Hibru 11:13 - Udél Dwata: Gna Kesfasad ne Lomi Kesfasad

¹³ Ni kem tau monu ni koni, là kô dog ton le du yóm fasad Dwata kul, deng le gotu matay gu laanen. Okóm bè yóm tehe tolo klowil le, hol lómón ke deng ton le, ne tey kligal le du snéen, balù yóm tolo klimahen bélê le. Yó gel mon le, “Tau me milo se kum. Olo kem kum hlun gónó nô nim benwu ni.”

Hibru 11:13 Referans Kwoze

Hibru 11:27

Yóm tehe ktagak Musis yóm benwu Idyip, lemwót bè yóm kehtahuhen bè Dwata là kóen dog likò bè yóm tey kebut Faro du. Hol lómón ke deng eles tonen Dwata, yóm là ton mata tau du, ne yó se hol nimónen.

Kem Lingón 39:12

Hol hnungolem dou yóm hnihu, Dwata. Hol hnungolem dou yóm kehtóbóngu béléem. Béem tódô tenngel yó kem lewoku. Yakà tauhe lawa béléem, ne tauhe milo là legen, lómón yó kem tehe fuu ekni.

Tekang Kbuten 23:4

“Nim knóu lem blóng ye, olohe tau milo ebélê ye. Ke hyu bélê ye, hebli ye ou tonok mò gónóhu lembeng ke tuha libunu.”

Kun Snulat Jan 8:56

Yóm tehe fù ye Abraham,” mon Jisas, “tey kligalen, abay se deng eles tngónen yóm ksutu bè ni lem benwu. Tey kligalen yóm deng ktonen dou dini.”

Hibru 11:39

Yó kem tehe tau gnahen yó ekni, bong le megdóyón se lemwót bè yóm kehtahu le bè Dwata. Ewenem yó, bè yóm klawi le mowil, là kô guta le du yóm fasad Dwata kul.

Ifisus 2:19

Yó gónóm mon, bélê ye kuy yu kem tau là Ju le, là bud ye tólóng tau ne nim kmoen ni, deng ye gotu baling sdumu bè yó kem tau nogot Dwata, ne deng ye baling kem kun fes lówó Dwata snéen.

Sulat Pol Ebè Yó Kem Tau Hemtahu Bè Rom 8:24

Ni se hol hendón nefet nawa tekuy bè yóm deng kehewà Dwata tekuy lem salà. Okóm ke deng ton tekuy se yóm hendón tekuy, là bud hendón tekuy du ne. Laen dù tau ke hendónen yóm deng tonen.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

1 Pitér 1:17

Bè yóm gel kni ye bè Dwata, gel taba ye du Mà. Ne tahu se yó, Mà ye yóm Dwata. Okóm angat knukumen yóm nmò tau, yóm ket kuy na sotu, ke hyu duhen ke sidek. Ne laen kô dù tau knihuhen. Duhen yó, bè yóm klawi ye mowil te tonok, yake hol knikò ye Dwata.

Sulat Pol Ebè Yó Kem Tau Hemtahu Bè Rom 4:21

Tey ken-gel nawan yóm kegbek Dwata dmohò du yóm fasaden béléen.

Job 19:25

Okóm béléu do, deng eles tngónu du wen nô bè longit angat mfi do ne bè hol sónen angat mdà dini talak tonok yóm mfi do yó.

Tekang Kbuten 49:18

Ó Dwata, uu se yóm hol nangatu mò lemwà kum.

Tekang Kbuten 47:9

Mon Jakub se, “Yó deng kegenu tau deng lematu bud tlu folò halayu, bede tauhe menwu mógów se dou. Là kóen tahà yóm dou klowil ne tey dê gónón mgel. Là mkélen bè yó kem fuu ekni, tey tahà yóm kul klowil.”

