Hibru 10:37 - Udél Dwata: Gna Kesfasad ne Lomi Kesfasad

³⁷ Abay se deng wen monen bè Sulat Dwata, yó monen, “Là buden legen ne kkól yóm tau nangat ye, laen kô bud gónón ganggà ne.

Hibru 10:37 Referans Kwoze

Kun Snulat Luk 18:8

Yó tulónu kuy,” mon Jisas, “tódô kendel gel nfihen lu. Okóm bè yóm kdaw angat bud kesfuléken edini yóm Ngà Tau,” monen, “ngunte ke wen tau angat tonen hemtahu béléen.”

Isaya 26:20

Ó kem dou tau, husek ye elem gónô ye na ye tnikeb beng ye. Hebnos ye likót efet lembó yóm kebut Dwata.

Deng Hegfan 22:20

Yó udél Jisas, yóm fen gemtanud du ni kem ni, monen, “Bong tahu se. Móyóne bud kól.” Ne monu se mò du, “Yó sen géhéli kut, Jisas, yóm hol gónó mogot.”

Isaya 60:22

Balù yóm fes lówó là wenen ne alì gdanà bè kdéen, angat wen kfasang le lómón yóm benwu alì mfasang. Ke sok sut yóm bang kdawu mò du, tódô kendel nmou nim ni. Ou se yóm Dwata hol gónó mogot.”

2 Pitér 3:8

Okóm kuy kem weu dumuhu sogot nawa, hol bê ye abay klifót nim sotu monu ni. Bè kun kehedem du yóm gónó tekuy mogot, là kóen legen yóm lemibu halay, hol lómón ke olon sendaw yóm kmò kegenen béléen.

Matyu 11:3

anì snólók le béléen ke deng duhen du ne yóm tau hógów Dwata tehe gel tulónen, duhen ke na le na nangat he?

Flipay 4:5

Hol hen-ganag ye nawa ye bè yóm kdéen tau. Móyónen kól ne yóm gónó tekuy mogot.

Hibru 10:25

Hol bê tekuy abay hentula yóm gel ksimba tekuy, lómón se yóm gel nmò kem dumu tau. Yó dé nmò tekuy, hol tekuy segduf mò du, hol néen nim deng kloni yóm kesfuléken edini yóm gónó tekuy mogot.

2 Pitér 3:9

Okóm bè kul kehedem du kem dumu tau, tey ganggà kmoen du yóm tehe fasaden tekuy yóm gónó tekuy mogot, okóm là. Yó gónón là géhél semfulék, abay se monem nahen hanay nawahen bélê ye. Hol kóyóen ke laen dù tau gógów elem hatay, ne ke kdê le gotu kmogol du yó kem sidek gel nmò le.