Hibru 10:4 - Udél Dwata: Gna Kesfasad ne Lomi Kesfasad

⁴ Abay se yóm litô gel dsù le lemwót bè safì ne bè kambing, là kô gbeken mkó du yó kem salà le.

Hibru 10:4 Referans Kwoze

Hibru 10:11

Yó kem Ju gel demsù ebè Dwata, ket kdaw le mò du yóm kul nmò. Deng hónô solò yóm gel kedsù le, ewenem, là kô gbeken mkó du yó kem salà le.

1 Jan 3:5

Deng tngón ye ne yóm gónó Krays na a hbaling tau anì wen lanen mkó du bè tau yó kem salà le. Okóm kun, laen kô bang salaen.

Sulat Pol Ebè Yó Kem Tau Hemtahu Bè Rom 11:27

Bè yóm kkóhu du bélê le yóm salà le,” mon Dwata, “yó se deng gónón tahu edu yóm tehe fasadu kul.”

Hibru 10:8

Yóm tanay udél Krays ebè Dwata yó koni, yóm monen, “Là gsengel nawahem du yó kem kdê dsù tau ebéléem, ne yó kem dumu gel blay le kóm, duhen yó kem ógóf gel hkekeb le, ne yó kem dumu dsù le mò hkó salà.” Ewenem yó he, hono lemwót bè yóm gna hlolò Dwata kul yóm gel kedsù le yó.

Hibru 9:9

Nim gel nmò le ni, wen hnigaden bélê tekuy ni kmoen ni. Yó hnigaden, yóm gel blay le ebè Dwata, ne yóm ógóf gel dsù le ebéléen, là kô gbeken hgulit du yóm tau mò du.

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Mark 12:33

Là hyuhen ke là kenbong nawa tekuy ke Dwata, ne ke là hotu tekuy nawa tekuy ebéléen, ne ke là hmung tekuy du kehedem tekuy ne gel tekuy. Ne là hyuhen ke là kenbong nawa tekuy kem dumu tekuy lómón yóm kbong nawa tekuy yóm kut knô. Ke lolò tekuy ni kem lewu hlau ni, ni se tey bong muhen bè Dwata senta yó kem ógóf gel dsù tekuy ebéléen, dalang se yó kem dumu gel dsù tekuy.”

Husiya 6:6

Yó hol nóyóu bélê ye ke hol tahu lemwót lem but blutut ye yóm kbong nawa ye do. Là kô yó du kem gel dsù ye yóm hnebelu. Mom hyu nawahu ke hol tngón ye o. Tey hyu yó senta bè yó kem dsù gel hkekeb ye ebéléu.

Kem Lingón 51:16

Là kóen gsengel nawahem du ke olohu demsù ebéléem mò bayad salau. Senged se yóm dsù gel hkekeb me ebéléem, là kóen gsengel nawahem du.

Husiya 14:2

Semfulék ye ebè Dwata dé, ne mon ye mò du, “Hol hnifótem kum kdê yó kem sidek deng gel nmò me ne bud henmóyóem mi anì bud dóyón me u. Yóm kdóyón me kóm yó, hol lómón ke wen deng dsù me ebéléem.

Jirimaya 6:20

Tedu de muhu du yóm insinsu lemwót bè benwu Siba, yóm gel ntem ye mò hboo ye ebéléu? Ne yó kem dumu alì mebtes tilob boohen lemwót bè benwu mayuk, tedu de muhu du? Yóm dsù gel hkekeb ye ebéléu là kóe móyô du. Yó kem dumu gel dsù ye, là kóe na a hligal du.”

Hibru 10:1

Yóm kdê tehe hlolò Dwata yó kem tau Ju ekni, sundu kô yó du he yóm tahu duhen, olo kem hningón yó kem hyu nmò Krays yóm yó. Bè yóm gnan, tendo sensulit le demsù ebè Dwata ket halay. Lemwót bè yóm kessulit le du yó, tódô dilô tekuy là kô le baling gulit yó kem tau tô hloni ebè Dwata ke mlan bè yóm gel dsù le.