Hibru 10:36 - Udél Dwata: Gna Kesfasad ne Lomi Kesfasad

³⁶ Hol hanay ye nawa ye dé anì gmò ye yóm kun kóyô Dwata, ne anì guta ye yóm tehe fasaden kuy.

Hibru 10:36 Referans Kwoze

Hibru 12:1

Yóm bélê tekuy, lómón tô deng gotu senibut le tekuy yó kem tau gnan yó ekni. Yó gónóm mon, hol kó tekuy yó kem gel hemseng yóm klolò te ke Dwata. Kó tekuy snéen yóm salà gónó tekuy gel gfét. Hol lómón yóm tau skuya mlóy, hotuhen són gelen anì gefet bè hol sónen.

Kem Lingón 37:7

Hol hanayem nawam mangat du yóm któbóng Dwata kóm, béi htakas. Béem kenteng mata yó kem tau deng hyu kul kógów klowil, duhen ke yó kem tau deng wen gónón e baling yó kem sidek gel natul le.

1 Kurin 13:7

Lemwót bè yóm kesbong tekuy nawa yó, gbek tekuy hembala du balù kihu sut bélê tekuy. Ne là kóen skó yóm kehtahu tekuy bè yóm gónó tekuy mogot, ne yóm tendo hendón tekuy béléen, ne yóm kanay nawa tekuy bè kem dumu tekuy.

Kun Snulat Luk 21:19

Eles ye hol ye hbegel,” mon Jisas, “anì angat guta ye yóm klowil laen dù sónen.”

Hibru 6:15

Ne tahu se, là kóen tmakas Abraham mangat du efet gutahen yóm deng fasad Dwata du yó.

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Deng Hegfan 14:12

Yó gónóm mon, yake hol le hfulung hbala yó kem tau Dwata. Lu se yó kem tau mimón du yó kem kun hlau Dwata, ne teneb le bè Jisas.

1 Jan 2:17

Wen sónen nim benwu ni, dalang se yóm kdéen kenbeyen nawa nô lemen. Yóm tau gel mò yóm kun kóyô Dwata, laen kô dù tul sónen yóm kun klowil.

Glasya 6:9

Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

Matyu 10:22

Angat tey dê tau kmutó nawa kuy lemwót bè yóm klolò ye do. Okóm yóm tau ke gbeken hembala du yó kem gónóhen glayam efet kól bè hol sónen, du se gmuta du yóm klowil laen dù tul sónen.

Kulasi 1:11

Dwata he hol temgel nawa ye lemwót bè yóm tey kegbeken bélê ye anì gbek ye hembala du balù kihu sut bélê ye, mlan bè yóm khanay nawa ye. Lemwót bè kligal ye tódô senflós ye dmóyón ke Dwata. Yakà deng henbalingen yu kem kun tau anì wen kuy du tu kem deng tgamahen bè kun tau ditu bè longit bè yóm tey benwu lemayag nogoten.

Sulat Pol Ebè Yó Kem Tau Hemtahu Bè Rom 8:25

Okóm ke là deng ton tekuy du, yó se gónó tekuy na hol hbala mangat du.

Hibru 9:15

Yó gónóhem mon, Krays se yóm lomi lan deng nmò Dwata mò lan tekuy hloni ebéléen. Yó gónón mò du anì kdê yó kem tau deng tnaba Dwata, gotu ton le yó kem hyu tehe fasad Dwata kul, yóm hyu laen kô tul sónen. Hol tahu dohò nim ni, abay se deng wen fen matay. Yóm katayen yó, gotu lenwaen yó kem tau bè yó kem sidek tehe gel nmò le bè yóm tehe klolò le yó kem gna hlolò le kul.

Kulasi 3:24

Bê ye abay klifót, angat wen blayen kuy yóm gónó tekuy mogot mò ofol ye lemwót bè yó kem deng hentifesen bè yó kem kun tau. Yakà Krays du yóm hol kuy gónó mogot yóm gónó ye mò nmò.

Hibru 6:12

Là kô me móyô du ke baling ye mduk, okóm yó kóyô me bélê ye ke hol dnalang ye yóm kul kmò yó kem tau hemtahu bè Dwata, ne yóm khanay le nawa le efet guta le yóm deng tehe fasad Dwata kul.

Ifisus 6:6

Bê ye olo hton du ta ke wen nmò ye mò tô gónó le dmóyón kuy. Okóm hol hewót ye lem but blutut ye yóm kmò ye du yóm kun kóyô Dwata, yakà tau ye klifen bè Krays.

