Hibru 10:34 - Udél Dwata: Gna Kesfasad ne Lomi Kesfasad

³⁴ Ne gel ye gbót glayam bè yóm kegkukub yó kem dumu ye hemtahu. Balù yó kem tau mled kimu ye, là kóen sidek kehedem ye ebélê le, mom wen he yóm kuy kehligal, abay se deng tngón ye wen yóm tey kuy kimu alì hyu laen dù sónen ditu bè longit.

Hibru 10:34 Referans Kwoze

1 Pitér 1:4

Bud nangat tekuy snéen yóm tey hyu fan Dwata bè yó kem kun tau ditu bè longit. Laen kô dù hemsidek du yóm fanen tekuy yó, ne laen se kô dù belenen sidek, ne là se monolen yóm tey kehyuhen.

2 Timuti 1:16

Dwata he fen tmóbóng kul yó kem kun fes lówó Unisifurus. Deng hilu duléken ne yóm fen na a gel hemyu nawahu. Là kóen na a gseng du yóm kegkukubu,

Sulat Jim 1:2

Ó kem dumuhu setwoli, ke sok sut yó kem mgel bè klowil ye, tódô ye kem hligal du ne.

Hibru 13:3

Bê ye abay klifót tmóbóng kul yó kem dumu ye geblanggù. Hol lómón kegnóm ye du dé, lómón ke yu yóm geblanggù. Ne yó kem dumu ye deng glayam, bê ye abay klifót tmóbóng kul. Hol lómón kegnóm ye du, lómón ke yu yóm deng glayam.

Ifisus 6:20

Yakà ni du gónó Dwata hógów dou, ne ni se yóm lewót gónóhu geblanggù. Hol hni ye ou anì là likoe mit du yóm Tulón Hyu deng sigang Dwata tahu.

Kun Snulat Luk 12:33

Hebli ye yó kem kimu ye, ne blay ye bè yó kem tau élél yóm blihen. Ke yó nmò ye, lómón ke deng wen filak henyu ye bè longit bè yóm gónó hemyu filak là buden sidek. Ke wen ten-ginof ye bè longit, là kô wen fen mtón du ne laen se dù mnagaw du ne laen se dù kaba hemsidek du.

1 Jan 3:2

Ó kem weu dou dumu sogot nawa, deng tekuy baling ngà Dwata ne ni, okóm là deng getnef tekuy du he yóm angat mò kmò tekuy. Okóm deng eles tngón tekuy ne bè yóm kesfulék Krays, gotu tekuy mkél du lemwót bè yóm hol ktatawen bè yóm kton tekuy du.

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.

1 Timuti 6:19

Ke ni se nmò le, lómón ke deng wen kul ten-ginof eles henyu bè longit, anì duhe kóm, angat guta le yóm klowil hol tahu duhen.

Kulasi 1:5

Bè yóm hol tanay kungol ye du yóm tahu tulón, duhen yóm Tulón Hyu, gungol ye yóm kwen nefet nawa tulónen. Yó se hol buten yóm kehtahu ye ne yóm kbong nawa ye kem dumu ye, duhen yóm hendón nefet nawa ye deng eles tgama Dwata kuy bè longit.

Flipay 1:7

Là kóen mkó bè nawahu yóm gel kehedemu kuy. Tey knóón ke lómón ni yóm kehedemu ebélê ye, yakà deng tendo gel tnóbóng ye o bè yóm tey kehyu deng hmò Dwata do. Balù nim knóu lem blanggù ni, ne bè yóm tehe gel kógówu mò mfi du yóm Tulón Hyu, ne mò tmolok du snéen, sana kem yó ne yóm gel któbóng ye dou.

Ifisus 4:1

Duhen ni, wen hlolou kuy, ou se yóm tau deng geblanggù lanu mò du yóm hmoen dou yóm gónó tekuy mogot. Bê kwit ye ktau ye, hol nmò ye sen yóm nmò seklóón ebè yó kem tau deng tnaba Dwata.

Ifisus 3:1

Yó gónóm mon, tey gel knihu bélê ye bè Dwata. Ou se Pol, yóm tau geblanggù lanu gel lemolò ke Krays Jisas, ne lanu gel tmolok lem blóng ye yu kem tau là Ju le.

Kul Nmò 21:33

Tódô hekteng ebè Pol yóm kmandér ne kenfóen, ne hféten, botong lewu kdina fét le du. Mudél yóm kmandér, monen, “Tau du de ni? Tedu salaen?”

Kul Nmò 5:41

Bè yóm kewót le bè yó yó kem hógów Jisas, tey kehligal le, abay se deng nélék Dwata lu mò fen glayam lemwót bè yóm klolò le ke Jisas.

Kun Snulat Luk 10:42

Tek sotu se yóm bong muhen, duhen yóm deng kun nélék Midi, yóm laen dù bud gemwa du béléen.”

Matyu 19:21

Bud bnalà Jisas se, monen, “Ke móyói hol gulit, tu ne muléki nam e hbalù kdê nô béléem, ne blayem bè tu kem élél yóm blihen. Ke yó nmoem, angat wen tey kendengenem bè longit. Ne lemwót yó dum kóm, loloem ou.”

2 Timuti 2:9

Ne yó se lewóten nim gfau ni. Lómón kfét le dou tau monok. Ya mo kegfét le dou du, okóm là kô gfét le du kun yóm Udél Dwata.

2 Kurin 5:1

Nim lówó tekuy ni, hol lómón ke slung. Ke deng bangen gbà nim slung ni, eles tngón tekuy se angat wen tahu gónó tles Dwata du ditu bè longit, yóm gónó kun nmò Dwata, yóm laen dù tul sónen.

Kul Nmò 28:20

Ni se gónóhu tminok kuy ni,” mon Pol, “anì hol tulónu kuy yóm ni. Bè ktahuhen, yó gónó le kemdina do lanu alì kemgel nawa yóm tau hendón nefet nawa yó kem tau Israél.”

2 Timuti 4:8

Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.

Kun Snulat Luk 9:25

Anien he ke gotu gfun tau yóm klamangen benwu, laen kô ofolen du ke lana béléen yóm klowil laen dù sónen.

Hibru 9:15

Yó gónóhem mon, Krays se yóm lomi lan deng nmò Dwata mò lan tekuy hloni ebéléen. Yó gónón mò du anì kdê yó kem tau deng tnaba Dwata, gotu ton le yó kem hyu tehe fasad Dwata kul, yóm hyu laen kô tul sónen. Hol tahu dohò nim ni, abay se deng wen fen matay. Yóm katayen yó, gotu lenwaen yó kem tau bè yó kem sidek tehe gel nmò le bè yóm tehe klolò le yó kem gna hlolò le kul.

Hibru 13:14

Abay se nim benwu gónó tekuy nô ni, olo hlunen. Wen he yóm hol tahu benwu ditu bè longit, ne yó se hendón nangat tekuy ni kmoen ni.

Kehedem Tau Tmolok 3:6

Wen se kdaw mebel ne wen se kdaw lemana. Wen se kdaw hemyu ne wen se kdaw mbot.