Hibru 11:10 - Udél Dwata: Gna Kesfasad ne Lomi Kesfasad

¹⁰ Yó gónó Abraham tódô kem hembala du yóm là kdengen kbenwuhen, abay se hendón nangaten yóm knóen lem yóm benwu bong deng hdà Dwata, yóm benwu laen dù tul sónen.

Hibru 11:10 Referans Kwoze

Hibru 13:14

Abay se nim benwu gónó tekuy nô ni, olo hlunen. Wen he yóm hol tahu benwu ditu bè longit, ne yó se hendón nangat tekuy ni kmoen ni.

Flipay 3:20

Okóm tólóng yóm bélê tekuy. Longit se benwu tekuy. Ne wen tey tendo hendón nangat tekuy ni kmoen ni, duhen yóm fen lemwà tekuy gu lem hatay, yóm gónó tekuy mogot Jisas Krays lemwót gu bè longit.

Hibru 12:22

Okóm bélê tekuy, tey tólóng yóm kehloni tekuy ebè Dwata nim kmoen ni. Laen dù bang gónó tekuy likò. Lómón ke deng tekuy hloni ebè yóm bulul Sayun, ne yóm hol benwu bong gónóhen nô Dwata, yóm Dwata laen dù tul katayen. Yóm benwu yó, yó se yóm Jirusalim bè longit, gónóhen hol nô yó kem hilu libu hógów Dwata.

2 Kurin 5:1

Nim lówó tekuy ni, hol lómón ke slung. Ke deng bangen gbà nim slung ni, eles tngón tekuy se angat wen tahu gónó tles Dwata du ditu bè longit, yóm gónó kun nmò Dwata, yóm laen dù tul sónen.

Hibru 3:4

Ket gónô, sal gel wen fen mò du. Bede Dwata fen hol mò du yóm kdéen.

Kun Snulat Jan 14:2

Bè benwu Mà, tey dê gónô nô. Yó nógówu etu naw e hemtifes bélê ye gónó ye angat nô. Là kô tulónu du kuy nim ni ke là tahuhen.

Deng Hegfan 21:2

Ne tódô tonu se yóm tey Syudad Dwata, yóm lomi Jirusalim. Tódô htuntun gu tta lemwót gu bè Dwata. Hol lómón ktiloben yóm libun deng eles hegkes bè kyehenen.

Hibru 12:28

Duhen yó, hol dóyón tekuy dé Dwata, abay se angat tekuy gomong bè yóm kun benwu nogot, yóm benwu là megsinsigen. Hol tekuy hloni ebéléen dé ni kmoen ni, hlan tekuy bè yóm kun kóyô bélê tekuy, hmung tekuy du snéen yóm hol kadat tekuy du ne yóm klikò tekuy mulé du,

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.