1 Jan 3:19

Bè yóm kbong nawa tekuy kem dumu tau gónó tekuy hol temngón du yóm deng klolò tekuy yóm ktahuhen. Bud bè yó snéen gónó tekuy là myak bè solu Dwata.

Matyu 13:17

Tódô tulónu kuy ktahuhen, tey dê kem tehe tugod Dwata ekni dalang se yó kem dumu tau Dwata, gel tô hendeen le mton du yóm kuy deng ton nim kmoen ni, okóm là kô ton le du. Tô hendeen hnungol le se kul yóm kuy deng gungol ni, okóm là kô gungol le du.”

Tekang Kbuten 49:33

Timbow deng kudél Jakub ebè yó kem ngaen, ominen yó hganag bud hlilil ne milot se nawahen.

Kem Lingón 119:19

Olohu tau milo ta nim tonok ni, wen tey muhu du yó kem hlauhem mò malak do, hol béem bnos béléu.

Lista 24:17

Tódóe mugod igou tolo temngel. Tódô htonen do yóm mò kmoen elem hulin kdaw. Tódô eles gmatahu yó kem tau Israél. Angat wen tau hol geta bélê le kun lemwót bè kul ból hol lómón keslinangen yóm blotik alì mnóng, wen tey kegbeken. Angat genlaen yó kem tau bè benwu Muab ne gomong genlaen yó kem tau Sét.

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

Kun Snulat Jan 12:41

Yó gónó Isaya mon du yóm yó, abay se deng tehe eles tonen ne ekni yóm tey kegeta Jisas, ne hol bè Jisas se gónón e gbak yóm tulónen yó.

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

Tekang Kbuten 49:28

Ni se yó kem tau gónó le gu semfu yó kem sfolò lewu but tau bè Israél. Ni se yóm hol són udél tebel mà le bélê le yóm ket kul ne sotu bè yóm koluhen kul.

Tekang Kbuten 48:21

Omin Jakub mon du mò ke Jusif, “Tódô tonem se yóm móyón katayu lem blóng ye, okóm tendo eles nô bélê ye Dwata ne angat niten yu semfulék ebè tum tonok tehe fù ye.

Kehewà 2:22

Ne mngà logi Sipura ne yó mon Musis, “Lemwót bè yóm kilohu ebè nim benwu ni, yó boluyu du nim ngà ni, Gérsum.”

2 Kurin 4:18

Là kô kenteng mata me du yóm dê ton talak tonok, olo kem hlunen yó du kem yó. Okóm yó dé hol sen-galu nawa me yóm kimu bè longit, yóm là deng sulék ton mata du, kimu laen dù tul sónen.

2 Kurin 5:6

Ni se tendo gónón mgel nawa tekuy. Tngón tekuy se ke tolo tekuy nô bè nim sana lówó tekuy ni, là deng tekuy gefet du he yóm kun gónô nô yóm gónó tekuy mogot.

Hibru 11:14

Ke lómón yó kudélen yóm tau, tódô dilóem wen hol kul tahu benwu hnebel nawa mò gónó le hlós henek nô.

Hibru 11:17

Lemwót bè kehtahu Abraham gónón tódô demsù ke Isak, yóm ngaen, bè yóm tehe ktilów Dwata du. Balù yóm deng kwen fasad Dwata du mlan bè yóm ngaen yó, tódô nimónen se yóm dók Dwata du, tódô kem tô hnatayen yóm hol són ngaen mò dsuen ebè Dwata.

1 Pitér 1:1

Ou Pitér gónón lemwót nim sulat ni. Ou sotu bè yó kem gel hógów Jisas Krays. Smulate ebélê ye yu kem tau deng nélék Dwata deng gotu mlóy sekla ebè yó kem prubinsya boluy le Pontus ne Glasya ne Kapadusya ne bè Asya ne bè Bitinya.

Tekang Kbuten 21:34

Ne tey kegen Abraham menwu bè yóm benwu kem Flistin.