Hibru 10:7 - Udél Dwata: Gna Kesfasad ne Lomi Kesfasad

⁷ Yó gónóhu mon du, ‘Ni se o, Dwata, nmou he yóm kóm kóyô, hol lómón yóm tehe hsulatem gbak ebéléu bè yóm bok gónón nô yó kem hlauhem.’”

Hibru 10:7 Referans Kwoze

Kun Snulat Jan 4:34

Mon Jisas se mò kul, “Yó se henged dou ken, duhen yóm kimónu yóm kun kóyô yóm hógów dou, ne bè yóm kegdengu du yóm hmoen dou.

Kun Snulat Jan 6:38

Là kô yó du lewótu gu bè longit ke naw e nmò yóm dou knóyô. Okóm yó hol dou nógów anì nmou yóm kun kóyô yóm hógów dou.

Kun Snulat Jan 5:30

Ne bud mon Jisas mò kul, “Ke tek són ou, laen kô gmou. Bè yóm angat kkukumu tau, tódô nmou yóm deng gungolu gu bè Mà, yó se gónón tedeng yóm kkukumu. Là kô tódô nmou du yóm dou kóyô, són olo nmou yóm kun kóyô yóm hógów do.

Jirimaya 36:2

“Nwahem yóm klatas lenulun, snulatem lemen yóm kdê udélu gbak ebè yó kem tau Israél ne ebè yó kem tau Juda ne ebè yó kem tólóng tau bè dumu benwu. Snulatem lemen yóm kdê deng htugodu kóm lenwóten bè yóm hol tanayen bè yóm kun kogot yóm tehe Jusaya efet nim kmoen ni.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Kem Udél Hlalak Tehe Selumun 8:31

Ne hligale du snéen yóm benwu nmò me ne yó kem tauhen.

Isra 6:2

Okóm song ton le yóm sotu sulat lenulun bè syudad Ikbatana bè prubinsya Midya. Yó snulat lemen,

Isaya 50:5

Deng benlay Dwata ou khulung hedem. Là kóen deng wen gónóhu là mimón ke Dwata, duhen ke deng wen gónóhu kmogol du.

Isikél 2:9

Tahu se, wen sigel tonu nogoten yóm sulat lenulun.

Isikél 3:1

Yó udélen ebéléu yóm mudél yó koni, monen, “Ó Tau Tonok, kenem yóm sulat lenulun ni. Ominem lemwót nam e tulón bè yó kem tau Israél yóm udél nô lemen.”