo hlunen. Wen he yóm hol tahu benwu ditu bè longit, ne yó se hendón nangat tekuy ni kmoen ni.

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.

Flipay 1:23

Tey mgel béléu hemdem du. Móyóe ke mataye anì géhéle nô bè Krays, abay se tey bong hyu béléu yó.

Kehewà 2:22

Ne mngà logi Sipura ne yó mon Musis, “Lemwót bè yóm kilohu ebè nim benwu ni, yó boluyu du nim ngà ni, Gérsum.”

Hibru 11:13

Ni kem tau monu ni koni, là kô dog ton le du yóm fasad Dwata kul, deng le gotu matay gu laanen. Okóm bè yóm tehe tolo klowil le, hol lómón ke deng ton le, ne tey kligal le du snéen, balù yóm tolo klimahen bélê le. Yó gel mon le, “Tau me milo se kum. Olo kem kum hlun gónó nô nim benwu ni.”

Hibru 11:15

Là kô na le e hendem du yóm benwu tehe gónó le gu lemwót. Ke yó hendem le, wen lan le bud mulék edu snéen.