Sulat Pol Ebè Yó Kem Tau Hemtahu Bè Rom 12:2

Bê ye abay lolò kul kmò yó kem tau là hemtahu le lem nim benwu ni. Hesfili ye ke Dwata yóm kehedem ye anì gtukul ye ke tedu yóm kun kóyô bélê ye, ne ke tedu yóm hyu ne yóm tedeng ne yóm mò gónón hligal.

Matyu 24:13

Okóm hol ye hbala efet kól bè sónen anì angat guta ye yóm klowil laen dù sónen.

Deng Hegfan 13:10

Yóm tau ke deng olu Dwata du kenfô, dohò kenfô se yó. Ne ke deng olu Dwata yóm sotu tau matay bè sudeng, dohò matay bè sudeng se yóm tau yó. Yó gónóm mon, tey bong muhen yóm khulung le hbala yó kem kun tau Dwata, ne ke là monolen yóm kehtahu le.”

1 Pitér 1:9

Abay se yó nefeten yóm kehtahu ye bè Jisas, duhen yóm deng kegewà ye gu lem hatay.

Hibru 6:17

Senged se yóm tehe kun nmò Dwata ekni. Bè yóm tehe kwen fasaden yó kem tau gnan, hol kóyóen ke tngón le yóm là ketlesen du yóm deng fasaden kul. Yó gónón hemlan du bè kun boluy mò hol hemget du.

Kulasi 4:12

Tey gel kólóm Ipafras kuy snéen kun sotu tau lemwót dyó bélê ye, yóm sotu tóbóng lówó Krays Jisas. Tey gel knihen bélê ye bè Dwata anì hol hbegelen yóm kehtahu ye, ne anì hol gtukul ye yóm kun kóyô bélê ye Dwata ne anì hol gulit klolò ye du.

Kul Nmò 13:22

Timbow kó Dwata Sol, tlesen du Dabid mò tau hol geta bélê le. Wen tulón Dwata gbak ebè Dabid, yó monen, ‘Nim Dabid ngà Jisi ni, tey hyu nawahu ebéléen. Angat gotu nmoen yóm kdê hmou du.’

Kun Snulat Jan 7:17

Yó se tau móyô mimón yóm kun kóyô Dwata,” monen, “dilóen ke lemwót bè Dwata nim toloku ni duhen ke tódô lenbuu.

Kun Snulat Luk 8:15

Yóm tonok hyu gónón e gdek yóm dumu bnék sohulen, duhen yó se kem tau hmungol du yóm Udél Dwata, ne tendo hnô le lem hendem le ne tódô henlel le se hemtahu du efet tey kbungu le.”

Matyu 21:31

Bud mon Jisas, “Mahi du de bélê le mimón ke mà le?” Ne mon le se, “Yóm ngaen twogu.” Omin Jisas bud mon du mò kul, “Tódô tulónu kuy, mom gna mung bè yó kem tau nogot Dwata yó kem tau gel mtuk bwis, ne yó kem libun hdóyón. Là kuy, là kô ye na a gmung.

Matyu 12:50

Abay se yóm tau mimón yóm kun kóyô Mà bè longit, hol lómón ke twolihu ne libunu ne yéu.”

Matyu 7:21

“Là kô kdéen du yó kem tau mon du ou yóm gónó le mogot, angat gmung bè yó kem tau nogot Dwata,” mon Jisas. “Tek són olo gmung yó kem tau mimón yóm kun kóyô yóm Mà bè longit.

Kem Lingón 40:1

Tey khanayu nawahu mangat du yóm któbóng Dwata dou. Ominen yó he hmungol dou, gungolen yóm tey ktabahu ebéléen.

1 Tisalunika 1:3

Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.

Kul Nmò 13:36

Yóm utóm lingón Dabid yó, là kóen gbak ebè kun knô. Abay se bè yóm deng gotu kdeng Dabid yóm hmò Dwata du, matay se kun, ne lebeng le klohok yó kem tehe fuen, ne deng kem bolok ne lówóhen.

Mark 3:35

Yó se mimón yóm kun kóyô Dwata, yó se hol twolihu ne libunu ne yéu.”

Sulat Pol Ebè Yó Kem Tau Hemtahu Bè Rom 12:12

Hol tendo hlaan ye nawa ye abay se wen yóm hendón nefet nawa ye. Bê ye tnalaw ke wen gónó ye gel glayam. Tódô senflós ye mni bè Dwata.

Hibru 11:39

Yó kem tehe tau gnahen yó ekni, bong le megdóyón se lemwót bè yóm kehtahu le bè Dwata. Ewenem yó, bè yóm klawi le mowil, là kô guta le du yóm fasad Dwata kul.