Hibru 10:33 - Udél Dwata: Gna Kesfasad ne Lomi Kesfasad

³³ Deng tódô henyak le yu bè gónón wen, ne hensidek le yu. Okóm kuy, mom nfi ye yó kem dumu ye hemtahu deng gónó le mò du yóm yó.

Hibru 10:33 Referans Kwoze

1 Kurin 4:9

Bede bélê me kum kem tau deng nélék Krays mò gel hógówen, bè dou kehedem du, dô mi se yó kem tau deng alì heglaan Dwata bè kdéen. Ne lómón ke mi yó kem tau deng nfét mò hnatay bè gónón wen. Tódô kdéen tau temngel kum, ne balù tu kem hógów Dwata gu bè longit, gotu tenngel le mi se kul.

Flipay 4:14

Okóm tey hyu se yóm kwen hwit ye ebéléu bè yóm igou glayam.

Flipay 1:7

Là kóen mkó bè nawahu yóm gel kehedemu kuy. Tey knóón ke lómón ni yóm kehedemu ebélê ye, yakà deng tendo gel tnóbóng ye o bè yóm tey kehyu deng hmò Dwata do. Balù nim knóu lem blanggù ni, ne bè yóm tehe gel kógówu mò mfi du yóm Tulón Hyu, ne mò tmolok du snéen, sana kem yó ne yóm gel któbóng ye dou.

Hibru 11:36

Yó gel nmò le bélê le yó kem tau hmohon kul, gel henwog le lu, ne nfes le lu, lel le kemdina kul ne bnanggù le lu.

1 Tisalunika 2:14

Ne ni, kem dumu me setwoli, deng wen gónó ye skél bè yó kem tau hemtahu bè Dwata bè prubinsya Judiya bè yó kem tau nfun Krays Jisas bè yó. Abay se lemwót bè kehtahu ye wen gónó ye glayam bè kem dumu ye nim kmoen ni, hol lómón se yóm tehe kul keglayam yó kem tau bè Judiya bè yó kem dumu le Ju.

Kem Lingón 74:22

Hekmóni, Dwata, nfihem yóm kóm. Hentulónem nawa yóm tendo kehnê le kóm smilef kdaw yó kem tau là hemtahu yó.

Hibru 13:13

Duhen yó, tódô tekuy hlós ebéléen ditu bè lewà anì gbót tekuy bè yóm tey kyaken.

Hibru 11:26

Hendemen mom hyu he kun ke henwog le lemwót bè yóm kehdónen yóm Misaya, yóm deng nélék Dwata mò hkamalen yóm klamangen, olo ke tô gfunen yóm tey kendengen bè Idyip. Deng eles hendemen ne kun yóm ofolen elem hulin kdaw lemwót bè Dwata.

2 Timuti 1:8

Duhen yó, béem kenyak tmulón du yóm deng tngónem gbak ebè yóm gónó tekuy mogot. Béem kenyak se nim fen kegkukubu lanu mimón ke Krays. Ne béem hentaw ke wen gbunuem bè kwitem du yóm Tulón Hyu. Dwata he temgel kóm.

2 Kurin 12:10

Deng kem knalamu ne yó kem dê gónóhu lunog, ne yó kem alì gel kehnê le do yó kem tau. Deng knalamu snéen dou yóm klowil mgel, ne yóm alì gel kehsidek le do yó kem tau là hemtahuhen. Ne dê he kem dumu sidek gel gbunuu deng kem knalamu. Baluen ke wen gónóhu gel lunog, kaem bè yó se gónóhu bud lemwót kemgis.

Sikaraya 3:8

Ni mò hol hnungolem, Jéswa, yóm geta bè yó kem tau gel blóng ebéléu, dalang se kuy kem dumu tau gel blóng ebéléu, hol hnungol ye. Yu se hmigad du yó kem hyu móyón sut. Móyón nwitu elem blóng ye yóm dou tóbóng lówó, yóm bnoluy Hanga.

Nahum 3:6

Angat sohulu kóm kê, tey khisiku kóm. Angat nmou uu mò sentngel kem tau.

Kem Lingón 89:51

Hono hohonem, Dwata, yó kem tau hemnê yóm tau hol geta deng nélékem. Kihu gónón e solu, tendo hennê le.

Kem Lingón 79:12

Ó Dwata, hitu dulékem meles kul yó kem tólóng benwu hmilol me alì hemnê kóm.

Kem Lingón 71:7

Yóm dou klowil, lómón ke mò gónó le temngel yóm kdéen tau, abay se uu yóm mbegel mofin dou.

Kem Lingón 69:9

Tey kkinì nawahu edu yóm Gónóem, Dwata, lómó kegnómu du, hol lómón ke ofi temluk lem kfuhu. Fen tódô ebéléu yóm kehnê le kóm yó kem tau.

Hibru 12:4

Bè yóm kekbê ye du yóm sidek, là kô deng wen bélê ye he ke fen matay.